1. 紅蘿蔔切大塊; shallots 數粒切半(或洋蔥切塊)備用。
2. 牛腩原塊汆水10分鐘左右，取出瀝乾切大件 + 拌以少許胡椒粉、生抽和少許老抽醃一會。
3. 爆香蒜蓉和薑數片，加入牛腩和shallots，炒至牛腩變色後，再加入茄膏炒勻。
4. 加入砵酒和清水各一半至剛可覆蓋牛腩。
5. 加入撕碎香葉(bay leaves)3片、冰糖1小塊、牛湯精1粒和喼汁少許拌勻煮滾。
6. 滾後轉小火炆1小時30分鐘，加入紅蘿蔔塊和重忌廉(double cream) 適量拌勻再炆30分鐘即成。
P.S. 依味牛腩可中式配飯; 亦可西式配意粉!
好正呀! 我多數用紅酒炆, 未試過用其他酒! 你還加重cream, 你說好夾 !!真的要試下先 !
回覆刪除[版主回覆08/28/2009 19:43:00]砵酒平時用來炆牛尾，不過我老公鍾意啖啖肉，所以我炆牛腩囉~
我都係鍾意啖啖肉
回覆刪除[版主回覆08/29/2009 01:19:00]啖啖肉既牛腩 + 有骨既牛尾唔同風味囉~~~ 兩樣我都鍾意!
我未試過用茄汁黎煮牛腩，多數都係用咖哩/柱侯醬，搵日試下先。
回覆刪除不過我唔會copy你個食譜去我個blog到，我整好咗，只會放相，你睇我個blog就知我從來唔加食譜。哈~~
[版主回覆08/29/2009 16:30:00]依個係西方既做法! (唔係茄汁來架，係紅砵酒呀~) 原本應用來炆牛尾既.......
我之前都係炆中式牛腩e.g. 柱侯、南乳，咖喱都試過! 好呀~ 等妳整咗去妳度睇!
yum yum...我要+意粉...^^v"
回覆刪除[版主回覆08/29/2009 16:27:00]冇哂咯~ 食哂咯~~ 下次請早!
若果我老公見到呢個菜式, 一定愛不釋手, 仲可能霸住自己食添喎
回覆刪除[版主回覆08/31/2009 00:01:00]我老公咪又係咁! 果晚佢係咁食哂d肉........仲有少少剩我留返第二朝自己做lunch，不過得2舊d屎咁大既肉，其他全部係紅蘿蔔來!!!!!
英國啲牛腩好唔好食架，我呢度啲牛腩瘦猛猛，所以好少買
回覆刪除[版主回覆08/30/2009 23:58:00]中國超市買既好d; 西式超市買既大多較瘦，但我盡量都會揀肥少少既! 全瘦既牛腩邊好味架?
呢度中式超市啲牛腩都係咁 真唔明，嗰啲所謂坑腩、崩沙腩去哂邊，掉哂？？啲美國人好特別，雪雞冇雞腳冇頭，雪魚冇頭冇尾，見到呢啲都驚
回覆刪除[版主回覆08/31/2009 01:23:00]係呀~ 因為依度大部份中式超市butcher 果part 都係外判既 - 鬼佬butcher! 只得最新最大既泗和行係用中國人butcher~ 不過睇佢地個樣都唔識分咩腩咩腩.......
英國超市d雪雞都係冇頭冇腳架; 獨立包裝既魚有時都冇頭~ 中式超市既冰鮮雞先有頭有腳，不過貴好多!!!