焗咗幾次甜麵包，今次試試鹹方包!
今次做既鹹方包，分別用咗2本唔同麵包書: <香港麵包>既材料 + 份量; 但做法就係跟<專業麵包甜品製作>~
1. 高筋麵粉448g, 糖56g, 即用酵母7g, 牛油或豬油42g, 暖水250ml, 牛奶62.5ml, 鹽9.5g, 麵包改良劑4g~ 將所有材料在盆中混合拌勻。
2. 將麵糰放在撒粉的平面上搓揉。
3. 將麵糰搓揉至麵糰光滑，有彈性而不黏手為準。
6. 取出麵糰，將麵糰4邊各向中央摺一下，蓋上保鮮紙靜置發酵10至15分鐘。
7. 將麵糰拉長 + 壓扁，由上而下捲實。
焗後檢討:
尋晚同網友討論過焗方包~ 對方問我有冇一個叫做"頂角方包盆" - 係有蓋既! 
我連見都無見過，而且英國應該無得賣.......所以我只用一般方包盆~
我連見都無見過，而且英國應該無得賣.......所以我只用一般方包盆~
不過幸好麵包非常鬆軟可口!!! 
老公放工返來時，麵包已涼咗，但仍然軟綿綿~~~~ 老公話係佢食過最好味既方包! 
>>>>>>>>>>>>>>>>>>>>>>>>>>>>>>>>>>>>>>>>>>>>>>>>
另外焗咗盆樣衰菠蘿包.........
P.S. 打算買噴裝蛋液既網友hold 住!!!!!
等我試多一次，証實一下依枝野既效果先好行動啊~~~ 
等我試多一次，証實一下依枝野既效果先好行動啊~~~ 
好得喎！擺出街賣都掂！
回覆刪除[版主回覆08/13/2009 05:06:00]唔洗安慰我嘞~~~ 大細邊 + 唔方既方包; 黑忟忟既菠蘿包......唔洗錢都賣唔出!
咁至有特色!其他地方一定買唔到!
回覆刪除[版主回覆08/13/2009 17:05:00]now you're making fun of me.........
citysuper見到有蓋既方包盤，同冇蓋既方包盤，兩款都係正方形，焗出黎應該會靚仔啲
回覆刪除個菠蘿包真係黑咗啲，如果食落冇燶味，都冇所謂啦
尋晚我個包真係唔得，衰咗
[版主回覆08/13/2009 17:03:00]今次我用太少材料，依個盒既size 應該要用double 依個份量，咁個包就冇咁矮嘞!
今次d菠蘿包，唔知關豬油定噴裝蛋液事呢??
我都正想係二記買呢個:
回覆刪除http://www.twinsco.com/GenProduct.php?pdtcode=635061
[版主回覆08/13/2009 16:58:00]睇唔到條link啊! 有冇相呀?
你好呀, 初來報到. 你個BLOG好多野睇. 我已睇左一日. 當然仲未睇晒. 繼續努力, 我都岩岩學緊整包包, 你話頂角盒. 我唸又要V媽出動幫你寄過來至得啦. HAHA
回覆刪除[版主回覆08/13/2009 16:55:00]歡迎妳~
我係麵包超新手來架! 多多指教~
今次依個頂角麵包盆，V媽媽係唔會幫我賣架! 因為一V媽媽唔焗麵包蛋糕，叫佢去搵一樣佢唔熟悉既野，佢會睬我都傻; 二好似二記依類要上樓既店，唔洗預佢!
焗出來一邊高一邊低! 隆胸手術失敗咁既款...... 填form都填到死死吓,機位又無,近幾日都無心情,不過睇到你咁寫...笑死我!!!
回覆刪除[版主回覆08/13/2009 16:48:00]交咗表未呀? 決定咗幾時過來未?
我唔識insert pic., 不過妳去二記個網, 搵蛋糕模就見喇.
回覆刪除[版主回覆08/13/2009 17:19:00]我唸唔關條link 事，應該係二記個網update 緊暫時睇唔到!
我都係超新手, 今日至整第七款包包, 係人生中第七次咋. 如你有時間可以睇我個BLOG : ) 如果你真係有需要. 幫你買寄比你啦. 有需要出聲 :)
回覆刪除[版主回覆08/13/2009 20:12:00]好呀~ 我一陣過去睇，大家多d交流心得，先會有進步嘛!
其實如果我麵糰造型造好d + 多d材料 / 用細個d既loaf tin，焗出來個形狀應該會靚好多~
妳真係太客氣嘞! 咁我唔客氣架嘞~ 如果我真係有需要，我搵妳幫手架嘞!
菠蘿包一定係曬黑左
回覆刪除[版主回覆08/13/2009 21:29:00]依隻"太陽油"(豬油)好似唔多掂!
其實今次都唔算係你失手，只係豬油又或者係支噴裝蛋液累事
回覆刪除[版主回覆08/14/2009 00:40:00]我老公話好食喎......咪由佢搞掂囉! 呵呵~~~~~
去美食展有冇食蠔?????
二記要9月先有堂比我學下咩叫跟姓
回覆刪除我搵到有間冇咁出名o既...隨時都有堂
e+掙扎緊XD
[版主回覆08/14/2009 01:03:00]其實我唸二記之所以咁出名，係因為討論區多人講啫~ 我都係因為咁先識二記既.......
睇吓妳有幾心急啦~ 如果我好好好心急既話，唔出名我都照去，當攞多個經驗都好! e.g. 雖則佢唔夠二記出名，但佢地開得班教人，應該會係專業既! 如果當場焗唔出個包包，點同妳地交代呀???
蠔? 冇喎，唔覺有熟蠔喎，不過食咗鴻星鮑魚
回覆刪除[版主回覆08/14/2009 01:00:00]我睇報紙話美食展開萬隻蠔比市民任食喎!!!! 妳執輸呀??? 不過鴻星鮑魚仲正~~~~
聽日即刻帶電話去睇下最快幾時有堂先
回覆刪除過幾日諗住試下跟你整蛋撻
[版主回覆08/14/2009 02:06:00]上完堂過d貼士心得比大家吖!
好呀~ 妳整蛋撻吖! 整完記得話我知，等我去欣賞妳作品喎!
Not bad wo! 繼續努力
回覆刪除[版主回覆08/14/2009 15:44:00]thanks very much! 唸住一陣再整過方包今晚食~ 今次會搓大舊d麵糰，希望今次個型會靚仔!
haha...已經報左二十號3.去學整包...
回覆刪除超正啊..比你簡日期...時間
[版主回覆08/14/2009 15:37:00]咁正有時間揀~~~~ 係咪第一次搓包呀? 如果可以影相既話，影個成品來睇吓吖!
有啲咁既事，我冇睇報紙呀，真係執輸添，鮑魚要比錢架嘛，早知有蠔食唔買鮑魚啦
回覆刪除[版主回覆08/14/2009 15:36:00]尋日妳同我講話冇食蠔，又話冇見到有.........我仲以為之前自己眼花睇錯!
後來夜d再睇Yahoo 主頁新聞提要 - 真係有喎!!!! (不過由於冇我份食，所以我冇click 入去睇內容.......)
我copy左二記張相, paste比你睇丫~
回覆刪除[版主回覆08/14/2009 15:28:00]oh thanks! 妳真抵鍚~~~~ 因為唔知點解我到依家仍然睇唔到二記個網??? 依個真係幾好喎!
我唸住一陣再焗過方包! 果日應該唔夠材料，今日再焗睇吓會唔會靚仔d先!
hohoho~~ 唔洗客氣~~ 你果邊唔通block左某d大陸網站, 順便block埋香港既網???? (因為我知道大陸會block外地既網, 但掉返轉我就唔知啦~~) 嘻嘻~ 搞到我今晚都想整包呀~ 但係聽日老公唔洗返工, 都係等星期日先整啦~~
回覆刪除[版主回覆08/14/2009 18:56:00]冇呀! 如果英國block 咗香港網，我點上YBlog 呀???
係呀~ 我有網友喺上海之前本來睇到我Blog 架! 後來佢冇入來一段時間，跟住佢跟老公出trip 去香港，先再留言話我知大陸block 咗外地網站! 不過佢老公遲吓會調返去香港，到時會再入來~~~~
我唸緊今日焗麵包定weekend 先焗.....因為如果今日焗係今晚食~ 但我又想今晚食麥當當換可樂杯!
唔止呀，尋晚睇TVB新聞，原來安記有鮑魚試食添，我地又見唔到，所以我媽咪頭先先講"話帶住依兩隻野去，咪好野都見唔到"
回覆刪除[版主回覆08/14/2009 18:51:00]妳媽咪為咗安記鮑魚，賴彤彤 + 細細入佢地數! (講笑~~~)
請問「 3. 將麵糰搓揉至麵糰光滑，有彈性而不黏手為準。」 大約要揉多少時間呢？
回覆刪除[版主回覆08/14/2009 18:49:00]時間好難話得埋喎! e.g. 我d麵包書全部都冇講要搓幾耐~
以我個人經驗，我覺得唔同牌子麵粉、每人手勢 + 搓包經驗、工具......都會影響搓包時間! 我而家大約用15至20分鐘 - 不過係先用電動打蛋電器既麵糰勾打到冇咁黏手先改用手搓喎! 如果齋用手應該要更耐~~~
係ar
回覆刪除我未搓過包
btw,
d人話二記個隻質地好差嫁!
[版主回覆08/15/2009 03:10:00]咁妳去上堂時一定會覺得好有新鮮感! enjoy it~
係呀? 我2個都冇見過實物~ 不過我唸應該冇乜所謂啩? 最緊要個成品啫! 今日太懶冇再焗包，我唸最快要下星期先再試過方包.......
今日係citysuper見到我比相你睇個個
回覆刪除不過佢賣108..個到95
原來好細個嫁炸!佢話個面包焗出o黎係0.5kg
有隻大d不過要140
好鬼貴
[版主回覆08/16/2009 01:45:00]CitySuper d 野係貴d架嘞!
不過都唔算相差太遠......