8月20日郵差送來一個包裹~ 簽收時我正在奇怪 - 我依幾日都無上網買過野喎........
捧住仍未拆開既包裹，我覺得好warm 好warm~~~~
拆開一睇......
拆開一睇......
當時我同阿四呻咗兩句 - 喺英國既中式超市買到既班蘭葉都好鬼大包，一包一定用唔哂好浪費.......細心既阿四就為我寄來一包班蘭粉! 好鬼窩心啊~~~~~ 
有睇開我blog 既網友都應該知道，為食既我間中會做d袖珍食物手作仔; 我又鍾意儲一d食物型既物品......
依咋全部係像真度好高既"的式"食物模型~ 有杯麵、紅豆沙、綠豆沙、水餃、湯麵、日本定食、豆沙湯丸 (哈哈~~~ 連豆沙都見到喎!! 
) 真係好可愛啊~~~
) 真係好可愛啊~~~
除咗可以做鎖匙扣或電話繩之外，每個底部仲有塊磁石，可以貼喺雪櫃上面! 我已經將佢地貼哂上雪櫃門嘞! 好鬼壯觀~~~~~ 
......不過我好有用喎! 
曾經試過幾次整壽司時特登整多d，等老公可以帶返工做lunch......不過老公話帶返工無咁好食 - 因為無豉油! 但又無理由帶枝豉油返工 or 特登買枝豉油放喺office 架?
依包膠樽仔真係啱哂嘞! 多謝妳~ 
真係講都無人信 - 尋晚老公胡亂上網，比老公無意中睇到依個超搞笑既日本萬字醬油廣告 - 同依包膠樽仔真係襯到絕呀!!!! 哈哈~~~~ 老公放工返來，我急不及待向老公展示阿四送比我既禮物......
老公: 哇~~~ 妳就好啦!! 我都要開返個blog 先得!!!!(我老公真失禮..........
)>>>>>>>>>>>>>>>>>>>>>>>>>>>>>>>>>>>>>>>>>>>>>>>>
我喺blog 裡面分享自己既日常生活，認識咗好多來自唔同地方 + 唔同身份既網友~
當中有人欣賞我既直率 (多謝你地!);
但亦有人(好多)認為我係一個口不擇言既死八婆 (so??? 我一向都自認死八婆架啦!)
不過最好笑既係 - 有人從來只偷睇我blog 唔留言 (我都唔知佢係乜水!)，
但乜水就認為我係井底蛙; 鍾意同其他人比較;
我blog 內容"嚇親"唔係住喺英國既人;而住英國既人就會覺得我作大......
乜水自稱對我非常反感，覺得我不可一世 + 不知所謂......
哇! 我同乜水完全零交流，但佢對我有咁大感想，
我真係覺得自己好有power 好勁啊!
我完全唔識乜水，不過佢就戇居到特登開個新A/C -
為咗鬼鬼鼠鼠咁向網友講我壞話 (做咗人阿媽都咁戇居，真係非常咁少見!
)人夾人緣~ 我相信所有人與人既關係 - 親人、夫妻、知己、朋友、網友......全部都要講緣份既!
初時V媽媽知道我有個依煮餸blog，
返到香港約素未謀面既網友見面......佢曾經擔心地叫我要帶眼識人! (冇錯~ V媽媽覺得我好低能 + 當我仍未長大......
)不過"Mami 阿四"講得好啱 - "網絡世界咪又係現實世界嗰班人，好人壞人咩人都有，至少我地仲識到其它好既blog友嘛!"
我好慶幸我喺網絡世界裡面遇到既並唔只"乜水"依種C咩鬼~ 當中仲有一班睇完我blog，會嘗試從中去認識我、了解我、甚至關心我既明白人!
多謝妳地 / 你地!
"Mami 阿四"係其中一位我最早認識既網友! 早在我開"V女廚房"前已喺網上認識佢~ 不過好可惜到而家我地暫時都未有機會見面.......
阿四~ 收到妳依份禮物，我真係覺得好感動! 
我無想過平日我地喺網上傾談當中交流過既細節，細心既妳都記得一清二楚......
我無想過平日我地喺網上傾談當中交流過既細節，細心既妳都記得一清二楚......
多謝BK~ 讓我有機會認識妳; 多謝Yahoo Blog~ 令我地成為咗朋友 (雖然YBlog 咁廢...); 多謝妳~ 讓我做妳既朋友 (同埋妳份禮物! 哈哈~~~~ 
)
(同埋妳份禮物! 哈哈~~~~ )
期待我地見面既一日啊!!! 
至於睇我唔順眼果班乜水 + 木咀~ 我依隻作大、不知所謂又不可一世既井底蛙......我相信妳(地)睇我blog 都無咩得著，而且又會激親妳(地)自己! 我勸妳(地)都係咪鬼再睇嘞~~~ 仲有 - 下次唔好咁戇居 + 咪咁多咀咯喎!!
上黎睇下你個PIZZA 食譜... 咁啱你又POST 咗BLOG!!
回覆刪除哈哈, 真慚愧 , 我以前有一段時間係睇你BLOG 又唔留言GA!!! 因為有一排唔記得PW, 費Q事去理.....
話時話, 你D低筋粉係邊到買GA??? 我有個FRD 營養師朋友話UK 既低筋叫 CAKE FLOUR / PASTRY FLOUR!! 所以一陣又試下買番黎用, 睇下係唔係....
[版主回覆08/21/2009 21:32:00]我唔係話所有只睇唔留言既網友都係"乜水" / "木咀"!
只係完全唔識我，走來睇我blog 竟然會睇到好反感!!?!? 睇完仲要鬼鬼鼠鼠同我網友講我壞話......真係戇居到無人有! 咁有咩謂呢? 既然咁反感就好心咪鬼睇啦!
英國應該係冇香港果種低筋粉賣架~ 據我理解 - cake flour 其實應該係self rising flour (自發粉 - 唔加baking powder 都會發起既~); 而pastry flour，若我冇記錯的話，應該即係plain flour (中筋粉)喎!
cake flour 都可以勉強話係低粉既~ 不過唔係香港果種純低粉囉! 我果隻日清薄力粉係喺香港帶過來架~ 但我最近見到Glasgow Chinatown 林記有得賣，不過唔多貨 + 唔知仲會唔會返貨........
其實我都覺得好幸運可以係blog識到好既朋友
回覆刪除重好開心可以識到一個認自己係死8婆既靚女
做唔做到朋友真係要講緣份！
[版主回覆08/21/2009 23:43:00]V媽媽教導 - 做人要有自知之明! 咁我係八婆我當然會認啦~
但若係因為我見過某d野，而人地未見過就話我係吹水作大井底蛙 - 咁依個我就唔會認嘞!
邊個先至係井底蛙，乜水 / 木咀自己唸啦~~~
SUPPORT U~~~
回覆刪除[版主回覆08/21/2009 23:28:00]Thank you very much!
嘩，我都好感動呀，你專登開篇blog多謝我
回覆刪除你老公咁攪笑既，咁叫佢快啲開番個blog啦
我之所以我送嗰啲豉油魚仔比你，係因為我諗住你成日整野食比你老公拎返公司做lunch，我估啲魚仔會有啲用卦，其實當時我都唔知你會唔會用得著架，不過反正我自己買開，咪買埋你嗰份囉，你記唔記得我話彤彤9月K3要自己帶茶點，我都諗住間中整壽司比彤彤帶返學校食，所以咪買定啲魚仔囉
我老公用緊電腦，依家用緊舊laptop，衰到連你依個blog啲相都睇唔到，同埋個萬字醬油廣告係空白一遍囉，而且仲要慢到嘔，激死我啦~~~~~~~~~~
[版主回覆08/21/2009 23:27:00]嘻~ 妳唔驚我開咗依篇blog 後，好多網友來問妳攞禮物咩?
哈哈~~~~ 如果我老公開咗blog 既話，妳係咪第一個認頭寄禮物比佢先?
所以我幾時都話妳最醒! 其實我之前都搵過依種膠樽仔架，不過真係搵唔到! 我老公話不如買幾盒超市壽司，食完留返個樽仔.....
妳一定要睇吓個萬字廣告!!!! 超搞笑又變態~~~ (雖然唔知佢唱乜!)
妳睇到相時會發現 - 我影少咗碗蝦麵! 跌咗喺個盒裡面睇唔到...... 唔好以為個郵差覺得太cute 偷咗個喎!
仲有…其實唔只V媽媽，我媽咪都成日覺得網絡上識既人，唔一定係好人，話唔知人地講真定假，成日叫我唔好咁易信人
回覆刪除當然真係會有啲無聊人上網講大話，但我相信識得耐既，唔多唔少都睇到人地講既野係堅定流，好似你咁，大家上網傾咗咁耐，都知你個人直腸直肚，有嗰句講嗰句，有人唔鐘意你，唔奇呀，個人老實坦白得滯，有時係會得罪人架，不過我就鐘意同啲直誠既人做朋友嘞
嗰件攪C棍，開新A/C去你啲網友度留言講你壞話，司馬昭之心路人皆知~
[版主回覆08/21/2009 23:54:00]不過V媽媽係based on 報紙上果d報導 - "相約網友見面被禁錮勒索 / 被姦......"依咋新聞~~~
我都知我咁直係會得罪人~ 但我覺得若我喺自己blog 都唔可以做自己暢所欲言，又或者要揞住良心講大話，咁就太冇意思嘞~ 不如不寫!
但我仍然覺得無厘頭 - 乜水又唔入來留言，我完全唔認識佢，我點得罪人都得罪唔到佢吓哇!?!?! 而家d人真係惡既啫..... 雖然我係八婆，但我唔係C咩鬼 - 不過佢係!
仲有…其實唔只V媽媽，我媽咪都成日覺得網絡上識既人，唔一定係好人，話唔知人地講真定假，成日叫我唔好咁易信人
回覆刪除當然真係會有啲無聊人上網講大話，但我相信識得耐既，唔多唔少都睇到人地講既野係堅定流，好似你咁，大家上網傾咗咁耐，都知你個人直腸直肚，有嗰句講嗰句，有人唔鐘意你，唔奇呀，個人老實坦白得滯，有時係會得罪人架，不過我就鐘意同啲直誠既人做朋友嘞
嗰件攪C棍，開新A/C去你啲網友度留言講你壞話，司馬昭之心路人皆知~
咦。。。我唔知呢D野寄得架wor~~~
回覆刪除好似話寄野食要攞permit? 定係要申請???
[版主回覆08/22/2009 00:00:00]依度唔係澳洲，唔係乜食物都唔寄得! 我亦冇聽過寄野食要攞permit or 申請~ 不過當然填郵寄表格時，最好唔好太誠實啦!
蝦湯麵，咪比碗綠豆沙坐住咗囉，你睇下幅相
回覆刪除好呀，如果你老公開blog既話，我就送禮賀一賀佢，就送外賣竹筷子一打比佢食愛心壽司啦
其實係香港我都係第一次見到有得賣豉油魚仔咋喎，我估上海街嗰邊都會有既，不過又唔會專登去搵，你嗰邊物資咁短缺，更加難搵啦
你老公講嗰個方法，我細個第一次用完豉油魚仔之後真係試過架，不過可以話你知，第一好難洗乾淨，第二洗完好難吹乾，最後都係唔可以重用
[版主回覆08/22/2009 00:49:00]哈哈~~~~~ 妳咁鬼好眼既!!!!! 係喎~~~
我影完相將d野放返喺盒裡面等老公返來睇......我今朝攞d公仔貼雪櫃時，見到碗蝦麵好生面口咁 - 明明尋晚將相加水印時唔多覺眼架......
我今晚即叫老公開多幾個blog!!
哇哈哈~~~~ 我細個時都試過!!! 之前果d係個長方樽仔來架，所以第一次見個魚形，覺得好可愛，好想keep 住佢.......妳唔好話咁細個樽仔吖 - 就算大個窄口既玻璃樽都難乾啦!
睇到個"醬油戰士"未? "show me, show you~~~" - 我尋晚唱咗成晚!!!
俾你話一話，搞到我都有D唔好意思添。喺加拿大用Yahoo個blog成日都好慢，所以我都冇用Yahoo寫。而且都係用工餘時間偷雞睇，所以冇PM。下次都試吓覆啦
回覆刪除[版主回覆08/22/2009 00:41:00]welcome! 妳唔好話加拿大吖~ 英國都成日慢到嘔血呀!!!!!
其實我 唔 係話每個齋睇唔回既都係木咀! 只係一路偷睇一路頂住條氣就好無謂啦!
當然佢頂住都係要睇咁我冇計! 但唔該唔好成隻C咩鬼咁喺我背後講我! 尤其係果d做咗人阿媽既，一陣教到個女又係一隻C咩鬼~~~~
做乜咁感性呀 !?? 係唔係因為呢排比較多事呢 ??? anyway, take care & cheer up la !
回覆刪除[版主回覆08/22/2009 00:32:00]收咗禮物緊要多謝人架啦!
有禮物收 我都不知幾happy!!!
不過想順便勸吓果d睇我唔順超既木咀，咪Q再入來激親自己! 廢事一陣激到佢地 噴血 / 爆血管 / 心臟病....到時又入我數~~~~
i don't think u are showing off yourself ! actually i think u are very nice and 幸福, moreover, u are so generous to share ur recipe to everyone like us ! i am living in Uk and i came from Hk as well although i don't always leave u cm, but i always feel the same as you! haha hopefully , i gonna marry my BBC bf in the next few yrs and become a real UK housewife as u and many other bloggers! but i did really appreciate that you guys put so much effort to share all the recipe with us , specially it is so hard to think what to cook in the country that have lack of ingredients !!!!!! really really appreciated with ur effort !!!take care and add oil!!!~ Ka Ka
回覆刪除[版主回覆08/22/2009 01:15:00]welcome Ka Ka~ and thanks for leaving me such a long comment!
im so glad that you like my blog and i'll keep trying my best~ thanks for your support! also thanks for that you dont think im an arrogant bitch! (im a bitch~ but not arrogant! )
how long have you been in the UK? are you studying?
以下是歌詞(大約9成正確)
回覆刪除由大豆星球來的
正義的使者是萬字醬油man
加入醬油後
食物立即变得好好味
出街食打倒外面的調味品##
回覆刪除必殺絕招係萬字醬油man的拳
煎蛋當然要落萬字醬油
show me show you
萬字醬由man x 2
show me show you
萬字醬油man
由大豆星球來的
回覆刪除醬油對身体好有益
仲有殺菌作用
醬汁,茄汁看不上眼##
必殺絕招係萬字xxx
所以一早話左你知煎蛋要落萬字醬油啦
回覆刪除show me show you
萬字醬油man
show me show you
萬字醬油man
alright
###表示不太肯定
???表示聽唔清佢唱乜
[版主回覆08/23/2009 01:54:00]哈哈~~~~~ 唔該哂妳! 原來首歌係咁解!
不過我 + 老公唱來唱去都係"show me show you...."
冇見到有"???" 喎......
我癲左啊!!!!!
回覆刪除豬仔包新鮮出爐!!!
香港時間 : 02:00 a.m
[版主回覆08/23/2009 01:52:00]唔癲唔癲!
我老公間中同朋友出去飲酒，我咪又係三更半夜喺屋企整野食等佢返來!
其實我初初都冇留意唔見咗碗麵架，你覆完我話冇影到蝦湯麵，咁我咪再睇下張相囉，睇睇下發覺碗綠豆沙好似怪怪地，點解咁金既，先睇到原來就係佢坐住隻碗
回覆刪除睇完條片之後唔想再用萬字醬油啦，我頂佢條底橫唔順
回覆刪除[版主回覆08/23/2009 01:39:00]正呀呢??? 我反而想買返個醬油戰士公仔!!! 唔知有冇得賣呢???
好耐無留過言，留返隻字先
回覆刪除我係支持你嗰邊嘅fans
[版主回覆08/23/2009 01:37:00]多謝支持~ 不過大家做網友，大家都係對方fans!
其實我都無乜留過言比你架, 不過我係你忠實fans, 好多時都會跟你既recipe黎煮野食, 皆因我係煮野食白痴, 但你既recipe簡單易明, 所以煮到都好有滿足感~~
回覆刪除我非常同意網絡世界d人講既野唔可以盡信, 不過我始終相信成年人係有辦識能力, 我亦都有一班係上網識但係好friend既朋友, 而且呢個世界咁大, 可以認識多d朋友係一件樂事~~
所以果d"小人"唔好理佢啦, 佢無家教由佢啦, 無謂教精佢嘛~~
[版主回覆08/23/2009 01:31:00]妳有留過言比我，因為我認得妳!
我寫blog 係從來唔講大話既，因為連寫blog 都講大話就太冇意思!
不過我根本唔需要人地相信我~ 人地信唔信我又控制到亦唔關我事!
不過就算我係擺明吹水作大佢又可以奈我咩何呢????
個廣告......好難頂!個丁字布檔想點呀!!! BLOG 友/網友, 講真喎, 我依家成班BEST FREIND 都係網上面認識, 當然都有好人同衰人喇~但好人多D喎! 等我又去搵下呢D 高湯塊先~~~我都好有興趣
回覆刪除[版主回覆08/22/2009 19:45:00]個丁字布想妳"嗒"咗佢囉!!
我都覺得無論現實 / 網絡世界，都係好人多好多! 我替果d乜水感到悲哀嘞 - 一個唔識既人都可以令到佢條氣唔順成咁! sad~~~
或者妳可以過去問阿四邊度買高湯塊? 佢好nice 架 + 佢都係BK友來!
條廣告片好攪笑 多分享﹗人真係好奇怪，人地受歡迎就 jealousy人，正如妳所講︰認為反感米唔好睇囉﹗d人真係
回覆刪除[版主回覆08/22/2009 19:39:00]哈哈~~~~ 估唔到老公咁啱會搵到個咁傻既廣告喎! 依2晚我地成日唱"show me, show you......."
我其實唔覺得自己受歡迎~ 只係若對方唔識我都睇我咁唔順眼，何苦再入來讓我篤住佢眼鼻呢?? 又要睇，睇完又要揼心口......無厘頭!
睇到你呢篇BLOG之後,,我都忍唔住要留言啦...(其實我偷偷睇左你個blog好耐架啦...) 唉...d人鍾意點講咪由得佢囉..其實可能因為佢地妒忌你呀... 我都認自己係八婆架...成日見到其他人的blog寫d好味呀..抵的野我都會拱去八下ga...連我hubby都成日話我係八妹..哈哈.. anyway,, support you...
回覆刪除[版主回覆08/22/2009 19:33:00]welcome 寶貝 + thanks for your support!
只偷睇唔留言並唔係問題，as long as enjoy 我blog + 睇得開心就好嘞! 我覺得都係支持來架~~~
不過一路偷睇一路對我"非常反感"，我就覺得 佢 好有問題囉! 唔知情既人可能以為我同佢好熟呢~~~
所以我估一係佢地係妒忌我; 一係佢地有精神病! 是但一樣~~~
~~~~呢個世界真係乜人都有
回覆刪除[版主回覆08/22/2009 19:21:00]係呀~ 不過我好幸運 - 我遇到大部份都係nice 既人!
我過黎搭傘先
回覆刪除to艾莉, 啲湯塊我係油麻地永安買，以前係將軍澳千色店買過，不過唔知依家仲有冇，另外係一田都見過，不過賣得貴過永安，所以我都係去返永安買 ~
報告完畢
[版主回覆08/23/2009 01:13:00]做乜鬼妳地咁得意? 成日喺我度同each other 傾計!!!!!
是但一個過去啦~ 當識多個網友嘛!
我咁不可一世妳地都肯同我傾計，
妳2個做網友一定冇問題啦~~~~
其實我都好多時偷睇架喎，未login嗰陣囉，不過次次睇完都忍唔住要明睇+留言之嘛
回覆刪除[版主回覆08/23/2009 01:08:00]偷睇完留個言 / 或唔留言，但enjoy既都係正常人;
偷睇完唔enjoy + 唔留言既都係正常人;
偷睇完好激氣之後，仲要繼續偷睇 - 依個人就唔正常嘞!
繼續偷睇 + 越來越激氣，跟住向其他人鬧我 - 依個人有病! 仲係好嚴重果隻~~~~
老實講唷...我覺得... 你同一種生果很像的... 便是榴槤...@@" 喜歡的人會好喜歡.... 不喜歡的人會很反惑... 但我就是喜歡直腸直肚的你...有時睇你d野...好開心ga... 因為可以分享到 妳 & Mr. T 的開心野... 唔屎理個D 乜水 + 木咀...自己開心便好了^^" 我們會支持你的^^"
回覆刪除[版主回覆08/23/2009 00:49:00]榴槤........
唔鍾意食榴槤唔緊要，個個人口味都唔同!
但唔鍾意食咪咪食囉~ 個榴槤又唔會自己爬入佢個口既!
點解要一路食一路鬧? 咁係咪自己攞來呢?
仲要得閒到叫其他人唔好買來食.....
真係細心又窩心呀!係呀,有時真係人夾人緣,有時相識很久的同學or朋友話不投機半句多.現在則發現在網絡上就算未見過也會有真心的好人能成為網上好友,也能在交換電話號碼然後詳談.這種感覺真係好特別.記得最初玩網上找朋友傾計.其實也不是很熟怎樣去傾.只是有同事說找到朋友在網上好好傾.咁我又傻傻地在網上試吓說真話.很快就有一位網友打了一句說"網上有好多人所寫的都是假,點解你咁坦白,你要小心啲呀!"嚇得我即時off-line.不敢再上網認識朋友.過了很多很多年之後,在細仔一年級時,我先認識有BK這個網頁,之後先再敢上BK在細仔的學校topic上找到同班同學的媽咪,我們大家先在BK上傾談.之後在家長會相認,哈哈,足足做了4年的好朋友.我們還經常相約一起見面,吃午餐.她們知道我快會搬離沙田去荃灣住,她們都好唔捨得,好好笑,我話荃灣去沙田都係好方便的.但她們都覺得會少了機會見面.其實她們有這個感覺我都覺得很窩心的.真是要多得BK,令我再認識了你,最近在BK另一個 Topic還認識了一位很熱心的朋友.真是覺得好好彩.當然也有一些在BK上攪攪陣的人,問完人嘢,我答了又話我作大,咁我都費鬼時理佢.
回覆刪除[版主回覆08/23/2009 05:33:00]係喎~ 妳唔提起我都唔記得我地都喺BK識果喎! 因為妳來我blog 時都冇表明正身， 係我醒目發現妳係果位媽咪!
妳講果咋"問完人野，答咗佢又話人作大"既八婆， BK + YBlog 都有大把! 尤其係潮流板 - 只要人地有 / 見過，佢地冇 / 未有所聞， 就會話人地講大話作大!
最無厘頭有人喺BK問過我乜乜乜邊度有冇得賣，咁我答佢我唔知，因為我住喺英國......佢問返我轉頭: 住英國? 係真唔係呀? 我真係服Q咗佢! 我呃佢有金執咩?? (我真係咁答佢!)
網上的確有好多無聊人講大話，當然唔可以盡信人地既說話~ 但自己係咪應該用吓腦 + 判斷力 - 唸吓自己deal with 緊既係咩人 + 對方呃妳有咩好處 / 著數先呢?
依咋全部都係心胸狹窄 + 眼光短小既人! 人地肯同佢地分享經驗，但就因為佢地無知，唔求証就隨便話人吹水作大~ 但有見識既人一眼就知究竟係有人吹水作大，還是有人無知短視!
其實我係最近(呢兩三個月)先至開始睇你個blog，第一次睇到個咁精彩的blog，真係花好多心機同時間，平時我只係會睇，從未試過留言，但當我睇完你呢篇後，由其是o個句，自己係到諗，咦!好似講緊我，但再留心睇，又唔係喎! 我都唔係 "偷 "，所以我知你係話緊其他人。
回覆刪除其實我好鐘意睇你個blog，我個女成日同我個呢個姐姐好靚，係邊個黎?
同埋想問下你，你講緊長洲有間食炸魚皮的舖係邊間，我老公係長洲住左成二十幾年，我都係入面住o個半年，但從來無食過/見過炸魚皮。
[版主回覆08/23/2009 19:54:00]Pat~ 歡迎妳 + 多謝妳既讚賞!
我當然唔係話緊妳啦! 我係話緊果d一路睇一路覺得我作大，所以好憎我甚至向其他人背後講我，但又好奇怪仲要繼續睇我blog 既傻人!
哈哈~~~ 咁妳點答妳囡囡? 係咪話呢個姐姐係一個超級大食既八婆?
雖然妳初次留言，但係我覺得好有親切感! 因為我仲係BB時，就由外婆照顧我住喺長洲，直至我小學畢業先搬出九龍同父母住!
我講緊果間炸魚皮，係海旁海鮮檔行入去食魚蛋粉果間"偉記"呀! 我次次返親香港都會返長洲探我婆婆，都一定會去果度食魚蛋粉 + 炸魚皮~ 如果妳鍾意食辣既話，就一定要食佢地既辣椒油!!!!! 正~~~~
妳睇返我依篇介紹過偉記既blog ，睇吓d相認唔認得出邊間!
http://hk.myblog.yahoo.com/veronicams_tsim/article?mid=8080
我個女次次見到我睇你個blog，佢一定要睇你張相，佢話妳好靚件衫扎花又靚，個樣仲靚，跟住我問佢咁哥哥靚唔靚，佢只係含蓄咁點頭細細聲講"靚"，我個女好鐘意睇人d婚紗相架!
回覆刪除比我老公激死，我比埋張相(偉記)佢睇，佢竟然唔知係邊，係咪隔離係海鮮檔呀! 同埋近呢幾個月長洲開左檔"開心甜品屋"，係老mc後面，佢個芒果糯米糍超正，皮又薄又軟，包住大大舊又甜又多汁的芒果肉，有機會試下丫!
同埋之前你睇個你講話係bk的事，我都有睇過你的留言(其實我都幾八)，其實你個人真係好率直，有d人睇完你講的野，覺得你好幸福，因而妒忌你才仲傷你。
我都係bk識到好多mami，仲做埋朋友tim。
[版主回覆08/24/2009 01:38:00]妳囡囡真係好有taste 喎! 哈哈~~~~
偉記好易搵架! 海鮮檔喺長洲碼頭左手邊，第一檔賣貝殼，隔離有個大魚缸裡面有條魔鬼魚.......妳由果度行入去，就會見到偉記架嘞!
可能妳啱啱開始睇我blog...其實我係唔鍾意食甜野架 ，所以我連生果都好少好少食! (不過我鍾意食菜~~~) 我學整甜品大部份都係整比我老公食!
我不嬲都覺得自己係好幸福! 喺blog or BK裡面我一樣會自認幸福~ 我知有好多人覺得我曬命，所以唔鍾意我! 但我又冇講大話，又冇踩人來抬高自己~ 點解我唔可以曬? 若有人係因為妒忌而中傷我講大話，如果咁會令佢地好過d，我都好樂意做箭靶既! 不過覺得佢地好可憐囉~~~~
靚 V~~
回覆刪除其實我留過幾次言架喇，不過可能你冇乜印象啦 ~~
講樣嘢你知吖，我每次開電腦，第一件事就係上 ” 面書 ” ，第二就係上你個 BLOG ，睇吓你有乜新既食譜同生活趣事，呢個已經成為我呢半年嚟既習慣喇，有時見到你寫啲得意嘢，我都會自己喺度笑，老公就以為我儍咗，哈哈哈 ~
雖然我並唔真正認識你，但由於睇咗咁耐，所以搞到我都覺得自己好似喺現實生活中真係認你咁 ( 思覺失調 ) ，咁即係話，你係俾到人一個親切同友善的印象啦 ~~ 對我嚟講，你個 BLOG 已經好成功架喇 ~~
我唔識安慰你，我只識衷心支持你，因為我知道你係一個思想成熟、大方得體、智慧與美麗並重既 Mrs. T 嘛 ~~( 好港姐 FEEL ，哈哈哈 ~~)
一個開心既人，個腦根本唔會，亦都冇位去放呢啲唔重要又無謂既嘢嚟令自己唔開心，以你既性格， ZZZZ 醒就乜事都冇啦，係咪 ?!~( 好似你懶熟咁 …… 哈哈哈 )
都係嗰句啦，道不同，不相為謀，你咪當做吓好心，放生嗰班人形微生物囉 ~~
死火，都唔知自己喺度 UP 乜添 ~~~ 哈哈哈 ~
[版主回覆08/24/2009 17:03:00]哈哈~~~ 妳實在太睇小我嘞 - 我當然認得妳啦! 我都幾過目不忘架~~~
多謝妳咁捧場支持! 其實blog 裡面既我，即現實中既我~ 有時同網友真係未見過都會好似已經認識好耐咁! 到咗有機會見面，就會好一見如故.....
哈哈~~~~ 多謝妳支持! 不過我又冇妳講得咁好~~~~ (早知我都去選吓港姐啦!!!!!)
唔洗安慰我 - 係班木咀又要睇，又要忟之嘛! 係佢地睇完我blog 唔開心 + 唔鍾意我.....又唔係我忟 +唔開心! 我唸需要人安慰既係佢地，唔係我!
我成日都有睇你個blog，不過唔會次次留言，你煮野食好叻呢
回覆刪除[版主回覆08/24/2009 16:22:00]唔留言唔緊要，希望妳enjoy 我既blog，有時間多d來訪~ 咁已經足夠嘞!
多謝~ 我煮野食唔算叻，只係熟能生巧啫!
仲有你係blog認識既朋友點少得我依個超級八婆呀......我都係一個值得信賴既人(自己讚自己) 如果可以寄台灣小食我都會寄俾你架喎,你想要d咩台灣特式材料我都可以幫到你架喎,只要唔難搵
回覆刪除我黎左大陸生活,今日先上到網,大陸依邊將所有網站都封鎖鬼晒,攪到我今日先搵到個ip上到咋,如果唔係我諗都留言唔到俾你喇
[版主回覆08/25/2009 01:54:00]我都不知幾鍾意台灣~~~~ 想要既野多到妳寄成個台灣比我就差唔多! 傻婆~ 大家做朋友既唔一定要交換禮物架嘛! 平時喺網上傾談，我當然知道妳係一個值得信賴既人啦! 不過妳而家講咗我可以搵妳幫手，咁冇得反悔架嘞! (等我好好保存妳依個回應，作為日後証據先! ) seriously, that's very sweet of you! thanks very much~~~
妳去咗大陸? 中國大陸???? 幾時既事 + why? 去幾耐呀???
得啦...因為台灣d立雜野又唔係貴,你可以睇下有咩你係英國冇既都可以搵我幫手,因為你依d大師級主飯婆每個地方既特式材料梗要有d架嘛,唔駛證據,我個人出得黎行就牙齒當金駛,不過要等我返台灣先幫到你喎,我下一水返去可能11月,大把時間俾你諗要d乜啦....
回覆刪除我上禮拜六黎架,黎左福建,因為我老公過左黎依邊做野,你知啦,一個男人係大陸,做老婆既點會放心架,特別係d大陸女人好Q賤架嘛,我媽咪都特別提醒我!點知黎到又上唔到網,淨係上到msn,一睇之下原來全大陸都上唔到外國既網,只係可以上大陸d無聊網站,跟住有人整左個中國以外既程式俾d有需要既人用,我琴日整左好鬼耐先整到...希望依個唔會又俾人封鎖啦,等我一直可以用落去
[版主回覆08/25/2009 16:08:00]好呀~ 先多謝妳! 等我慢慢唸吓先.....嘻嘻~~~
係呀~ 我有位住喺上海既網友，佢早排又係突然入唔到我扑! 後來佢先知係大陸封哂外國網~ 不過佢10月會搬返香港，到時就冇依個問題嘞!
其實唔好話大陸女人會點點點吖，依家先至8月尾，但妳老公要留到成11月.....分開咁耐掛都掛屎啦! 比我都會跟住老公~ 咁妳咪當旅行囉!
其實我都發覺有好多人入黎睇(有人話呢d叫 CD-ROM, READ ONLY 咁解) 我覺得你做CD-ROM 咪算囉, 做咩要鬧人姐...D 人真係有 問題, 雖然我未睇到個D人講咩, 不過真係好無謂!! 大家響BLOG 認識已經係一種緣份, 大家傾下講下咪幾好...我響BLOG 都識左好多朋友, 仲會約出黎一齊玩, 可惜係響英國, 如果唔係要上黎你度偷師, 哈哈!
回覆刪除[版主回覆08/26/2009 20:19:00]根據果位戇居又多咀既乜水 - 我係一個不可一世、不知所謂既作大吹水蛙，佢對我非常反感~ 原文來架! 我親眼睇到佢比我網友既留言!
最好笑如果佢唔係喺我背後同網友講我壞話，我根本完全唔知有依條乜水! 我唔識佢，佢又唔識我，但佢對我"非常反感"， 唔知情既人可能會以為我殺咗佢全家!
做CD ROM 完全唔係問題吖! 不過既然佢對我咁不滿，點解仲要入來睇? 睇完又唔敢喺度留鬧我，鬼鬼鼠鼠向其他人鬧我，都唔得光明磊落，我睇佢唔起啊~~~
我住喺英國啫，不過我返香港時可以大家約出來食吓飯架嘛~~~
真係咩人都有~ 唔駛太在意架~ 有得人其實都係唔抵得其他人先咁做...blog既野, 唔岩睇咪唔好睇囉~ 有時係香港生活既人唔會太明係外國活係點, 係外國大既人又未必會明係香港黎既人既生活係點同會有咩問題要面對...blog既令一個目的都係大家share下...有d人睇左會有同感, 有d人睇左知多d野....
回覆刪除嘻嘻我其實都日日睇你blog架 (yahoo俾我睇既話.... =.=)仲有時會偷師學下跟住你d食譜整下野食tim! 你真係好得呀~ 留得言就更加要講返句"多謝"啦~
[版主回覆08/27/2009 04:56:00]果位乜水話我blog 內容"嚇親唔住英國既人，但住英國既人就知我作大"，所以我曾經去邀請依位乜水過來我處，同我依度講解一下我點嚇親佢 / 佢何以見得我係作大? 不過佢潛咗水喎!
佢從來唔留言，如果佢唔係向其他人講我壞話，我根本唔知有依個人! 有種既就光明正大話我知對我反感，何必鬼鬼鼠鼠咁成隻小家C咩鬼?
哈哈~~~~ 唔洗客氣! 我都好開心妳鍾意我既食譜~~ 得閒大家交流吓吖!
呢個網上世界Ｄ人有時都幾無聊同可笑,睇baby-kingdom就知啦.呢隻湯塊好唔好味？我朋友之前買過嘉樂牌嘅湯塊比我,我老爺話似味精湯！
回覆刪除[版主回覆08/27/2009 04:46:00]我仲未試隻湯塊呀~ 唸到點整但有少少材料要weekend 先買到!
妳係咪講緊家樂牌果隻濃湯寶? 上次我99託我帶咗幾盒返來，佢都比咗一盒我~ 不過我只用來煮餸既汁，唔會用來煲湯~
你就好啦...咁多FANS...即係證明當初開個BLOG係正確啦....而你這年來所寫既野都得到好多人認同...所以才會有咁多FANS....吾好理果D無謂人啦...話事話...果木咀係邊個黎啫....我都想八吓果木咀係點衰...
回覆刪除[版主回覆08/27/2009 04:39:00]當初開個blog 其實只係唸住方便自己整理食譜，同時亦方便同BK網友分享食譜~ 並冇唸過會識到咁多好朋友! 大家係做朋友，唔係fans~ 我個blog 一向寫乜都係隨心，我根本唔需要其他人一定要認同!
我根本都唔知果個木咀係邊個! 佢唔係我blog 友亦未 留過言，但佢就冇啦啦開個A/C同我網友講話我吹水作大，又話對我好反感.......真係唔知既人會以為我同佢好熟!
我有邀請果位木咀過來我blog 講解吓對我有咩咁反感架，不過佢唔so 我之嘛~~~~
我都覺得超感動呀!好好珍惜呢d朋友喇!阿四都有係我blog到留言,初頭我無覆架,但留留下,見到佢d comment好真誠,跟住就覆喇.......hehe......我比較慢熱架!
回覆刪除[版主回覆08/28/2009 20:35:00]係呀~ 好感動呀! 其實我都係一個慢熱既人.......不過我同阿四性格相似又啱咀形，好多睇法都好相似!
下次我返香港，我地3個一齊約出來食飯吖?
剛才因為想找煮粥的食譜而看到你個blog﹐睇左果個食譜﹐再慢慢睇其他頁。你將blog的功能發揮到極至﹐我好欣賞。雖然﹐正如你講﹐人夾人緣﹐有人唔喜歡你﹐係正常事﹐但﹐真係要寫落去﹐我只是路過﹐但﹐我在你個BLOG得到好多啟發。多謝你的分享。我本身就處於south west 的 bournemouth,天氣好好呀呢個春天﹐希望你那邊都天氣放晴啦
回覆刪除[版主回覆03/15/2010 20:09:00]多謝妳既留言 + 多謝妳既欣賞~
大家喺internet 中萍水相逢，好多野都唔需要太執著! 別人鍾唔鍾意我，我又控制唔到~ 有人鍾意我，我好開心 + 多謝佢地; 有人唔鍾意我都唔緊要，我又唔會蝕底or 少咗忽肉! 咁何需太介懷?
剛過去既weekend 我依度都好好陽光好好天好暖啊~ 不過今日又變返麻麻地.......