倉鼠真係一種人見人愛令我超肉緊既小動物!
容易打理又可愛好玩~ ❤
其實十幾年前我已經開始倉鼠，
多年來養過超過10隻，
不過每次當佢地"幾年歸老"相繼去咗彩虹橋後，
我都喊到死去活來~~~
頂唔順果種心痛...已經無養好多年!
直至去年9月Mr.T 收養咗佢staff 妹妹唔要既McHamHam......
我對鼠鼠既熱愛再次一發不可收拾!
當V媽媽知道我收養咗McHamHam + Mr. Buttons 之後，
同我講: 唉...阿妹~ 第日佢地死時妳咪又喊餐死!
其實我都知架...不過會同自己講: 到時先算啦!! (哈哈~~~)
每次出街都心掛掛，買落大咋鼠鼠用品 + 零食......
聖誕前我同Mr.T 講: 死啦~ 又唔知佢地幾大，我好怕佢地會死......
於是我同Mr.T 認真討論，結果係 - 最好同一時間養3隻!
點解係3隻呢?
如果養2隻既話，若是但一隻"行先"，
剩低果一隻未必會有感覺...因為分開2個籠養，
不過我就會有種"孤清"既感覺;
同一時間養3隻，其中一隻行先，
仲有其餘2隻分散我注意力，
而且養3隻同2隻，喺打理上無乜分別，可以應付得來~
就係咁，我地開始物色第3隻鼠鼠......
我地第一選擇係領養，
不過唔知點解新年後好少待領養既倉鼠?
(其實都係好事來! 代表無乜鼠鼠被遺棄嘛~)
而且養小動物好講合眼緣.......
就好似本來Mr.T 睇中咗依隻黃咖啡毛既熊仔鼠，不過.......
當我觀察咗佢一陣，我發現......
佢令我唸起劉德華!
我真係接受唔到一隻我覺得佢個樣似劉德華既鼠鼠!!
感覺太怪異嘞........
直至上星期六(1月18日)遇到佢 - 棉花糖~
棉花糖係一隻灰白帶微黃既長毛敍利亞倉鼠(即熊仔鼠)，
同McHamHam 相同品種(不過McHamHam 係短毛)~
性別...不詳~
喺寵物店時唔知點解我地認定佢係男仔(?)，
所以當時無問清楚!
返到屋企我 + Mr.T 都覺得好confused......
可能要等佢大少少先check 到正身!!
以為隻隻熊仔鼠都好似McHamHam 咁貪心又為食......
但棉花糖食野好滋由淡定好斯文~
McHamHam 最愛既蛋糕條...
McHamHam 會擒擒青以最短時間將整條蛋糕塞哂入口;
而棉花糖就慢慢食咗半條已經放低想出來玩~
咪睇佢個樣好似好乖...查實頭2日已經偷走咗3次!!!
可能仲係新環境，性格有點鵪鶉細膽，
小小聲佢就成隻彈起!
不過佢好tame 好好抱，唔咬人~
請朋友來屋企食飯作客，"多個人多雙筷";
但屋企多隻鼠鼠就無咁簡單嘞......
(有朋友甚至話養鼠鼠仲貴過養貓貓狗狗!)
不過鼠鼠咁可愛，帶比我地既歡樂係priceless 既~
可能長毛既關係，
棉花糖望落身型好似同McHamHam 差唔多，
但抱上手感覺好輕，原來佢只有125g;
咁McHamHam 幾重呀?
160g! 初時我以為McHamHam 過重，
但原來以成年女仔熊仔鼠來講，
McHamHam 體重好標準啊!
身型咁好肉地...因為佢食野係咁既樣!
同埋咁既樣!!
食飽後就變咗咁既樣!!!
Mr. Buttons 係唔同品種既侏儒倉鼠，
所以只有56g，體重好正常~
2個多月前Mr. Buttons 第一日返來，
瘦蜢蜢又細粒，只剩一隻大眼睛......
2個多月後既今日，
Mr. Buttons 變成一個圓滾滾既灰色毛毛波!
變成一粒"大鈕"!! (好有錢佬feel 啊! 呵呵~~~)
Mr. Buttons 係我養過其中一隻最乖又最嗲既鼠鼠!
佢鍾意人抱~
但佢係一隻罕有地唔多好零食，
又唔鍾意人手餵食既鼠鼠......
haha~謝分享佢地好cute~^.^~
回覆刪除Thank you! ;;)
刪除食完野個咀漲晒,,,,好得意呀!!!
回覆刪除3隻鼠鼠之中，得McHamHam 一個最為食!
刪除似劉德華.....HHHHAAAA HHHAAAA~~~~
回覆刪除佢正面仲加似呀! 連Mr.T 都話本來唔覺，我講咗佢都覺得好似.....
刪除原來有新小朋友黎左, 好得意呀! McHamHam食飽飽個樣好搞笑...好為食呀!
回覆刪除我由細到大都有養貓, 試過最長命果隻養左19年, 真係陪住我長大, 當佢走左後好傷心, 曾經都唔敢再養貓, 但愛貓之情係唔會變既... 成日聽人講寵物係你生活既一部份, 但對佢地黎講, 主人就係佢地既全部, 所以只要好好愛惜佢地, 就算佢地短短既一生都會過得好幸福, 生老病死係必然, 所以對佢地無憾先係最重要! 呢D野真係唔好諗太多lu...
妳都講得好啱既~ 我以前喺香港養過狗狗，佢走咗已經十幾年，但我而家客廳(英國)仍然放住狗狗既相，我永遠都咁鍚佢~
刪除大家都係鼠知, 好得意呀!! 我之前養4隻, 1隻好早病死左, 其餘3隻今年幾個月內輪住老死, 連寵物善終公司見到我地都話: 又係你地呀? 雖然好傷心, 但係諗返佢地一生遇著我地咁好既主人, 都係一種幸福!
回覆刪除做主人既盡量喺佢地短短一生中受鍚受護佢地!
刪除咁妳仲會唔會養新鼠鼠呀?
真係似劉德華,唔好講笑...XDDD
回覆刪除B媽
佢正面仲加似呀! 好似一個有黃色毛超迷你既劉德華飲緊水咁...感覺超怪異!
刪除連Mr.T 都話本來唔覺，我講完後佢都話真係好似!! XDDD
3隻都好得意呀 ::mm1571
回覆刪除佢地而家係咪一齊住??
一齊玩會唔會打交???
3隻都係自己一個籠!
刪除McHamHam + 棉花糖都係熊仔鼠，一定要單獨養;
Mr. Buttons 係唔同品種既三線鼠~
佢地唔會一齊玩!
合養要同一時間符合多項條件先可以
Oh..one more hammy.... they are too lovelyyyyy. 好開心呀有三隻.
回覆刪除3...enough la! yes~ they are little cutie pies, i love them all~
刪除Haa..will u consider open a instagram for them so we can have more cute pic to see?
回覆刪除a bit busy recently, dont have to much time to manage my blog and my FB! i will def consider your suggestion and i will def keep posting their pics to share with you guys~ ;;)
刪除阿V, 你唔講由是可, 真係又幾似劉德華喎, 真搞笑!!!
回覆刪除試吓三隻鼠鼠一起合照, 唔知有冇難道啦呢!!
依張側面已經無咁似嘞! 佢正面仲加似劉德華呀!! 感覺怪怪地......
刪除唔可以三隻鼠鼠一齊合照，McHamHam + 棉花糖係成年熊仔鼠，Mr. Buttons 係另外一個品種，唔可以放埋一齊啊~
此留言已被作者移除。
回覆刪除哈哈哈~~~ mchamham食飽個樣好cute呀~~~
回覆刪除McHamHam 真係好鬼為食! XDDD
刪除近來成日睇到妳三隻倉鼠心思思攪到我都好想養.....
回覆刪除McHamHam實在太可愛!
養唔養要認真考慮清楚! 唔好只係貪得意貪佢地可愛就一時衝動，要記住決定養佢地都係一個責任啊!
刪除