2014年1月31日星期五

馬年大吉大利!

La Cuisine De Veronica,V女廚房,農曆新年,恭喜發財,倉鼠,Hamsters,CNY,Chinese New Year

恭喜發財! 今日係馬年大年初一,
McHamHam、Mr. Buttons + 棉花糖有利是啊~

2014年1月29日星期三

農曆新年 - 大紅大紫大發糕

La Cuisine De Veronica,V女廚房,賀年糕點,發糕,發粿

發糕又叫發粿,客家人稱為鉢粄、發粄或碗粄,傳統賀年糕點~
取其發音,過年時食發糕以求好兆頭,
發糕發得越大...爆得越開...裂痕越深,
即代表新一年運勢越好既象徵!
今次我將發糕染成紅色 + 紫色,
取其意頭大紅大紫~

農曆新年 - 糖蜜年糕

La Cuisine De Veronica,V女廚房,賀年糕點,年糕,糖蜜年糕,傳統年糕

一向都好少食年糕,不過今年好想食!
幾年前整過一底加咗椰汁既黃色年糕比6299(食譜),
但Mr.T + 我都唔係好鍾意椰汁,
所以今次整返最基本既傳統年糕,
特別加咗糖蜜(molasses)來加強顏色 + 香味~

農曆新年 - 晶瑩桂花馬蹄糕

La Cuisine De Veronica, V女廚房, 賀年糕點, 馬蹄糕, 桂花馬蹄糕, Water Chestnut Cake, Water Chestnut Cake with Sweet Olive Flowers

我呢...由細到大都唔鍾意馬蹄~
所以從來無整過 / 無唸過要整......
甚至未食過馬蹄糕! (真係一啖都無食過!!)

今次依底處女馬蹄糕,

完全係徇Mr.T 阿姨要求~
阿姨食咗2塊後大讚"好正!",
不過...我自己仍然一啖都無試過!!

2014年1月28日星期二

I'm having a BIG meal!

洋人新年後一直都無去過愛丁堡,
星期六跟Mr.T 返office,
返正佢只返半晝,
我去shopping 等佢放工一齊食lunch......



喺一間百貨公司廚具部見到依對巨型 叉+ 匙~
初時我見掛喺一度"閒人免進"既門上,
以為只係廚具部既非賣裝飾品,
點知行近一睇...有價錢牌果喎!

2014年1月24日星期五

農曆新年 - 素蘿蔔糕

La Cuisine De Veronica, V女廚房, 賀年糕點, 蘿蔔糕, 素蘿蔔糕, Steamed Mooli Cake, Vegetarian Steamed Mooli Cake

Mr.T 阿姨本身唔係食素,
但蘿蔔糕就只食素既蘿蔔糕,
依個version 特別為佢而做~
其實做法大致上同葷既蘿蔔糕相同,
只係配料 + 調味料上有少少分別!


2014年1月23日星期四

新鼠鼠"棉花糖" (2014年1月18日)

La Cuisine De Veronica, V女廚房, 倉鼠, 黃金倉鼠, Syrian Hamster, Hamster, 熊仔鼠

倉鼠真係一種人見人愛令我超肉緊既小動物!
容易打理又可愛好玩~

其實十幾年前我已經開始倉鼠,
多年來養過超過10隻,
不過每次當佢地"幾年歸老"相繼去咗彩虹橋後,
我都喊到死去活來~~~
頂唔順果種心痛...已經無養好多年!
直至去年9月Mr.T 收養咗佢staff 妹妹唔要既McHamHam......
我對鼠鼠既熱愛再次一發不可收拾!

二人世界2014第一餐三餸一湯 - 2014年1月22日 (附食譜)

真係作死......
一味掛住執舊文爆圖,
踏入2014年後,都未正正經經煮過一餐飯食!
Well~ 咁其實又唔係日日都出街食或叫外賣既,
都有煎過牛扒咁既.......

我依d OCD 係咁 - 一係就唔做,要做就要一氣呵成!
Btw 經我一番努力後,爆圖大致上已經全部修復;
而我堅持每篇加返"閱讀更多",
亦只剩返2008年前期大約6個月左右既舊文,
相信依個星期內會全部攪掂哂! (開心~ )

La Cuisine De Veronica, V女廚房, 三餸一湯

花膠響螺頭排骨煲雞腳; 洋蔥豬扒; 辣子腰花 & 清炒菜心

2014年1月16日星期四

禮物大堆頭

今年聖誕 + 生日...wait...應該係舊年先啱!
舊年聖誕 + 生日收既大堆禮物.......

聖誕前幾日,我嗲Mr.T 比我先拆聖誕禮物 - AOTEK 超迷你相機~
咪睇佢咁細隻以為無料到喎,真係影到相仲可以拍短片架!


2014年1月13日星期一

大減價小收穫


話就話係大減價收穫,
不過其實聖誕新年大減價無乜野特別想買,
所以都係同平時差唔多......

My Belated Bday Dinner@La Vallée Blanche (2014年1月12日)


話說2星期前阿V生日正日橫風橫雨天氣惡劣,
唔想出街只想留喺暖暖既屋企,
Mr.T 唯有取消一早訂咗法國餐廳張枱;

上個星期日(1月5日)同62食新年飯,
於是Mr.T 改為星期四(1月9日)再訂枱同我補慶祝,
不過果日發現搬完blog 後原來未成功,
攪到我又無哂心情,
Mr.T 唯有再一次取消訂枱.......

尋日(1月12日)Mr.T 朝早第三次訂枱,
Mr.T: 今次一定要去嘞! 
如果再cancel 我唸以後都唔洗旨意去....
(次次訂枱都係用Mr.T 個名! 哇哈哈~~~~)

尋日本身一整天天氣都好好,
但傍晚開始落足一晚毛毛雨,
不過無影響阿V出街食飯既心情,
其實我一直好期待依餐飯,
因為我好鍾意食法國菜~

2014年1月10日星期五

成功搬Blog (2014年1月10日)

今日我終於成功將YBlog 舊文連相,
全部搬哂過來Blogger 嘞! (今次係堅架嘞!!) 
真係好多謝高人blog友コーさん 既幫忙~

早兩日我沾沾自喜坐定笠六以為攪掂哂,
點知原來食詐糊!
多得コーさん 提醒我相片連結有問題,
如果唔係我到而家仲懵吓懵吓.......

之後我攪唔掂備份個新格式,

コーさん 仗義拔刀相助為我檢查 + 轉檔案,
阿V唔洗逐篇螞蟻搬竇,
先可以咁快有返哂所有舊文!

滙入舊文完結後,
見到自己喺YBlog 多年經營既心血喺Blogger 上出現,
感覺就好似一家人團圓一樣, 
好開心 + 終於可以鬆一口氣~

剩低既功夫...我仲要執執分類 + 爆圖,
不過依d通通都係小意思來,好快會攪掂!
在此衷心多謝所有提供過搬blog 或執靚blog 意見比我既blog友!
You guys are awesome~

2014年1月9日星期四

聖誕新年食乜鬼? (特長!)

掛住攪個blog,最近無煮野食.....
講返吓我 + Mr.T 聖誕 + 新年時食過乜啦!

剛過去既聖誕 + 新年,
我 + Mr.T 先忙後hea~

聖誕前夕...即係平安夜啦...
難得Mr.T 全日唔洗返工,
我地出咗街作最後Christmas shopping 兼食lunch,
今次去咗一間我地未試既意大利餐廳 - Prezzo~
中午時間大部份人仲未放工,
餐廳無乜客人........

開心得太早.....

唉...前晚以為攪掂哂搬Blog,
點知晴天霹靂有位高人告知......
原來我搬完後舊文圖片仍然連結住Yahoo!
我尋日唯有將所有已載入既舊文一口氣del 哂,
所以大家會發現我上一篇所講右邊既分類欄位唔work~

2014年1月7日星期二

Pain in the ass!


哇哇哇~~~~~~~~
踏入咗2014年成個星期,
我一篇blog 都未寫過......
因為我終於的起心肝將Yahoo 舊文一口氣搬哂過來!! 

花咗3日時間......
先用blogtrans 轉code...OK~ 唔算太耐亦唔太複雜;
不過我既Yahoo 備份有6個檔案,
每個檔案有接近3000張相,
要通宵開住電腦
將依6個圖片檔案逐個upload 上Google Drive,
終於upload 哂所有圖片檔案...
但又要將所有圖片集中搬哂去其中一個檔案,
先可以加入blogtrans 轉咗既code,
令人嘔血既係 - Google Drive 搬相要click 一大堆buttons,
更爆血管既係 - 每次最多只可以搬50張相.......
就係咁我坐咗喺電腦前不停重複同一動作click 咗近千下!!!!!!!

Related Posts Plugin for WordPress, Blogger...