墨西哥包

依個墨西哥包既外表，係"扮日式蜜瓜包版"......

正常既墨西哥包，上面既粉忌廉甜皮應該用唧筒唧出漩渦狀; 不我個唧袋太大 - 放咗粉忌廉料入去，竟然因為太少料唧唔出!!!!

8個墨西哥包......

1. 高筋麵粉224g, 砂糖56g, 即用酵母4g, 麵包改良劑2g, 牛油或豬油20g, 暖水95ml, 牛奶2湯匙, 蛋1/2隻, 蛋黃色食用色素少許 (optional~ 所以我冇用!)。將所有材料在盆中混合拌勻。

2. 將麵糰放在撒粉的平面上搓揉。

3. 將麵糰搓揉至麵糰光滑，有彈性而不黏手為準。

4. 將麵糰放在塗油大碗中，蓋上保鮮紙先發酵30分鐘; 取出摺拍數下放氣，再發酵30分鐘。

5. 墨西哥粉忌廉: 將高筋麵粉84g, 牛油56g和糖28g拌勻至奶白色既成。

6. 將(4)已發酵完成的甜麵糰分成8等份(最好用磅量度!); 每份搓成圓形，放在已塗油的焗盆上發酵至1倍大。

 7. 在包面上唧上粉忌廉。 (我將粉忌廉壓成圓片，放在包面上~)

8. 放入已預熱焗爐180C，焗約10分鐘即成。

P.S. 材料、份量 + 做法根據"香港麵包" - 邱勇靈編著; 烤焗溫度及時間經我自己更改~