農曆新年 - 素蘿蔔糕

Mr.T 阿姨本身唔係食素，
但蘿蔔糕就只食素既蘿蔔糕，
依個version 特別為佢而做~
其實做法大致上同葷既蘿蔔糕相同，
只係配料 + 調味料上有少少分別!


1. 白蘿蔔2斤(約1200克); 粘米粉85克; 鷹粟粉95克; 清水約300毫升。


2. 冬菇和菜脯各適量 - 冬菇浸軟後搾乾水份切粒; 菜脯浸洗一會免過鹹，瀝乾後切粒備用。

3. 蘿蔔去皮後刨成粗絲。

我部BOSCH kitchen machine 買咗3年多，
一直只用過來打麵糰打蛋白打忌廉，
今次第一次用刨絲功能來刨蘿蔔，
要摷返說明書出來先知點用......

終於攪掂! 兩大條蘿蔔，3分鐘就變成大盆蘿蔔絲，
唔洗人手刨到手軟! 正~ ❤


4. 燒熱少許油，下冬菇粒和菜脯粒炒香，用少許糖調味，盛起備用。

5. 下蘿蔔絲炒熟，保留蘿蔔絲出的水。

6. 熄火，將粘米粉和鷹粟粉篩勻，加入蘿蔔絲內拌勻，一邊拌一邊加入適量水份，拌至完全勻循無乾粉。


7. 加入先前已炒香的冬菇粒和菜脯粒拌勻。(預留少許冬菇和菜脯粒作裝飾糕面!)


8. 以胡椒粉、糖和香菇調味粉調味。

香菇調味粉


9. 糕盆先掃上一層油，將蘿蔔糕混合物倒入糕盆內，抹平糕面。


10. 蒸約45分鐘至1小時，取出灑上素肉鬆和預留的冬菇粒菜脯粒，再灑上少許蔥花即成。

素肉鬆 (黃豆製品) 

P.S. 依個係素蘿蔔糕食譜，唔係"齋蘿蔔糕"食譜! 
齋既定義除咗唔食一切來自動物既食物(葷)，
亦唔會食五辛 - 即大蒜、小蒜(蕎頭)、韭菜、洋蔥 + 蔥~
所以如果食齋的話，記住唔好落蔥花啊!
若想有點點綠點綴賣相，可改為用芹菜粒~