同網友傾談間無意中提起 - 我發過誓依世唔會再去捷克!
網友想知箇中原因......
我有2個passports - BNO + 特區護照; 結婚前我一直都係持student visa (學生簽証)既BNO出入英國境，而特區護照我就一次都未用過......
05年2月我、老公 + 2位朋友相約一齊去捷克首都布拉格旅行，當時既捷克仍未入EU Schengen Area (歐盟申根公約國)，所以持BNO 需要申請旅遊簽証!
當日我帶住有學生visa既BNO，我地一行4人興高采烈由Glasgow 機場出發到咗布拉格機場，老公 + 朋友們因為都持英國護照，所以都一早順利過關......
到我過關時職員見到我個BNO，一句說話都無講，就由counter 行出來將我帶返入去關口後面既長椅.......叫我坐喺果度等! 之後連同我個BNO消失咗......
老公曾經向關口職員查問，不過事後老公話唔知果條友講乜 - 因為果條友英文好差!!!!
直至所有遊客都過哂關，關口職員陸續推開counter 門然後消失，當時我已一個人呆坐咗大半粒鐘......
突然有條友行出來 - 將所有關口既門關哂!!!!! 空蕩蕩既入境大堂只剩我一個人!!
老公即時打我手機.......
老公: 果個人有無同妳講咩事? 佢去咗邊? 
我: 佢無講咩事呀，佢淨係叫我坐喺度等! 不過我估可能係個visa......
老公: 做咩d門關哂架?
我: 我唔知呀.......
依個時候有條面目可憎既西裝粉人，手持我個BNO唔知喺邊度走出來......
粉人: 妳一個人?
我: 唔係~ 我同男友 + 2位朋友一齊~
粉人: 佢地喺邊? 佢地係咪中國人? (係中國人又點呀?)
我: 佢地已過咗關，佢地係british!
粉人: 妳地來布拉格幾日? 來依度做咩??
我: 4日~ 來觀光......
粉人: 我唔可以比妳入境，因為妳無旅遊visa!
(唔比就唔好比! 問咁Q多問題做乜Q???)
依個時候老公再打我手機，老公知道粉人唔比我入境，於是要求同粉人對話~ 不過講唔夠幾句，粉人將電話交返比我.......原來粉人聽唔明老公講乜! 老公都聽唔明佢講乜!!!!
我: fine~ 咁我可唔可以同我d朋友講幾句?
粉人: 可以~ 佢地喺出面?
粉人帶我過去關口 + 開咗1度門~ 粉人一見到老公 + 2位朋友即時好無禮咁問我.......
粉人: 妳又話佢地係british?
我: 咁佢地渣british passport 架嘛! (我已經開始火滾!!!)
老公 + 朋友們向粉人解釋我地只係來布拉格旅遊觀光，而且我係學生一定會返英國返學，絕對唔會留低喺布拉格過期居留!
朋友們仲自願提出將全部passport 交比粉人保管作保証，要求粉人比我入境，4日後我地一定會返英國.......
粉人竟然問: 護照? 咩護照?? (我唔知粉人太蠢定特登玩野? 一早已話咗比佢知老公 + 朋友既都係英國護照!!!)
跟住粉人好無禮貌地問老公 + 朋友們攞passport 來睇 - 黑住口面每個passport 逐頁逐頁拮來慢慢睇!!! (挑! 中國人唔可以渣英國護照架???? 
) 之後.......
) 之後.......
粉人: sorry~ 我唔可以比佢入境，因為佢無旅遊visa!
(既然都係唔比我入，點解要浪費大家時間? )
)
老公即時提出另book 機票同我轉飛巴黎......
老公搵到下一班由布拉格飛去巴黎既機，但航空公司職員要求要睇我passport 先可以訂票，於是問粉人攞返我個BNO~ 但粉人話要用個BNO 辦手續，15分鐘後會交個BNO 比老公......之後將關口門關返 + 再次消失! 
我再次一個人呆坐入境大堂~~~~
期間V媽媽從香港來電 (V媽媽之前要求我到咗布拉格要打電話向佢報到，但佢見我咁耐仲未打比佢，所以好擔心!) 我一路同V媽媽解釋情況，老公不停打電話入來追問BNO下落......情況混亂!!!
期間V媽媽從香港來電 (V媽媽之前要求我到咗布拉格要打電話向佢報到，但佢見我咁耐仲未打比佢，所以好擔心!) 我一路同V媽媽解釋情況，老公不停打電話入來追問BNO下落......情況混亂!!!
我開始喊 - 因為粉人話15分鐘，但我足足等咗1粒鐘!!!! 而期間我只見過2個著制服既軍人渣住機關槍喺我面前巡入境大堂!
(成個入境大堂除咗我之外都無人，我都唔知佢地巡乜Q???? 巡都巡出面啦!!! )粉人 + BNO無再出現過，亦無人出來同我接觸! 後來聽聞老公喺關口另一面大發雷霆向航空公司職員投訴
，先有一位高級職員出面同老公交涉，成功攞返我個BNO + 讓老公返入入境大堂陪我!
不過因為粉人一直hold 住個BNO，搞到我地錯過咗飛往巴黎班機! 我果時真係好驚，所以一見到老公就喊個不停 
，老公不停安慰我......
，老公不停安慰我......
我: 我邊度都唔想去，我要返屋企! 佢地痴線架~~ 
個大堂都無人，佢地渣住大碌槍喺我面前行來行去!!!!!
不過老公唔甘心原本一個開心既旅程搞成咁，而當晚最快可以離開布拉格既機係去倫敦，於是我 + 老公轉飛倫敦渡假!
我地當日到達布拉格時，只係下午4點零鐘; 但到達倫敦時已經係深夜時份......
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
今日既捷克已成為歐盟申根公約國家，持BNO去捷克已唔需要再簽証~ 不過依件事令我對捷克依個國家留下好差好差既印象!
我承認去旅行前我地做既research 不足，就即時心急訂機票book 酒店.....但我考慮到我本身已有student visa，所以無特別留意入境條件 - 要另外申請旅遊簽証!
唔比我入境唔緊要，fair enough~ 我明白始終係我地疏忽! 不過粉人既死人態度 + 我受到既無禮對待，根本完全不必要!!!
既然決定唔比我入境，何不快手辦好手續，比返個BNO 我，讓我快快離開依個鬼地方? 何需喺我面前擺出一副好有權力 + 至高無上既姿態??
我亦唔明點解粉人英文咁差都可以做依份工????? 
唔比我入境做乜要吸印? 吸咗印又打個大交叉......
自此我每次返英國時，關員一見到依個印，都會問我一句: 發生咩事? 點解會有個咁既印??
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
後記
不過塞翁失馬，焉知非福? 
我 + 老公喺倫敦渡過咗一個好開心既假期 - 撞正倫敦大減價!
我買咗好多好多野!!!
好感謝朋友們既關心，同時亦唔好意思......
好多謝老公一位Hilton 舊同事幫忙 - 臨時臨急幫我地安排入住酒店~ (仲有友情價幫我地book 咗間靚靚大房! 
)
)
亦感謝果位高級職員既幫忙 + 向我地致歉! (其實都唔關佢事~ 係條粉人衰格之嘛!)
但依次捷克"機場之旅"，足以令我永遠唔想再踏足依個國家半步! (慳返~~~
)
OMG that sounded so scary!!!!!! Do u have British passport now that ur married? Did/ Would u still have to sit for one of those horrible tests b4 u get one?
回覆刪除[版主回覆08/29/2009 03:07:00]that guy was such an asshole!!!
no im still holding BNO but ive got indefinite leave since i passed the Life in the UK test last year. i have to wait at least one year after i got indefinite leave, then i can apply for a full british passport anytime. however im not desperate!
that Life in the UK test was not horrible at all, it was just totally stupid!!!
我記得N年前跟團去歐洲玩，得我一個過唔到關唔記得係咩國家
回覆刪除當時我係攞British passport ，真係嚇死我！
[版主回覆08/29/2009 00:53:00]點解唔比妳入呀? 咁最後點呀?
條友真係好Q賤喎,通常passport有問題唔俾你入境叫你返歸架姐,點解做到你好似恐怖份子咁呀,俾著我去到人生路不熟既地方俾人滯留梗係喊啦,又唔俾你老公陪你,又好似審犯咁,只係去刺激佢地經濟姐,駛唔駛呀...
回覆刪除[版主回覆08/29/2009 00:52:00]我老公 + 朋友，甚至V爸爸都認為，條粉人想我地私下比著數佢! 東歐地方一向比較窮 + 落後，如果只係純因為我冇旅遊visa 而唔比我入境既話，佢地一早都知我冇旅遊visa，仲何需吸個印?
喺果度搞足幾粒鐘，我又攰又激氣又驚又肚餓....就算佢玩完我後話比我入境，我都唔想入呀! 當時我只想快d離開布拉格，當架機喺倫敦著陸時，我先至鬆一口氣! 好有走難feel.......
完全明白哂~
回覆刪除我覺得並唔係只關你冇入境visa事，而主要係種族歧視，你咪話條粉人見到你老公同朋友都係中國人但又渣british passport嗰種死人態度既，我覺得係呢個原因居多囉，換轉係鬼佬，我諗就唔會發生咁既事，因為鬼佬最鍾意係乜? 咪係投訴囉! 佢見你哋係中國人，諗住會好蝦啲，加上佢哋又得閒，咪玩吓你囉~ 我唔係馬後炮，如果係我，我第一間會打俾中國領事館求救，因為中國領事館有度好，就係無論你渣乜嘢証件都好，只要你係中國人，當遇到困難，佢哋都會幫你，而英領........sorry，幫你唔到，所以去旅行，永遠都要keep住中領既電話，呢樣係真架，由於我以前係領隊，所以我先會咁講~
[版主回覆08/29/2009 00:39:00]2樣都有少少啦! 不過我覺得最主要係我冇旅遊visa! 咁我冇正確既visa 佢係有權唔比我入境 - 依個係真既! 我相信我依個情況下，搵邊個幫手都冇用! 我只係覺得佢處事手法好有問題囉~
我老公 + 同行果2位朋友，懷疑條粉人想我地比"著數"佢 - 所以我個BNO原先會有個印 + 條粉人 扭C忽花揼哂波鐘咁玩野法! 一向東歐國家都比較落後......我朋友話果度d野好平，所以如果我地比少少著數佢，對粉人來講已經好肥仔! 我睬佢都傻呀!!! 我估個印係條粉人出來搵我時已有，但見我地都唔得醒目冇過水比佢，所以佢走去打個交叉~ 講真如果係鬼佬就完全冇依個問題啦! 大部份鬼佬passport 都唔需要簽証~
不過我唔肯定妳既講法~ 我聽過另一個講法係 - 好似我老公依類喺英國出生渣british passport，但6299有香港身份証，所以我老公一樣有香港身份証既人，例如我老公返香港，若入境時用身份証過關，有事故發生時，就算佢有英國passport，都唔可以要求英領幫手; 相反若老公入境時用british passport，同樣唔可以要求中領幫手......
Yea I heard that it asks some reli random questions and some of those are even unheard of to a UK born person! It's horrible in the sense that ppl who apply hv to revise for something so stupid...and btw thx for letting me know that it's got a name ;)
回覆刪除[版主回覆08/29/2009 01:27:00]well i still wont say it's horrible cos it was really really easy, just 2X multiple choice questions! i didnt spend much time to study but i remember i was the 1st one to finish the test - i only spent 5 mins~ some of the questions really made laugh!
唉.....我入英國境都俾人留難,果次我仲係3个月內第二次入境,如果我要非法留英甘第一次入境就唔離開拉,佢都儍嘅,當時既男友話可能我第＝次入境偶着个印度職員所以留難我,我當時巳經行express通道佢仲要我俾身上嘅錢同信用咭佢睇..........後來第三次入境又係印度人,个女人問我上一次幾時入境,我忘記哪一个月份我話我忘記是2月or3月叫佢睇返我个特區護照,点知个女人話"do tell me what to do",我當時諗你估英國好巴"幣"咩,遍地黄金???我唔岐視印度人,但佢地入左英藉後竟然岐視其他人真係好衰,又唔見我入印度俾人留難.
回覆刪除[版主回覆08/29/2009 16:53:00]Heathrow 果咋印度人係好不知所謂架! 不過佢地多數都係做d二打六位企喺度維持排隊秩序之麻~ 我冇幾可見佢地做有得坐喺counter 果d喎，渣住雞毛當令箭!!! 我已經見過幾次過完X Ray 有其他旅客投訴受到無禮對待 - 咁多次全部都係投訴印度職員!!!
講真，我覺得中國人去到外國，真的較容易遭受岐視。好像今個summer我去了英國和荷蘭玩，在荷蘭便受到不少不禮貌的對待…，最明顯是對待紅鬚綠眼與黑髮黃膚的差異！所以我宜家超憎荷蘭囉！
回覆刪除唉！有時去完外國旅行返來，真的覺得：還是香港最好！
[版主回覆08/29/2009 17:06:00]來得外國當然知道一定會有種族歧視存在! 不過其實東方人受歧視既情況並唔算太嚴重~ 我發現會種族歧視到出哂面既，大部份都係一d比較落後既國家! 先前有網友話喺法國受到無禮對待; 而妳就喺荷蘭......不過以我自己個人經驗，我覺得法國 + 荷蘭既人都相當友善喎!
(唸唸吓 - 其實我真係只得布拉格依先比人咁對待!)
我諗我都算好彩...因為我每次過關都扮細路女、 好似未見過世面咁（而我個樣又呃到人...） 次次過關都未試過俾人留難... 又可能係因為美國真係一個melting pot、 只要我唔似９１１恐怖份子就安全得多... 因為我聽講中東人士做咩都特別麻煩... 不過聽完你咁講之後... 我對asia同美國之外既地方都開始失望...@@
回覆刪除[版主回覆08/29/2009 17:15:00]有得扮既咩? 任妳扮到幾細，一睇妳個passport 就知妳幾大啦! 其實果次喺布拉格，我冇正確既visa，個粉人係有權唔比我入境既~ 不過佢留難我係因為佢賤格 + 得唔到著數，並非我喺佢面前好臭串! 但東歐地方係預咗落後d架嘞，我喺其他國家從未受到無禮對待or 比人留難!
唔 ……
回覆刪除頭先我同哥哥討論過呢個問題，佢同我既見解都係一樣 ~
先講你自己既情況先啦 :
你老公個 case 同你唔一樣喎，佢係英籍嘛，咁就算佢去到邊度，有事就梗係揾返英領啦，除非佢有三粒星，咁或者都可以試吓揾中領 ( 初時我以為佢喺香港出生，有三粒星嘛 …….) ，但以你當時係用 bno + student visa 入境呢個情況，係冇可以能揾英領幫手，因為你唔係英國公民，而嗰本 bno 並唔代表英國國籍，係冇居留權，所以即係廢既
( 如果唔係，使乜去咁多個國家都要簽證吖，就係因為人哋唔承認嘛 ~)
; 而 student visa 更加唔使講啦 ~
但因為你係香港永久居民，持有三粒星身分證 + 中國特區護照，所以無論你當時手上有冇特區護照，喺呢嗰情況下，你都一定可以揾中領幫手架，因為係中國政府承認你架嘛 ~~
俾條 link 你參考吓吖 ~
http://www.immd.gov.hk/chtml/topical_5_2.htm
如果我對你以上既內容有任何誤解既話，請多多原諒和請作出糾正 ~
[版主回覆08/29/2009 17:33:00]我老公得一粒星架咋! anyway 我老公身份証果個情況，只係聽佢一班cousin 返香港時討論返來! 我之前都話咗唔肯定~
我當然知道BNO唔係英籍啦! 不過果時我仲係student visa 時，去好多歐盟國家都唔需要另外簽証~ 布拉格係我第一次去歐盟以外既歐洲國家! 我承 認係自己大意冇check 清楚.......妳比我既website 我尋晚同其他網友討論時已睇過~ 我發現 - 原來我去布拉格果時，特區護照一樣要簽証架! (所以我都改返網誌內容~)
捷克BNO免簽証係由我既布拉格事件幾個月後開始實行; 而特區護照免簽証就係再後期d既事! 所以換句說話講 - 就算當時我帶埋特區護照去，冇visa 一樣入唔到境! 下面有位私人回應既網友，就係BNO免簽証時去過捷克 - 用特區冇Visa 唔比入，不過佢同時帶咗BNO喺身，用BNO免簽入境~
其實佢唔比我入境，並唔係我以後都唔去捷克既原因! 只係我去咁多次旅行，從未受到如此對待! 當時我根本唔想再留喺果度，只係好想快d離開!!! 就算佢玩完我一輪後比我入境，我都唔會入! 而家乜都唔洗簽，不過就算唔洗錢我都唔去呀~~~~
如果因為冇旅遊visa，洗咩攪咁多野，一早踢你走咪得囉，過關嗰陣就已經知道你係冇旅遊visa架啦，條粉人仲洗咩問咁Q多野，可以直接話因為你冇visa所以唔可以比你入境，所以我都同意你所講，粉人係想搵著數
回覆刪除[版主回覆08/29/2009 18:18:00]我老公、2位朋友 + 所有聽完我講情況既人，都認為粉人其實想要著數! 個印實在太離奇!!!
尋晚同老公講返起依件事，老公話原來粉人關返門後，粉人攞咗我個BNO"辦手續"，但粉人有出去同老公接觸! 老公問粉人可唔可以比d錢我等我喺入境大堂買野食 (因為自從去巴黎我比人打咗荷包，之後去旅行唱咗外幣都係由老公保管!)，條粉人話唔可以!
咁老公話將錢交比粉人，叫粉人轉交比我，粉人又話唔可以; 跟住老公話要訂機票去巴黎，粉人帶咗老公出去機場大堂airline 櫃台，但冇我個BNO訂唔到票，老公問粉人攞BNO，粉人話冇! 跟住老公要求粉人帶佢返入去入境大堂陪我，粉人同佢講 - 你出咗來唔可以入返去，果度係禁區!!!! 跟住老公大發脾氣，條粉人就失蹤!
哇~~~~ 唔講返起依件事，都唔記得條粉人賤到咁既程度!!!!!
都好難怪你咁慶既，換轉係我，可能仲慶 ~
回覆刪除係呀，因為佢哋都仲係比較窮同落後既國家，我嗰時去，直頭有人喺街上問我攞錢添呀 ~ 但係大部分人民都 ok 既，只係個個都冇乜笑容咁囉 ~
至於關員，我就冇乜印象喇，因為已經係好多年前既事咯 ~
其實我當年都同你一樣，話以後都唔會再去返嗰個國家 ( 法國 ) ，不過事隔十幾年之後，我又唔係咁諗咯，咪當俾多次機會佢囉 ~~ 我成日都同自己講，可能今次會好好玩呢， 就 好似之前蔡 san 都講過，佢第一次食鵝肝就食到啲好難 食既 ，就以為鵝肝真係咁難食，搞到以後都唔敢再食，點知有一次俾佢有機會 食到啲好正既 ，先發覺，原來鵝肝係咁好食既 ~~ 同樣道理，一次唔代表以後，咪當俾多次機會佢囉，所以我而家都好想再去架 ~~
不過可能你會覺得我犯賤囉 ……….. 但事隔咁耐，我一早都淡忘哂 lu~
[版主回覆08/29/2009 19:39:00]世界之大有好多又靚又值得去既地方~ 但捷克我話過唔會再去就一定唔會去! 妳可能會覺得只係一個人對我既無理行為，我就以後都唔去依個國家有少少誇張; 而且事隔多年 + 我遲吓可能會淡忘.....
但當日我人生路不熟到咗一個完全陌生既地方，冇人可以提供任何資料比我發生咩事 (粉人只係話我冇visa 唔比我入，但完全冇同我提過送我回英既事!); 想同佢地溝通，佢地英文唔好，我講十句佢一半都唔知明唔明? 只係一個小小visa 又何需搵兩條友渣住大大碌機關槍喺我面前行來行去? 老公 + 朋友隔住另一面又完全唔知我既情況，條粉人乜都話唔得 (妳可以睇埋樓下我回阿四既事!) 完全唔知佢下一秒又會點對妳.........我當時覺得 - 依個咁既國家我真係死咗都冇人知! 果種徬徨真係非筆墨可以形容! 我到而家仍然歷歷在目!!!
我一向天不怕地不怕，亦夠膽挑戰權威e.g. 我曾經因為英國關員對我無禮，而向佢做出一個類似粗口手勢既動作! (只係類似! 並唔係真正粗口手勢~ 而且係有原因既! 所以佢奈我唔何! but that's another story! ) 可能捷克真係已經進步咗，但我對依個國家既壞印象並冇絲毫磨滅到!
我喺法國都曾經有不快既經歷 - 第一次去就比人打咗荷包! 但我完全唔會有人身安全受威脅既感覺! 同當時既捷克感覺完全唔同~ 加上法國係我從小已經最嚮往去既地方，所以去足5次仍然唔夠!
一句講晒...官僚作風....
回覆刪除[版主回覆08/30/2009 05:36:00]條粉人想攞著數就真! 我睬佢都傻呀~~~~
我估係簽証既問題，但我記得攞British passport 係唔需要，
回覆刪除好彩最終都冇事，好似係去意大利，太耐唔記得
係呀，今日我細妹話佢換左紫色俾我喇
[版主回覆08/30/2009 05:35:00]意大利都要簽証既咩? 而且妳係british passport 喎.......我去意大利入境時，佢地求其拮幾拮我個BNO + 係咁二睇吓我張landing card，乜都冇問就揼咗個印比我過咯~~~
咁妳而家咪有2隻囉!
粉人真係好賤格，妳一個女仔係裡面真係好驚，咁都唔可以比人陪，又唔可以買野食，又扣住唔比人走，仲要放兩隻野拎住支炮走來走去，擺明玩野
回覆刪除其實我有樣野唔明，點解airline高級職員出面就可以攞返個BNO
[版主回覆08/30/2009 05:32:00]條粉人應該係渣住雞毛當令箭果d二打六來既啫! 佢應該係話唔到事果隻~
至於果位高級職員係一位未到中年既女士來 (氣質態度同粉人有天淵之別!!!)，粉人消失後老公喺航空公司counter 發哂脾氣，於是航空公司地勤就call 咗依位女士出來~ 佢帶老公同我會合時係著住航空公司制服，不過老公話佢同其他職員既制服有別! 老公話機票 + 攞返BNO 都係由依位女士搞掂! 但佢點出面 + 做咗d乜我就唔知嘞~~~
我都知唔駛簽証，但當時真係得我一個有問題俾人問喎
回覆刪除最衰又唔記得咩國家啦～
冇錯而家我係有2隻!!
[版主回覆08/31/2009 00:09:00]其實咩國家都有衰格人架嘞! 睇吓會唔會唔好彩撞正既啫......
我都唔多明 點解d外國人以前咁岐視中國人既 我好記得 之前我係canada返左香港 跟住隔左一段時間....4年左右 返去canada 點知 ............... 係過移民局時 先搜查行李 再要搜身 仲問我要唔要搵翻譯 又問我要唔要搵律師 嚇得我呢~ wa............. 我而家犯法咩? 嬲得我 >"<
回覆刪除[版主回覆08/31/2009 00:21:00]而家佢地都一樣係歧視架! 但我個人認為過關時搜身又唔算歧視既~ 不過一般情況下都唔會問妳要唔要律師果喎!
外國人有時都幾歧視中國人，可能怕做中國人黑市逾期居留後，不過，個粉人真係幾恐怖，英文差成咁都可以做關口既所謂高級職員既
回覆刪除[版主回覆08/31/2009 00:23:00]做黑市都唔去捷克啦! 果度d野咁鬼平，做黑市都唔慌搵得多!!!
個粉人其實應該係入境處既人，而且唔係高級果隻! 幫我攞返BNO + 訂機票既航空公司職員就高級嘞!
咁佢哋揾兩條荗利渣住支大炮嚟嚇你又係賤格啲既，有咩必要咁做呢 !? 你又唔係恐怖份子 …….. 不過俾起大陸，算好好架喇，喺大陸有起咩事，會即時“塔”你返去坐幾日 ………. 甚至可能會人間蒸發添呀 ~
回覆刪除好彩你冇俾錢佢咋，如果唔係，有咩事起上嚟，佢實篤你出嚟架，嗰時仲大鑊呀 ~
咁你返到英國有冇向有關方面投訴呀 ?
睇嚟你要開個“我過去的過關遭遇”既 topic 先得喇 ~
我都試過喺大陸挑戰權威，帶住成團人逃離現場，幾驚俾人追殺呀，好彩走得甩咋，嗰次真係一額汗 ……
[版主回覆08/31/2009 00:47:00]我反而唔覺得大陸會因為一個visa 而咁喎! 我有好多竹升 + 鬼仔朋友，之前都覺得大陸係一個落後黑暗無人權既地方，但佢地去完大陸返來後，都覺得中國係一個先進文明既國家! 我返到英國冇投訴喎! 有乜好投訴呀? 事實係我自己冇visa 在先~~~
我依topic 咪叫"V咸豐舊事"囉!
尋晚同老公講起身份証既問題，原來老公係有3粒星果喎! 所以唔一定要香港出世先有3粒星架~~~
哦 ~~ 咁大陸又唔會因為區區一個 visa 搞到咁，加上佢哋對外國人一般都 o.k., 可能某程度上有啲媚外啦，又加上難溝通，所以都唔敢搞啲乜嘢 ~~ 但如果件事係比較嚴重又加上係華人，又唔同咁講喇，我哥哥喺大陸做生意，所以佢好清楚上面大陸人啲衰嘢架 ~~
回覆刪除文明 ?! 睇吓對住啲乜嘢人啦 ……. 我成日都上大陸玩，都見唔少咯，所以我成日都話，上面依家係硬件得，但軟件仲未得，人民既質素真係 ……..
其實雖然你冇 visa ，唔俾你入境， fine ，冇問題，但如果遭受到無理對待，咁佢哋就有好大問題喇，所以我話投訴既意思係佢哋既處理手法方面。
唔喺 Made in Hong Kong 都可以有３粒星咁過癮 ?
[版主回覆08/31/2009 18:10:00]中國地大脈博，當然會有先進 + 落後既地方! 我自己 + 朋友喺大陸都有親身遇過好 + 唔好既經歷; 不過既然大陸唔會因為一個visa 搞到咁，我覺得就唔可以用當時既捷克 + 而家既大陸來相提並論嘞!
英國每到旅遊旺季，電視上都會有廣告 - 提醒英國人出外旅遊，到咗人地國家就要遵守人地國家既條例~ 在捷克來講佢地可能真係習慣咁對待冇正確visa 既東方人都唔出奇! 換句說話 - 我喺佢既國家，佢點對我我都吹佢唔脹! 我雖然喺英國生活咗咁多年，但我性格仍然港女，並未沾上西方人事無大小都要投訴既習慣~ 再講 - 我係中國人，投訴完佢好人既話咪最多同我講句sorry; 唔好人既咪一樣唔理我! 氣我已經受咗，我覺得投訴對我來講完全冇任何效益! 正如 一間餐廳既食物 + 服務令我覺得唔滿意既話，我只會選擇以後都唔幫襯~~~
我反而唔明點解妳會覺得一定要喺香港出世先可以有3粒星喎? 因為政府網頁都有註明 - 中國公民喺香港以外地方所生既子女，都係永久性居民 + 有居留權~ 所以我 老公喺英國出世有英籍護照; 因為6299係香港出生既中國公民，咁我老公咪有3粒星身份証囉，我老公仲有回鄉証 + 丁屋權呢!
自己遇上呢D場面真係超驚! 好在我未遇過....不過唔好話, 我有朋友去以色列,有哂VISA又成, 都俾人倒哂D 行李出黎, 又話佢地人工低[ 因為佢地最初問要唔要翻譯, 咁有梗係要喇...萬一講錯野咁點算! 佢地就以為我D 朋友唔聽英文, 講左好多難聽既野囉] 而我都只不過係去台灣時聽過入境個D 人講香港人囉, 我自己拎BP ,所以直接入境就得, 而佢地仲攪緊落地簽證, 佢地就係我面前講是非喇..後來知道我識聽/講國語[心諗識聽識講有幾奇先!]仲爆左句: 拎BP既人係唔同的!
回覆刪除[版主回覆08/31/2009 18:25:00]我從來唔覺得得攞咩passport 會特別有優越感~ 去咩地方都好，as long as 我辦妥哂所有有續，有哂正確documents，我就入到境架啦! 可幸既係我去親台灣，入境關員全部態度都好友善~~~
我同我家姐02年由意大利去希臘再返意大利那一程, 都遇到阻滯. 因為我地在意大利住同一間酒店, 所以我家姐留左意大利返香港那程機票同一d行李俾酒店既人幫手保管(我自己機票的一直跟身). 我地由希臘回意大利那程機, 航空公司話一定要家姐出示離開歐盟那程的機票, 我地去邊都好, 總之唔可以留在歐洲, 如果無就唔俾boarding pass佢. 果陣已經淨番唔夠半個鐘就唔俾入閘, 真係玩晒嘢, 鬧到我家姐真係沿地紮紮跳. 佢即時碌卡買張由荷蘭去新加坡的機票(仲要得番商務位, 但可refund), 咁航空公司既人先俾佢入閘, 佢真係要跑到咁去會合我地呀. 佢返到香港refund張機票, 結果匯率有變, 佢仲有賺添. 我地諗, 如果唔夠錢/無信用卡既 非歐洲人 去到希臘, 分分鐘俾佢地玩死,(仲要係唔關海關之類既事, 係航空公司職員都咁玩嘢咋喎). 佢地以為歐洲好有寶咩, 同埋就算我地逾期居留, 都唔揀在希臘啦, 我地都從你既國家起程走啦, 你理得我地在意大利走唔走呀? 仲話希臘係文明古國, 一d都唔文明, d街道沙塵滾滾咁, 仲要2004年辦奧運, 咁既態度點接待人呀? 千辛萬苦返到意大利之後, 簡直有脫苦海既感覺(之前我唔鍾意, 但經此一役後, 我好鍾意). 我地仲發誓過以後都唔會去希臘, 真係把托咩!
回覆刪除[版主回覆09/01/2009 03:27:00]妳地下次真係唔好制呀! 妳地既做法 (留回程機票比酒店保管)其實真係好冒險! 而且佢地事實上真係有權check 妳地既回程機票架~
我之所以咁講，係因為意大利好出名會trap 外國旅客! 尤其係東方人~ e.g. 佢地有好多餐館，會有2個唔同餐牌，1個for 佢地自己人; 另1個比遊客 - 依個係冇價錢既! 最近有一個case，一間羅馬出名既餐廳，2名日本遊客埋單竟然要700歐羅! 佢地無奈比咗錢先可以走人~ 不過依2名日本遊客入住既係一間當地日本人開設既B&B，佢地將件事告知B&B同鄉，依位店主於是陪佢地出頭報警，成功攞返被騙既錢!
另一單亦係發生喺羅馬~ 一位意大利男人人妻子係法國人，佢地到羅馬一間餐廳飲野，妻子用法文order 咗一杯咖啡，埋單竟然要5歐羅! 於是意大利籍丈夫投訴點解一杯咖啡要咁貴，侍應回答佢: 原來你係意大利人來架? 你應該一早出聲話我地知嘛~ 果個係遊客既價錢來!
我亦可以話妳知希臘並唔文明! 我以前讀書時曾經同一位希臘人分租一個flat，我搬走時關係差到真係幾乎互斬既程度!!! (P.S. 對方係一個希臘男人，不過我同佢並 唔係 情侶關係! 只係喺大學留言板見到佢出通告要搵flatmate!) 佢地國家治安亦唔算好，聽過有女遊客到當地旅行，比人夾硬押上車強姦咗! 我自從見識過我果位賤人希臘flatmate，我覺得發生依d咁既事，真係一d都唔出奇!
請分清楚 機關槍 及步槍
回覆刪除[版主回覆09/02/2009 01:05:00]恕我材疏學淺，我唔識分喎! 我對於冇唸住要擁有既野，唔會深入研究 + 冇興趣研究~
我唔需要分清楚佢地當時渣咩槍，因為個重點係我當時好驚! 對我來講佢地渣咩槍都係一樣!
唉, 又比高登仔入侵, 開口埋口叫人港女. 老老77 , 我一 d 都唔覺得 blog 主有邊忽港女 wo 你地班高登仔, 試下將人地既處境代入自己丫 唔比入境仲要拖咁耐時間 , blog 主都講明知道係自己問題, 入唔到境都冇怪任何人, 點解仲要留難人呢 ? 上網發洩下都要問過你班高登仔牙 ? 咁鐘意 , 報警丫笨, 見到你班高登就憎
回覆刪除[版主回覆09/02/2009 20:17:00]我完全唔介意人地叫我做港女~ 咁我事實係喺香港出世嘛，我成日都自認港女架啦!
不過人有高矮肥瘦，IQ亦同樣有高低~ 未必個個人都好似你咁 - 睇完我依篇野，會明白個重點.......
至於有閱讀障礙果班人，佢地唔明我個重點，我亦懶得同佢地逐個解釋!
捷克2004年入歐盟喎..... 英國當時無得睇新聞？？
回覆刪除[版主回覆09/02/2009 16:12:00]冇睇新聞時事既應該係你!
捷克2004年入咗歐盟，但2007先入申根公約國， 申根公約國先係免BNO簽証!
我一向只同有基本常識既網友溝通，所以寫依篇blog 時冇唸過要寫到咁清楚!
佢好大整估 Passport 比人界左十字 以後去其他國家見到都可能唔比你入境 ~ 攞個本啦
回覆刪除[版主回覆09/02/2009 16:14:00]冇咁既需要~
果次之後我已去咗好多次旅行，出入境完全冇任何問題!
只係返英時關員見到會問一兩句，但我而家有永久居留~
係咁就好~ 你老公IQ同EQ好高, 同D有白眼的人交涉~小D耐性都死~ 不過好似你話" 塞翁失馬，焉知非福 " 去玩最近要開心
回覆刪除[版主回覆09/02/2009 20:09:00]我老公脾氣一向好好架，不過果次連同行既朋友都比老公嚇親! 佢地話由細到大都未見過我老公咁發咁大脾氣!
除咗我老公，朋友們都好好! 佢地都有份幫我喺出面同個粉人交涉，直至老公同我會合咗先離開機場~ 其實佢地一早都可以走得.......
係呀~ 果次我地喺倫敦都玩得好開心呀! 去玩真係最緊要開心! 要受氣既話，唔洗錢我都唔玩!
咁比我以後都唔會再去 , 條粉人真係好賤 , 如果無VISA唔入得境 ， 而又冇LANDING VISA 的話 , 趕快比人走啦 , 阻Q住哂 , 而且這個國家又不是高高在上 , 唔去唔得既 !
回覆刪除[版主回覆09/03/2009 01:08:00]我當時仲要係完全冇抗辯喎，我係願意離開果喎! 粉人同我地講話15分鐘比返個BNO我，但就夾住我個BNO失蹤1粒鐘......咁既地國家真係免費我都唔去呀!
OMG, the same situation aplies to my friend n me in Barcelona,Spain! We r students in UK, we planned a trip to Spain this Easter. There are 9 of us, 1 holding British Passport, 5 used HK passport, n 3 used BNO...They declined the ppl holding BNO to enter, saying that we have to get visa...blahblahblah..their English is so limited, we tried to explain that we did research and saying we didn't need a visa and stuff...they just ignored us,force 3 of my friends to sign something in Spanish, n finger printing their thumbs...At last, they deported 3 of my friends back to London, and wasted our whole day in the airport: ( they need to buy another ticket to barcelona to join us on the next day, holding their HK passport...
回覆刪除RUINED our trip! so lucky that i bought both passports with me! That 3 friends told me that they rode on the POLICE CAR in the airport, and was like some kind of criminals when they were waiting in the airport...so SCARYYYY!
[版主回覆09/04/2009 16:40:00]i used my BNO when i went to Barcelona in 2007 and didnt have any problems! but i was holding the marriage visa......
係？
回覆刪除我之前去it都冇事bor
不過去佛羅倫斯一間rest.食pizza果陣
份pizza都細過d鬼
一樣價$$
把鬼火~~
[版主回覆11/26/2010 14:36:00]阿妹妹~ 妳究竟知唔知捷克喺邊度?
同意大利根本完全無關係!
妳要回應就唔該先睇清楚我寫乜啦! 好難同妳溝通呀......