2009年8月31日星期一

笑笑小動物


_2013.gif image by veronica_tsim YouTube 真係一個偉大既分享網站!

鍾意小動物既我,因為養小動物責任重大而卻步~ 但因為有YouTube 既存在,我都可以分享到其他人所飼養可愛寵物既趣事! 睇完會令我哈哈大笑,心情愉快!

Fujimama (2009年8月30日)

Glasgow 出街食飯越來越少選擇,來來去去都係食果d野,真係唸到頭都爆!!!

尤其係食日本野~ 數來數去Glasgow 都係得果幾間: Ichiban, OKO Express, Yo!Sushi, Nanakusa + Wagamama......應該係咁多! 真係食到好厭!!!!

最近聽聞Braehead Xscape 裡面開咗間新日本餐廳"Fujimama"~ 雖然老公表弟已一早同我地講過 - Fujimama 好咋 (老公表弟喺果度做part time~),不過weekend 去開Braehead Arena 睇Collectormania 2009 (comic fair),所以順便去Fujimama 試吓有幾咋!

 一睇個餐牌已知唔對路 - 日本味濃既餐廳名字,但供應既係中、日、泰打亂種fusion 菜......

2009年8月28日星期五

我和捷克割蓆之原因

同網友傾談間無意中提起 - 我發過誓依世唔會再去捷克!
_1502.gif picture by veronica_tsim網友想知箇中原因......

我有2個passports - BNO + 特區護照; 結婚前我一直都係持student visa (學生簽証)既BNO出入英國境,而特區護照我就一次都未用過......

05年2月我、老公 + 2位朋友相約一齊去捷克首都布拉格旅行,當時既捷克仍未入EU Schengen Area (歐盟申根公約國),所以持BNO 需要申請旅遊簽証!

當日我帶住有學生visa既BNO,我地一行4人興高采烈由Glasgow 機場出發到咗布拉格機場,老公 + 朋友們因為都持英國護照,所以都一早順利過關......

到我過關時職員見到我個BNO,一句說話都無講,就由counter 行出來將我帶返入去關口後面既長椅.......叫我坐喺果度等! 之後連同我個BNO消失咗......

當時仍然有好多遊客排緊隊過關,已過關既老公 + 朋友們隔住關口不停張望,唔知發生咩事.......

2009年8月27日星期四

二人世界的三餸一湯 - 2009年8月27日 (附食譜)



川貝海底椰雪耳蘋果湯; 砵酒忌廉燴牛腩; 白飯魚煎蛋 & 腐乳炒菠菜

早排天氣炎熱,搞到完全唔想煮飯; 但最近依2星期天氣開始變返清涼,今日終於有心情煮返三餸一湯嘞!

砵酒忌廉燴牛腩


2009年8月26日星期三

英國版麥當勞罐形可樂杯 (2009年8月26日)


經過3個星期既麥麥加大餐,_2264.gif image by veronica_tsim我終於都儲齊咗一套英國版罐形麥麥可樂杯嘞! 雖然唔係日日食,但英國既麥麥,一星期食一次對我來講已經太多...........

2009年8月23日星期日

我們的新玩具 (2009年8月23日)

雖然距離我 + Mr.T 既拍拖週年仲有2個多星期 ,不過我地已急不及待預早交換禮物,互送對方一個新玩具! 去(相)片~~~~

 依個係我送比老公既!

好耐以前曾經同老公討論過對高爾夫球既睇法......當時我 + 老公都好膚淺地認為高爾夫球係一個"扮有錢人"既活動~ 尤其係英國既中國人!  (可能睇得港產片太多,認為高爾夫球只係d人想扮上等人先玩既玩意......)

而事實上我地有好多玩過golf 既朋友 - 初開始玩時會周圍同朋友講: 我去打golf! (語帶自豪自以為好高尚咁款~ ) 個個打唔夠幾個月,咪又係將套golf clubs 遺棄喺車房......

直至個幾月前,鬼仔伴郎Jeff 逗老公去嘗試玩golf~ 老公只去過一個傍晚,就打出興趣來! 雖未至打上癮果隻,但佢就對golf 改觀咗 - 原來真係要技巧架! (不過佢仍唔排除有人打golf 係想扮有錢人!),佢話遲吓會約Jeff 再打過~~~

2009年8月21日星期五

一份令我窩心感動既禮物 (多謝妳!) 2009年8月20日

8月20日郵差送來一個包裹~ 簽收時我正在奇怪 - 我依幾日都無上網買過野喎........

 不過一見到包裹上有中文字,我就知道係扑友"Mami 阿四"寄來既"神秘禮物"!

2009年8月19日星期三

靚靚冚裙靚靚鞋~

為了好友 + 為了靚靚~~~~_1555.gif image by veronica_tsim尋日8月18日Stephen & Jenny 既婚禮........

 我特地買咗靚靚冚裙 + 冚鞋!

Stephen & Jenny's Wedding (2009年8月18日)

尋日係Stephen & Jenny 既大喜日子~  祝依對郎才女貌既新人,永遠幸福快樂!


之前收到請柬,本以為我 + 老公只被邀請出席晚上飲宴; 後來Jenny 喺FB通知我 - 邀請我地觀禮~ 不過太 short notice,老公請唔到全日假; 於是約咗Robert 一齊去.......點知佢又臨時有事去唔到!!!!!

真係唔好意思嘞Jenny~~~~ 明明應承咗妳,我會去觀禮.......

2009年8月14日星期五

柴娃娃儲埋一份 - UK vs HK 麥當勞可樂杯 (2009年8月14日)

香港麥當勞買加大套餐送"可口可樂經典弧形玻璃杯",有幾位香港網友都有換,甚至已經儲齊咗一套!
尋日睇電視見到麥當勞廣告 - 英國麥當勞加大套餐都送可樂玻璃杯呀!  同香港果套一樣 - 一套六色~ 不過英國版並唔係經典弧形,而係可樂罐形!

見到香港網友儲咗成套經典弧形,我都心思思想儲套可樂罐形!

 於是今晚就換咗1個姣婆粉紅......(果間麥當勞得1個色咋!) 個杯比真正罐裝可樂高少少~~

2009年8月12日星期三

再來V家愛心包裹 (2009年8月12日)


_343.gif picture by veronica_tsim Yeah~~~~ V家又寄來救援物資嘞!!!

唔方既方包 & 失手菠蘿包


焗咗幾次甜麵包,今次試試鹹方包!

_342.gif picture by veronica_tsim 今次做既鹹方包,分別用咗2本唔同麵包書: <香港麵包>既材料 + 份量; 但做法就係跟<專業麵包甜品製作>~

2009年8月10日星期一

化憤怒為力量!!!

上星期五晚發現比人盜用我blog 食譜達4篇之多,相當谷鬼氣!!!!_366.gif image by veronica_tsim

為咗平息我既怒火,weekend 去咗retail therapy......


二人世界大舊牛 2009年8月7日 (附食譜)



燒牛肉伴迷迭香紅酒肉汁, 配約克郡布丁 (Roast Beef Rosemary & Red Wine Gravy & Yorkshire Pudding)

可能經濟唔好,已經好耐冇見過超市有大舊連骨Beef Rib Joint 賣 - 因為都幾貴架~~~ 而平時我買開既"Asda Extra Special 28 days Matured Beef Rib Joint",即頭絕哂跡!

2009年8月9日星期日

Yorkshire Pudding (約克郡布丁)


_342.gif picture by veronica_tsim Yorkshire Pudding (約克郡布丁 / 或約克夏布丁)並唔係甜品,依種英國獨有口味既傳統布丁反而係一道配菜來,同淋上咗gravy 既燒牛肉簡直係最佳拍檔!

Yorkshire Pudding 口感輕鬆近似泡芙,味道清淡,有d人會覺得似我地中國"油炸鬼"既輕盈版!

2009年8月7日星期五

未善其事‧先利其器 - 我的烘焙好幫手

雖然我剛剛先開始學整麵包,而且蛋糕方面又唔拿手......但其實好耐之前我已為咗學習baking 作好準備 - 買吓買吓不經不覺就買咗大咋各種仲未用過 / 啱啱先開光既烘焙用具!!!_364.gif picture by veronica_tsim

焗盆 / 模具

 麵包蛋糕模具~ 唔同形狀可以配合唔同需要......

2009年8月4日星期二

鹹牛肉粟米包


墨西哥包


依個墨西哥包既外表,係"扮日式蜜瓜包版"......

2009年8月3日星期一

慶祝唔正式既結婚3週年 (2009年8月1日 - 2日)

我做咗Mrs.T 就快3年嘞!

3年前既7月31日,係我 + 老公既英國婚禮 - 只擺酒仲未正式註冊,所以一直以來我地都只係當英國既婚禮,係正式婚禮前既綵排,並唔會特別慶祝!

舊年既7月31日,老公放工返來送咗大札花比我~ 不過我同老公講: 下一年唔好送花嘞!  (反正好快就到拍拖週年 + 正式結婚週年,全部日子都好接近~ 老公實送花......收花收得密,都冇咗特別意義啦! )

所以剛過去既星期五(7月31日),我地冇慶祝,老公亦冇送花......

 不過老公訂咗位第二日星期六(8月1日)去Hilton 食自助餐!

真係好鍾意去Hilton 食buffet! 次次食物都唔同,時時有驚喜......

2009年8月1日星期六

夫妻

頭先上forum 睇到一個member 講關於佢爸爸媽媽既事~ 有感而發......唔知係咪時代唔同? 我對上一輩既女性可以忍受老公對自己精神上、肢體上虐待既能耐 + 當婚姻出現問題時既處理手法,覺得好不可思議!

我唸起V媽媽曾經同我講過一個關於佢好朋友既故事......

A係V媽媽一位幾十年既好朋友~ A既背景係上一個generation 生長喺典型貧困既公屋家庭,對下有一個細佬。A童年時代,A爸爸喺出面玩女人,在外遇到唔如意既事,返到屋企會打老婆仔女來發洩; 要錢時完全唔理會屋企有冇飯開,將屋企所有錢 + 可以典當既野攞走; 後來仲揼低老婆仔女一個人搬走咗! A兩姐弟完全係由A媽媽一手一腳獨力養大果隻......

A既父母一直冇離婚.....直至多年後有一日,A爸爸返咗來! A媽媽並冇趕走佢,不過由依一刻開始,雖然大家生活喺同一間屋裡面,但生活上完全各不相干! e.g. A爸爸瞓廳; 各自分開煮食; A爸爸 + A媽媽完全唔同對方講話,生活作息都如陌路人一樣........

試過A放工買咗宵夜,返到屋企順口問A爸爸食唔食,A媽媽望都唔望A爸爸,只直接同A講: 妳唔洗對佢咁好架! 唔洗理佢架!!! 由得佢啦~~

曾經有一次A半晚返到屋企,屋裡面冇開燈,A見到自己爸爸一個人呆坐喺梳化,A問佢: 你喺度做乜呀? A爸爸一臉落寞地答A: "冇乜野......",A從來冇忘記過以前發生過既事,所以一直都好憎自己爸爸~ 當時係A爸爸返咗屋企咁耐以來,A第一次有一種心疼既感覺......

之後冇耐A爸爸証實患上末期癌症,喺A爸爸最後一段住院既日子裡面,有一日A媽媽突然煮咗飯餸攞去醫院比佢食! 不過依然一句說話都冇同A爸爸講過,只等A爸爸食完野,收拾好就離開醫院,日日如是......A去醫院探A爸爸時,A爸爸同A講: 今日妳阿媽來醫院探我,佢仲煮野比我食~ 我好開心!

A爸爸臨終前將一本紅簿仔交比A,同A講: 裡面有20萬,我儲咗好耐,我走咗之後,妳將錢交比妳阿媽......

到A爸爸走咗之後,A照佢既說話將紅簿仔交比A媽媽,但A媽媽完全冇接過紅簿仔,只冷冷地講咗句: 得啦~ 你地攞畢錢去辦事囉!

A媽媽一直如常生活,甚至冇流過一滴眼淚,對A爸爸身後事完全不聞不問,葬禮當天,亦如常返工冇出席到......連A都覺得自己媽媽好狠心~~

Related Posts Plugin for WordPress, Blogger...