8個鹹牛肉粟米包......
1. 高筋麵粉224g, 砂糖56g, 即用酵母4g, 麵包改良劑2g, 牛油或豬油20g, 暖水95ml, 牛奶2湯匙, 蛋1/2隻, 蛋黃色食用色素少許 (optional~ 所以我冇用!)。將所有材料在盆中混合拌勻。
2. 將麵糰放在撒粉的平面上搓揉。
3. 將麵糰搓揉至麵糰光滑，有彈性而不黏手為準。
4. 將麵糰放在塗油大碗中，蓋上保鮮紙先發酵30分鐘; 取出摺拍數下放氣，再發酵30分鐘。
5. 餡料: 罐頭鹹牛肉1罐和罐頭粟米適量(隔去水份)拌勻。
6. 將(4)已發酵完成的甜麵糰分成8等份。(最好用磅量度!)
7. 包入(5)之餡料後封口。
8. 放在已塗油的焗盆上發酵至1倍大。
9. 在包面塗上蛋液，放入已預熱焗爐180C，烤焗12分鐘至表面金黃即成。
P.S. 材料、份量 + 做法根據"香港麵包" - 邱勇靈編著; 烤焗溫度及時間經我自己更改~ 
啲餡睇落又好似少咗啲喎
回覆刪除[版主回覆08/05/2009 15:28:00]依隻應該係頭頭果幾隻來~ 我越包越大，所以其他應該會有d多d餡!
我都覺得今次d餡少左呢～～
回覆刪除[版主回覆08/06/2009 01:26:00]係呀~ 冇計啦 - 開始包時先發現屋企得一罐細鹹牛肉，又唔想特登落街買，我怕唔夠料包; 加上第一次包唔熟手，所以開頭果兩、三個就住就住來包.......後來果幾隻多料好多!
嘩,你成日都整麵包,真係正呀!
回覆刪除[版主回覆08/06/2009 16:17:00]我係麵包超新手嘛! 啱啱開始做就上咗癮....... 不過整多d可以練習多d!
想問吓其實蛋液, 係咪即係蛋白 + 蛋黃? 定只係其一? thx
回覆刪除[版主回覆08/06/2009 16:15:00]蛋液係指蛋白 + 蛋黃打勻~
如果只用其一既話，會指明係白定係黃架嘞!
我都覺得太少饀呀! 你用咩牛奶架? 我以前整蛋糕會用維他全脂牛奶。
回覆刪除[版主回覆08/06/2009 16:06:00]係呀~ 果日我得一罐細鹹牛肉喺屋企，我又係第一次包有餡既包唔識就份量，頭果幾隻怕唔夠分~ 之後果幾隻多餡好多嘞!
我用普通超市全脂奶囉~
睇個樣己經好想食啦.....我平時唔鐘意食餡~只要d包好味,我就好鐘意食-3-
回覆刪除[版主回覆08/07/2009 01:41:00]多謝~ 依個包鹹牛肉餡，襯埋軟熟少少甜既麵包好夾架!
整得好實正～而且焗得好靚！
回覆刪除[版主回覆08/07/2009 01:39:00]多謝讚賞~~~
焗得好靚啊！今曰焗飽，我貪心放多左D餡，點知爆左幾隻，我唸係我包噶手法唔好。
回覆刪除[版主回覆10/12/2009 06:59:00]多謝~ 不過依個焗得唔靚啊........
哈哈~~~ 我太孤寒放太少料; 但妳就太貪心放太多! 唔緊要啦~ 最緊要好味吖嘛! 包多幾次就熟手架嘞~~~ 加油!