煎牛扒 & 迷迭香烤馬鈴薯
最近好似患咗"瘋牛症" - 瘋狂想食牛肉症!
棵rosemary 生得好鬼茂盛~~~ 係時候要用緊d嘞! 依餐本來想買大舊牛肉來燒，再煮個迷迭香紅酒肉汁......不過去到超市先醒起今日原來係星期五 - 通常星期五Beef Rib Joint 好鬼快賣哂! 去到Asda 真係一舊都冇......唯有又來煎牛扒啦!
我係"飯人"來 - 就算唔食白飯，都一定要碳水化合物落肚~ 最近食親牛扒都係配炸薯條......今餐唔想咁鬼熱氣，改為烤薯仔啦!
喺英國通常食大舊燒牛肉先會用gravy; 而煎牛扒多數只會簡單地用海鹽 + 磨碎黑胡椒來調味，唔會配醬汁~ 其實只要係靚牛肉，咁簡單既做法反而更加能夠突出牛肉既原汁原味!
煎牛扒幾乎完全冇難度! 不過要煎得有靚靚樣既話，有幾點就要注意......
- 煎牛扒前先用廚房紙印乾血水;
- 如果想煎到有餐廳級數既靚樣外表，最好用有坑紋既grill pan~ 用坑紋比較深既grill pan，效果會更突出;
- 用油掃喺牛扒表面掃上一層油份，再放入冇加油白鑊燒熱既grill pan 來煎~
不過最近煎得多牛扒，覺得屋企用緊既Tefal grill pan 坑紋唔夠深! 聽日要去物色個新grill pan 先~~~~
Roast Potatoes with Rosemary (迷迭香烤馬鈴薯)食譜click here~
我是牛迷！出去吃西餐多數點牛扒類！
回覆刪除其實只要係靚牛肉，咁簡單既做法....
同意你說，我都係咁煎嚟食！不過冇你個 迷迭香烤馬鈴薯！
[版主回覆05/17/2009 02:20:00]咁妳下次再煎牛扒時，可以試吓依個烤薯仔!
我都係瘋牛症後群,不過我老爺又唔食牛,同埋我依邊附近冇靚牛扒買,要買既話就要去Costco先買到,好唔方便....以前係香港,我媽咪唔食牛肉,但佢都會煮俾我食,都係媽咪最好!!!
回覆刪除[版主回覆05/17/2009 02:17:00]原來台灣都有Costco 架? 我地依度都有，佢地多數係大批咁買，所以d野好平! 其實台灣有CitySuper 架，CitySuper 應該都有靚牛肉賣~~~~
我都係牛迷嚟嫁.
回覆刪除[版主回覆05/17/2009 02:14:00]不過妳唔鍾意英國牛喎~~~
我好鐘意食焗牛呀, 不過我係有d變態, 我食牛一定一定要好煮, 同我好鐘意食好 un. 我見到有d blood都唔想食
回覆刪除[版主回覆05/17/2009 02:06:00]咁又唔係變態既~ 每人口味唔同啫! 但Gordon Ramsay 實話妳浪費~~~
不過我買開果種beef rib joint，就算燒到全熟肉質都唔會tough 架!
睇完天日又想食牛扒 TIM
回覆刪除[版主回覆05/17/2009 02:02:00]咁快d去買牛扒啦!
用 le creuset 既 grill 去煎, 勁正!
回覆刪除[版主回覆05/17/2009 02:01:00]好靚~ 不過其實要煎到咁既效果，又唔一定要用le creuset 既! 基本上一般坑紋比較深既grill pan 都可以做得到~~~~
哈哈! 又有籍口去買廚房野~~
回覆刪除等你既好介紹~~~~
[版主回覆05/17/2009 02:54:00]我一向買任何野都係想買就買，唔需要籍口果喎!
HK 好少夠深坑既 grill 賣 ga. 最奇怪既係易潔鑊 grill, 易潔鑊唔可以過 220C, 都唔知點用來煎牛扒
回覆刪除HK 有深坑既唔平, le creuset 呢個只係 4xx, 所以即買.
[版主回覆05/17/2009 02:51:00]可能香港人食牛扒冇咁講究一定要用grill pan 啩? 冇咁多demand 咪冇咁多選擇囉! 英國周圍都買得到grill pan~
咁個le creuset 英國同香港差唔多之喎! 依度都係4XGBP~ 不過最近我見做緊special offer - 買煲送grill pan!!! 我早排已買咗個另一牌子既cast iron 煲......如果而家就咁買個grill pan......咁咪好唔抵!!!!!
其實我超鐘意食牛,不過宜家平汮食小咗肉.我係唔鐘意英國無"業"過的炒牛肉,but I still like 牛扒,我喜歡加小小(真係小小)黄介辣食,覺得特別香.
回覆刪除[版主回覆05/17/2009 02:45:00]give me 5~ 我食親煎牛扒又係一定要加英國芥醬! 仲指定一定要英國牛頭牌先夠辣!!!!
妳喺中國地方食炒牛肉冇醃過呀? 煮中式就緊要醃啦! 我自己炒牛肉都會醃架~~~~
無錯,就係英國牛頭牌黄介辣啦,想起都留口水呀
回覆刪除[版主回覆05/17/2009 05:52:00]依隻芥醬最好食最出名!
嘩...又黎牛扒.....你真係勁....
回覆刪除[版主回覆05/17/2009 05:51:00]方便吖嘛!
係呀....我之前o係英國都有去Costco,次次去都會買樂家幸仁糖!台中冇City Super架,所以買既話會去costco或者御毛屋買...
回覆刪除[版主回覆05/17/2009 18:17:00]哦~ 原來台中冇CitySuper 既!
我未見過深坑紋GRILL PLAN, 用佢嚟煎完真係靚好多喎!
回覆刪除就算塊牛扒有幾靚, 我都係鐘意有黑椒汁嘅牛扒架!
[版主回覆05/18/2009 03:31:00]le creuset grill pan 坑紋咪深囉!
我反而覺得靚牛扒用黑椒汁會嘥咗塊牛扒......港式果種黑忟忟既黑椒汁，係中國人先會用! 除非我用來配意粉啦，如果只食扒我都唔會整黑椒汁!
坑紋GRILL PLAN煎既牛扒靚呀！
回覆刪除[版主回覆05/18/2009 03:28:00]我而家用緊既Tefal grill pan 都有坑紋架! 不過坑紋唔明顯之嘛，所以想買過個新既grill pan~~~~
就算去酒店食牛扒, 佢吔都係無汁架, 雖然都好食, 但我都係鐘意食有汁, 我最鐘意食LAWRYS嘅牛扒囉, 係我鐘意嘅肉質同汁!
回覆刪除[版主回覆05/18/2009 17:39:00]牛扒一向都係應該唔配汁既，除非扒皇之皇果隻......而燒牛肉應該係配gravy~
至於Lawry's......佢地係美式餐廳來......美國人煮任何食物，我都不願置評~~~
就算去酒店食牛扒, 佢吔都係無汁架, 雖然都好食, 但我都係鐘意食有汁, 我最鐘意食LAWRYS嘅牛扒囉, 係我鐘意嘅肉質同汁!
回覆刪除好正咁喎,仲要有"烤薯",真係聰下都想食
回覆刪除[版主回覆05/18/2009 17:30:00]鬼咩~ 妳都唔食牛肉!!!
係咩... 但Lawry's嘅牛扒我真係好鐘意食架, 基本上佢樣樣野都好食, 反而啲人話喜來登酒店裡食扒好出名個間(唔記得叫咩名), 話外國都有分店個間, 我又唔係咁鐘意喎!
回覆刪除[版主回覆05/19/2009 19:14:00]我唸每樣野都會有人鍾意 + 有人唔鍾意~ 出名既店亦唔代表一定好食......
美國係全世界最冇飲食文化既地方，所以我一向對美式餐廳冇乜好感!
牛扒..正呀~~
回覆刪除不過唔點汁,會唔會好齋咁架?
[版主回覆05/25/2009 10:33:00]其實靚既牛扒點汁反而會嘥咗塊扒! 濃味既汁會蓋咗靚牛肉既原味~ 我初時來英國都唔習慣冇黑椒汁既食法......後來愛上咗依種原汁原味~ 依種滋味喺香港既餐廳比較少食得到!
我整D牛好UN~定係本身牛Un?有人話整牛（特別係牛腩）用梳打粉醃醃WOR~整過幾次都UN~都吾敢再整LU
回覆刪除[版主回覆06/02/2009 02:28:00]吓? 牛腩都落梳打粉??? 我真係未聽過......
個人覺得牛肉靱唔靱，主要係牛肉本身~ 因為我試過去唔同超市買相同部份既牛肉，肉質有好大分別!!! 不過同時我覺得烹調方法都好有影響.......我好少用梳打粉~ 除非想整到同茶餐廳一樣口味啦!
至於牛腩，唔好選全瘦既，最好脂肪 + 肉相間，炆2小時以上，一定鬆化唔會靱~~~