I'm having a BIG meal!

洋人新年後一直都無去過愛丁堡，
星期六跟Mr.T 返office，
返正佢只返半晝，
我去shopping 等佢放工一齊食lunch......

喺一間百貨公司廚具部見到依對巨型 叉+ 匙~

初時我見掛喺一度"閒人免進"既門上，
以為只係廚具部既非賣裝飾品，
點知行近一睇...有價錢牌果喎!

一見已經好鍾意，不過價錢有點貴，唔捨得......
只影低相比Mr.T 睇，
Mr.T 睇相後二話不說話送比我!
當然求之不得啦!!!

依2枝野係實心鋁來，所以都好重吓架!
Mr.T 話若一日有zombies，
可以用來當武器喎! 哇哈哈~~~~~

話過要忍手唔再買咁多cook book......
結果又係忍唔住!

雖然早前買既YSL 碎粉仲未開封，
不過喺TK Maxx 見依樽加拿大製既Sue Devitt 碎粉顏色好啱我.......

成份又有海藻、維他命C、洋甘菊 + 綠茶...感覺好天然!
即管買來試吓~

 

超市蕃紅花越賣越貴!
見TK Maxx 最近有西班牙蕃紅花賣......

份量比超市多 + 平， 買定一小樽遲吓整paella!


果日渣車搵緊愛丁堡既Pets at Home，
行錯路無意搵到一間我地未聽過既大型家品店 - The Range~
大型傢俬、廚具、美術用品、家居擺設、寵物用品、食品etc.
包羅萬有! 入一入去就消磨咗2粒鐘.......

未見過/佢地未食過，我都會買比佢地試吓!
做我家鼠鼠真係有口福~

過完農曆新年，緊接就到情人節!
今年情人節為62餐館整一咋情人節cake pops 送比訂枱客人，
買定要用既材料 + 用具~

情人節之後...話咁快就到復活節!
我已唸緊鼠鼠們既造型!!
依個籃仔將會係其中一個道具~

 太靚既花花cupcake cases!

之前既Cake Decorating magazine 好似已經完刊......
同一間出版社即時出另一本專講甜品既雜誌 - Something Sweet~
一如以往第一期只賣99p，
送心心朱古力膠模 + 金色包裝紙~

麥麥Happy Meal 送既玩具越來越精美!
而家送緊Tom & Jerry 既餐具~
上星期送依個包埋膠叉匙既雪櫃型小餐盒，
我緊係唔會用啦! 我用來放鼠鼠們既零食~

今個星期係Jerry 飲管，好cute~

新年用新杯!

我一向鍾情依種款式簡單，又薄又輕既水晶玻璃杯~ ❤
想換咗之前有花紋果套，已經搵咗好耐，
不過大部份都係一套4隻或6隻，
屋企得2丁人，用唔著咁多隻!

依套一套只2隻，啱啱好! Made in Italy~


上星期FB人人買花買海味...是謂"辦年貨"~
今年英國超市水仙花唔靚，
一係已經開哂花; 
一係睇個款都估到過咗年都未開花...慳返唔買!
海味我有大把存貨，
加上V媽媽無耐前寄咗大咋比我...唔洗買!!
不過我都有辦年貨! 
只係同一般人辦既年貨有少少唔同.........

原本出去只係打算買個蒸糕盆 + 新廁所刷.......

必辦既年貨 - 廁所刷!

我家廚房門地下門罅較闊，
依個專用來遮擋門罅吹入來既風~

我之前一直將開封既米留喺米袋裡面，用夾仔封口.......
依個方型有蓋手挽桶仔大小適中唔阻訂，
Good fit 用來做米缸~

  

被誤導而買既2枝眼線液!
包裝上既圖示 - 我以為係筆型!
點知返到屋企開咗一枝...只係一般長柄既眼線液.......


無意中發現屋企附近一間印巴人開既£1店，
來咗批大約30多個款式既烘焙用具........

無論包裝、款式，質素...都同香港12蚊店好相近!
(其實我覺得係一樣!!)

依種翻糖plunger cutter set，
之前我見過其他店或牌子最平都要至少£4先有交易，
而家只£1!

竟然連2年前我喺香港用咗$98買既曲奇印字套組都有得賣!
雖然少咗個盒 + 方型曲奇模...但只係£1!!
(因為太平，所以買多套做士啤~)

一向都無特別煮團年飯(即係記得就煮，唔記得就算!)

我比較注重餐開年飯!

舊年餐開年飯整咗個V記盆菜，
2個人食咗4日，實在有點太多!
其實我仲未決定今年餐開年飯煮乜，
不過就買咗個細d既盆，in case 我又決定整盆菜嘛!

講完敗家吹完水...我要去開工了!