2009年5月31日星期日

白白滑滑杏仁糊


最近天氣越來越熱,今個weekend 仲熱到痴哂肺!!!

除咗搞到我冇胃口食正餐之外,仲令我口味變到好怪異......繼上個weekend 食雪糕; 今個weekend 我竟然發神經想食杏仁糊!!! 當然係少甜果隻啦~~~~


2009年5月29日星期五

二人世界牛腩瀨 - 2009年5月29日 (附食譜)



柱侯牛腩瀨粉

星期二(5月26日)睇新聞話巴黎落乒乓波咁大粒既冰雹; 其實果日傍晚老公放工時打電話比我,同佢傾緊計時,我地依度都有落冰雹! 不過就冇巴黎果d咁大粒~

而且好奇怪 - 落冰雹時好好太陽喎,而且老公當時已喺屋企附近,不過老公話佢果度冇落......


2009年5月27日星期三

超超超級卡哇伊既小北京犬~~~~

老公喺YouTube 睇到依段片後show 我......我忍唔住大叫~~~~~

佢實在太太太太可愛嘞!!!!!



 "邊個夠我cute???" 連恰眼瞓都恰得搞笑過人~~~

P.S. 老公話Janet 6月尾陪佢爸爸去旅行,所以想我地幫手照顧Bonnie 一星期~ 我又可以見到Bonnie  嘞!!! 



2009年5月26日星期二

奶奶表演...有驚無險~ (2009年5月25日)

尋日(5月25日)係英國公眾假期,99既"粵鳴曲藝社"又有表演~ 今次地點係Glasgow Mitchell Theatre,全家都有去捧場,因為今次既表演係慶祝"粵鳴"十三週年!

我 + 老公例牌去做攝記~ 今次我地仲2人身兼3職 - 攝錄師、攝影師 + 錄音師......其實現場已有專業攝錄師 + 攝影師,所以我 + 老公當然係業餘果隻啦 - 因為總共有6個演出劇目,而我 + 老公只集中影99有份演出果2個劇目!


2009年5月24日星期日

沒有忘記‧不會忘記...感謝妳, M~



M,

轉眼又一年...今日去探妳時,R不經意地講咗句: 咁就過咗6年......係啊~ 原來妳走咗已經6年......

依6年以來,我時時都會想起妳! 尤其係聖誕節......有一年平安夜其他朋友都去clubbing 慶祝,而妳 + 我都想過一個寧靜既平安夜,於是妳來我屋企一齊整壽司,傾計傾天光......對我來講係妳我之間一個好重要 + 美好既回憶啊! 我經常都會想...如果妳冇離開,而家會點呢?

6年前果一刻我真係好心痛 + 嬲妳嬲得好緊要! 我一時衝動之下將妳我既合照 + 妳寄比我既信全部揼哂,只保留咗僅有依一張~ 相裡面既妳 + 我都笑得好開心...而家真係好後悔當時既我咁衝動......

6年後既今日,我已經完全唔嬲妳~ 我好想同妳講一句"多謝"! 多謝妳令我變得堅強; 多謝妳令一班好朋友都學懂珍惜眼前人; 我一直好感激妳離開前曾經為我所做過既一切...只係我一直冇機會同妳講; 感謝妳 + 我可以成為好友~ 我相信我地既友誼係一世......

J 8月要結婚嘞~ 今日J唔得閒來探妳,所以冇機會同妳講.....妳要保佑果日有好天氣啊!


Party at The Palace 1503 - Linlithgow Palace (2009年5月24日)

老公唔知點搵到Linlithgow Palace 一連星期六、日兩日,有一個慶祝蘇格蘭歷史既festival - Party at The Palace 1503~ 本來想尋日去既,不過尋日太遲起身!  

所以今日(5月24日)先去......


 原來依個festival 好多人去! 好彩我地早到啫,如果唔係冇位泊車......

Bar Leo@ Linlithgow - 意大利菜 (2009年5月24日)

今日(5月24日)一早去探完好朋友後,就同老公去咗Linlithgow 參加當地一個festival~ 我地未去過Linlithgow,於是只喺街上是但搵間餐廳食午餐......

 經過Bar Leo 門口,初時仲以為係間bar~ 不過睇真d門口既餐牌,先知原來係間意大利餐廳!

Wagamama@ Silverburn (2009年5月23日)

一向食開Wagamama 都係喺Glasgow city centre 果間......

尋日(5月23日)去Silverburn 行街~ 平時去親Silverburn 都會去食YO!Sushi,不過尋日天氣好凍唔想食生冷野,想食熱辣辣既食物 - 咁最好食湯麵嘞! 喺Silverburn 冇其他選擇......所以就去食Wagamama~~~~

 我又係order 例牌既Wagamama Ramen......

2009年5月22日星期五

二人世界三餸一湯 - 2009年5月22日 (附食譜)



雞蛋蕃茄免治牛肉湯; 四川口水雞; 豆豉鯪魚炒蛋 & 上湯燴蠔菇扒黃芽白

真係慶過火屎!!!!!!!!!! YBlog 又知搞過乜鬼野? 連續幾日乜都唔work......我又收唔到網誌回應通知嘞!!!!!!!!!!

真係開始嬲到有少少麻木.......

襯住YBlog 又廢廢地,叠埋心水比心機換季! 執衫執鞋執足成個星期,連飯都冇煮......如無意外應該執埋weekend 就搞掂~ 可惜今個weekend 周身唔得閒!!!!

OMG! 一執開野先發現自己唔等洗既身外物多得驚人~~~~~ 除咗一大堆衫、手袋、鞋、書之外......買咗未開未用過既化妝品 + 護膚品,足足有一大紙皮箱!!! 原來我成日買既野,都只係我想買,而唔係我需要買! 真係有種好內疚既感覺......

四川口水雞


"口水雞"又名"怪味雞"~ 係四川名菜! "口水雞"名稱既由來,係指惹味令人流口水之意~

上湯燴蠔菇扒黃芽白


依個餸係V媽媽同麻雀友飯局食過既一道菜,佢自己複製成功後,再教我煮既! 原來版本係用娃娃菜,不過我買唔到娃娃菜,所以用黃芽白代替......

豆豉鯪魚炒蛋


依個餸係我睇"珠光寶氣"啟發出來既~ 高長勝煮過比康雅言食既!

2009年5月18日星期一

想搵果樣冇果樣......冇搵果d就買哂返屋企!

啱啱過咗既weekend,去咗2間TK Maxx + Debenhams 搵我心目中既grill pan,不過仍然未搵到啱我心水! 一係太大; 一係太細; 一係手柄太長阻訂; 一係坑紋唔夠深~ 心思思真係想買隻Le Creuset......不過太鬼重!!!

其實我都唔急買新grill pan 既~  只係行開街時咪順便睇吓有冇合心水囉! 反正最少仲有2間TK Maxx 我未check,仲有M&S, House of Fraser......等我慢慢睇啱先買都未遲既!

特登搵一樣野時,多數唔會搵到; 到你放棄唔再搵時,又會突然發現果樣野其實好易搵到......


早排我想搵既黑色長身cardigan,終於比我喺Primark 搵到嘞! 雖然只係中袖......不過好過冇啦!

昆仲軒任食打邊爐 (2009年5月17日)


依排唔知點解好想食打邊爐! (真係痴痴地~ 最近天氣開始熱先想打邊爐......) 其實上個再上個星期日(5月3日)已經喺昆仲軒打過一次邊爐,不過果日餓鬼上身,掛住食唔得閒影相!

二人世界快手焗Pasta - 2009年5月16日 (附食譜)



蘑菇雞肉蕃茄忌廉汁焗意粉

一向weekend 我都好少煮飯,多數出街食,一係叫外賣......

2009年5月16日星期六

孖人牌!!?! 單人牌??!? (2009年5月16日)

今日去TK Maxx 睇吓有冇合心水既grill pan......


喺廚具部比我見到依個同"孖人牌"非常相似既牌子 - "單人牌"!!!

2009年5月15日星期五

二人世界食極唔厭煎牛扒 - 2009年5月15日 (附食譜)



煎牛扒 & 迷迭香烤馬鈴薯

最近好似患咗"瘋牛症" - 狂想食!

Roast Potatoes with Rosemary (迷迭香烤馬鈴薯)


2009年5月14日星期四

二人世界的三餸一湯 - 2009年5月13日 (附食譜)



猴頭菇粟米紅蘿蔔湯; 蠔油炆雞翼; 勝瓜炒肉片 & 菜芯炒魚蛋

好似好耐有煮過3餸1湯,所以尋晚我煮得開心,老公食得又happy~~~

猴頭菇粟米紅蘿蔔湯


勝瓜炒肉片


蠔油炆雞翼


2009年5月13日星期三

限量版~ (2009年5月12日)


乜鬼野咁巴屎閉係限量版????  

又有冇傻人會買呢????

二人世界煎牛扒 - 2009年5月12日


本來尋晚唸住煮飯,不過V媽媽晏晝打電話來吹水傾晏咗冇時間去買餸,所以等老公放工返來後一齊出去Asda~

2009年5月12日星期二

二人世界快手意粉 - 2009年5月11日 (附食譜)



現成意粉汁超快手蘑菇雞肉意粉

我廚房有3個櫃用來放可以儲存長時間既食物......

2009年5月11日星期一

Clive Ramsay@ Bridge of Allan (2009年5月10日)


去湖區遊完車河後,就同老公去咗Bridge of Allan 既Clive Ramsay 食晚餐! 以前老公喺Bridge of Allan 返工,間中會去Clive Ramsay 食飯......

Stirling 湖區半日遊 (2009年5月10日)


天氣超好~~~ 去Dobbies 買完野,就同老公遊車河! 記得舊年夏天同老公去玩Go Ape,場地附近有一片好靚既草地生滿blue bells......於是我向老公提議去返果度 - Aberfoyle~

Dobbies Garden Centre (2009年5月10日)

星期六大風大雨; 星期日一起身見天放晴,心情即時超靚靚~~~~

之前老公買返盆新既rosemary 比我,不過新依盆大過舊果盆好多,所以舊既白色花盆唔啱size......

 於是星期日就去咗Dobbies Garden Centre 買返個新花盆! 順便睇吓我仲想買咩香草~

Ashoka@ The Quay - 印度咖喱 (2009年5月9日)

英國天氣真係short short 地!

上星期去朋友屋企燒野食時就鬼咁好天,仲成20C~ 點知剛剛過去既星期六(5月9日)又大風又大雨,仲一跌就跌到得返5C!!!

不過一路落雨一路有太陽果下先吹脹......

上星期攞咗部電腦去整,星期六去攞返部電腦後,老公話想食咖喱,於是去咗Ashoka at The Quay......

  幾豐富! 食完真係飽到上心口~~~~

2009年5月8日星期五

母親節快樂~

來緊既星期日就係母親節嘞~ 好可惜我唔可以同V媽媽一齊渡過......

 不過老公好有心~ 佢親手整咗張好靚既母親節咭比V媽媽! 同99果張一樣架~

2009年5月7日星期四

暫時受控制既購買慾

最近行街成日見到好多好靚既刀叉set~~~
有好幾次好有衝動想買咗佢地返屋企! 不過每次我都好叻,及時臨崖勒馬!!!

一來屋企已經有大把刀叉,而家用緊既根本完全冇問題......

 最主要係屋企已有一套只用過幾次既44 pieces Oneida!

二人世界的encore 雞皇飯 - 2009年5月6日 (附食譜)



白汁雞皇飯

徇老公要求尋晚再整多次白汁雞皇飯! 睇來老公真好鍾意~~~~~ 今次我醒水嘞.....再煮大煲d,所以有食剩今日晏晝可以做lunch!

2009年5月6日星期三

Cheap Cheap 筍野~

Primark 係愛爾蘭一間大型廉價服裝連鎖店,幾年前進軍英國,喺短短幾年間英國已有開過百分店,而荷蘭、德國、西班牙亦有Primark 連鎖店~ 經常喺街上都可以見到幾乎每人都手抽住一個Primark 紙袋!

Primark 除咗售賣服裝之外,仲有床單、咕臣、毛巾、浴室配件等家用品! 佢地既產品以 款式時尚、選擇多 +  價廉而出名~ 我從來冇見過Primark 有一樣貨品超過£30!

至於質地就見仁見智嘞! 當中有質地好亦有唔好,加上佢地同一時間有太多款式,而且又經常有新貨......所以去Primark 買野,要好有耐心 + 細心慢慢揀先會搵到款式質地都有返咁上下既筍野!

香港暫時仲未有Primark 分店,不過我就曾經喺壹週刊睇過,有一間樓上小舖喺英國買Primark 既貨,放喺店裡面售賣,但價錢就以倍數上升!

 今個星期買咗2件衫 + 2 對鞋~

二人世界雞皇飯 - 2009年5月5日(附食譜)



白汁雞皇飯

早幾日喺超市買咗盒叮叮chicken supreme & rice,覺得幾好食,正唸緊 - 不如我又自己試吓煮咯~ 轉個頭有位網友又問我識唔識整! (又會咁鬼啱既~~~ )

Related Posts Plugin for WordPress, Blogger...