英國現時既中式超市，雖然已經比十幾年前我初來報到時進步咗好多! e.g. 以前英國買唔到既食物 / 用具，而家間中都可以喺中式超市搵得到~ 不過貨源唔穩定，而且賣得好貴......所以有時唔急用既野，唯有等到返香港時寫定張list 好似執藥咁照執! 
實在有太多野喺英國買唔到嘞!!! 
有時好想要一樣喺度買唔到既野，我就會轉向internet shopping; 不過因為好多時我想要既野太刁鑽，internet shopping 都買唔到，依個時候就要靠香港親朋戚友既幫忙! 
有時好想要一樣喺度買唔到既野，我就會轉向internet shopping; 不過因為好多時我想要既野太刁鑽，internet shopping 都買唔到，依個時候就要靠香港親朋戚友既幫忙!
就好似今次依咋新玩具......
由上至下; 左至右......
- 可入焗爐既蛋糕紙杯; 蛋糕花紋篩糖粉紙片
- 心型布丁模6個; 紙杯蛋糕模6個連墊紙
- 迷你街邊風味雞蛋仔模; 連埋雞蛋仔食譜喎!
依咋野全部喺英國 or 網上都買唔到!!! 今次好多謝網友阿Wan 既幫忙~ 真係麻煩哂妳一次過幫我買齊哂咁多野，仲要打箱速遞比我; 亦好多謝妳對我既信任!
等我擇個好日幫依咋新玩具開開光先~~~~ 
(Empty)
回覆刪除[版主回覆07/23/2009 00:23:00]我老公好鍾意食雞蛋仔架!
我喺forum 見到有人買咗返屋企自己整.....
咪又買個來氹吓老公開心囉! (不過都係佢比錢..... )
我喺FB 見到妳個pizza 呀......
原來妳用我個食譜既~~~~
(Empty)
回覆刪除[版主回覆07/23/2009 06:44:00]唔洗羨慕! 妳幾時返香港呀? 妳又買返個玩吓吖~~~ 再唔係託香港既親戚朋友幫妳買? 如有需要，我可以比個地址妳~~~
(Empty)
回覆刪除[版主回覆07/23/2009 06:40:00]如果妳睇返我既舊blog，妳就會知道V媽媽不定期會寄一大箱"救援物資"比我! 但內容都係V媽媽random 地決定......
不過今次我想要既野，好多都係喺要上樓既烘焙用品店買~ 而V媽媽最憎去要上樓既店 - 只要唔係地舖，佢都會睬我都傻.......所以今次要託朋友幫我買!
(Empty)
回覆刪除[版主回覆07/23/2009 17:01:00]大size雞蛋仔模係咪好重?
我老公好鍾意食雞蛋仔! 返親香港幾乎日日食咁滯~ 不過英國冇雞蛋仔賣，所以買個模整比佢食!
(Empty)
回覆刪除[版主回覆07/23/2009 16:52:00]其實入爐紙杯都有得賣~ 不過唔係我想要既形 + size!
(Empty)
回覆刪除[版主回覆07/23/2009 16:50:00]咁妳而家係咪又心思思想買返個呢? V媽媽知我鍾意煮野食，所以佢同我一齊去買煮食用具時都唔會阻止我 - 因為佢都會買埋一份! 但好似雞蛋仔模依d刁鑽工具，佢會話我買來搞搞震囉~~~~
(Empty)
回覆刪除[版主回覆07/23/2009 16:47:00]我好多謝依位網友對我既信任~ 我喺香港時同佢食過飯見過面! 佢好似住屯門???
(Empty)
回覆刪除[版主回覆07/23/2009 16:38:00]V媽媽嫌麻煩啩!!?!? 平貴對佢來講完全唔係問題，就算樓上舖平過地舖買同一樣野，佢都一定寧願去地舖~
(Empty)
回覆刪除[版主回覆07/23/2009 17:05:00]油麻地上海街一帶有好多供應廚具比食肆既廚具用品店會有得賣!
(Empty)
回覆刪除[版主回覆07/24/2009 07:14:00]應承咗老公今個weekend 試吓!
(Empty)
回覆刪除[版主回覆07/24/2009 07:14:00]咁住喺香港落街買又真係方便好多喎~~~~
(Empty)
回覆刪除[版主回覆07/24/2009 07:13:00]格仔餅我 + 老公都冇興趣~ 其實咪又係果d料來!
(Empty)
回覆刪除[版主回覆07/24/2009 07:12:00]迷你雞蛋仔模 - 萬記砧板 (上海街340-343號); 其他烘焙用具 - 二德惠烘焙用品店( http://www.twinsco.com )
(Empty)
回覆刪除[版主回覆07/26/2009 19:33:00]尋日試個模整咗幾底，不過我買唔到木薯粉，所以用咗粟粉~ 整出來 個樣幾靚但唔夠脆，不過老公話好好食全部搞掂哂!
後來我上網check，先知自己用錯方法 - 倒粉漿後唔記得搖勻! 今日晏d再試過~~~