依排唔知點解好想食打邊爐! (真係痴痴地~ 最近天氣開始熱先想打邊爐......) 其實上個再上個星期日(5月3日)已經喺昆仲軒打過一次邊爐，不過果日餓鬼上身，掛住食唔得閒影相!
尋晚食咗好多野......
仍然覺得暫時喺Glasgow，昆仲軒既任食打邊爐最好，因為多選擇! 不過......
- 冇我 + 老公至愛既冬蔭湯底;
- 冇我鍾意既豆腐 + 烏冬麵! (打邊爐點可以少咗依2樣架?????);
- 星期日晚飯時段都幾多人! 撞口撞面好多姨媽姑姐......
2009年5月18日星期一
昆仲軒任食打邊爐 (2009年5月17日)
依排唔知點解好想食打邊爐! (真係痴痴地~ 最近天氣開始熱先想打邊爐......) 其實上個再上個星期日(5月3日)已經喺昆仲軒打過一次邊爐，不過果日餓鬼上身，掛住食唔得閒影相!
尋晚食咗好多野......
仍然覺得暫時喺Glasgow，昆仲軒既任食打邊爐最好，因為多選擇! 不過......
- 冇我 + 老公至愛既冬蔭湯底;
- 冇我鍾意既豆腐 + 烏冬麵! (打邊爐點可以少咗依2樣架?????);
- 星期日晚飯時段都幾多人! 撞口撞面好多姨媽姑姐......
訂閱：
發佈留言 (Atom)
wa!wa!....好正呀,由其係d海鮮 ,蟹同蟶子係咪任食架?請問幾多錢一位?係香港食一定好貴
回覆刪除我都好鐘意飲冬蔭公湯,但就未試過用呢款湯底打邊爐,我多數會選擇醉雞或者藥材做湯底,因為老公比較怕辣,唔知香港邊度有冬蔭公湯底的邊爐打呢???
[版主回覆05/18/2009 21:49:00]所有野都係任食架! 大人每位£15.50 (約$180HKD)，飲品另計~ 喺英國算平......
依間冇冬蔭湯底，但另一間又係任食打邊爐就有冬蔭湯~ 最後放d烏冬落去都不知幾正!!! 其實我老公都唔係好食得辣，不過唔知點解打邊爐佢又鍾意食辣喎? 正怪人~~~
嗚嗚~~ 我每次去昆仲軒都只有眼定定兼流哂口水望住人地打邊爐~~~
回覆刪除皆因我次次去都要陪6299食飯食小菜~~~
[版主回覆05/18/2009 21:53:00]佢地飲茶食小菜都好味呀! 起碼好過chinatown 好多~
咁妳 + 妳老公咪下次撇甩兩老去打返餐飽囉!
好正呀 ..... 特別係D蘇格蘭蟶子皇 ~~~~~
回覆刪除[版主回覆05/19/2009 04:21:00]蘇格蘭蟶子皇好鮮甜架! 仲好出名添~~~~
咦......任食架, 啲野食都幾好咁喎, 我鐘意隻蟹同聖子呀! 個酥皮蛋撻咁怪嘅, 橙色嘅? 南瓜味呀? 我同老公呢期都想去打邊爐, 可能太耐無打, 無過無時間去啦!
回覆刪除[版主回覆05/19/2009 04:24:00]係呀~ 任食架! 依種膏蟹係歐洲先有; 而蟶子皇係蘇格蘭特產~
我都覺得d蛋撻好深色! 不過其實只係普通蛋撻來~ 我估係佢地落多咗整蛋糕既黃色色素......
咦~ 妳又好似我咁 - 天氣熱先開始想打邊爐呀?
OMG!連蟶子生蠔都有真係好鬼抵
回覆刪除[版主回覆05/19/2009 04:27:00]蟶子第二間打邊爐都有架! 不過生蠔就得昆仲軒先有~ 昆仲軒係泗和行旗下，佢地魚檔自己來貨，所以成本平好多!
正,所有麻辣都係my "飛佛"
回覆刪除[版主回覆05/19/2009 04:28:00]麻辣我都鍾意~ 不過唔係我飛佛......
嘩!海鮮呀,好正呀,真係引死人.有咁多嘢食咁個價錢都真係幾抵.烏冬我本身不喜愛,但經朋友介紹了一款在沙田買的冰烏冬,竟然好好味,煮多久,都仍然很滑,自此,我在家打邊爐都一定會食.
回覆刪除[版主回覆05/19/2009 04:31:00]我始終都係覺得香港打邊爐好味好多! 只係依度有得食都唔會咁阿之阿左~ 係近幾年先有咋! 我初來果時邊有依d野食架????
D海鮮唔錯幾低食, 我以前覺得在Glasgow食中國餐好貴, 因為十年前去Glasgow食過一餐, 普通一個魚香茄子煲都要成80蚊港紙. 仲要係好普通的酒樓好普通的菜色.
回覆刪除[版主回覆05/19/2009 04:34:00]我初來時都嚇一跳 - 全英國乜野都好貴! 而且好少選擇......近幾年咪好咗好多囉! 而家連烏頭都有得賣~~~
田雞都有@@" 唔知以為你係香港唷"""""
回覆刪除[版主回覆05/19/2009 05:20:00]哈哈~~~ 急凍野來架咋!
langoustine 係生定熟咖???
回覆刪除[版主回覆05/19/2009 16:01:00]係生架~ langoustine 好得意，佢地生or 熟，或者生猛游緊水都係紅色架!
見到你打邊爐我就想食肥牛，係喎點解唔見你食肥牛？
回覆刪除[版主回覆05/20/2009 04:43:00]佢地冇肥牛呀! 牛肉就有~ 因為除咗有打邊爐之外，仲有任食燒烤，都係攞同樣既食物!
正呀, 又抵食, 港人做老板都似
回覆刪除[版主回覆05/20/2009 17:48:00]我唔知老闆係咪香港人呀? 不過昆仲軒係英國最大華人超市集團 - 泗和行旗下既食肆~ 佢地本身超市部份都入好多肉類 + 海鮮既貨，我唸咁可以降低任食打邊爐成本!
係英國就算抵食，但始終點都係香港抵食 + 多野食好多 + 好味好多!
好正喎！啲野好新鮮！攪到我好想食添！我好鍾意打邊爐但係好耐冇去食囉。多數都喺屋企食。
回覆刪除[版主回覆05/23/2009 07:14:00]我反而鍾意出街打邊爐! 唔洗己洗洗切切又唔洗洗碗! 不過喺屋企打邊爐會買龍蝦囉......
妳大熱天時打邊爐都唔係好痴啫,大把香港人都陪妳癲啦........
回覆刪除果碟涼菜,我睇到都想食呀,仲有就係果隻蟹,蟶子皇,生蠔都真係好好好吸引咁喎
[版主回覆05/23/2009 07:18:00]香港點同呢? 香港度度都有冷氣嘛! 一年四季都打得啦~~~~
影得你兩公婆 好似主持緊飲食節目咁呀 haha~
回覆刪除[版主回覆05/23/2009 07:19:00]得相之喎.....最多都係似飲食雜誌記者!
咁岩呀...星期日我都走左去大邊爐....其實現在打邊爐都無分冬天還是夏天了...想打咪去打囉...即興吖麻....
回覆刪除HKD180都吾算貴吖...有咁多海鮮食....澳門任食通常係$78一位..但就無海鮮食...又無甜品食架...你又有蟹又有蠔又有聖子...仲有飯後甜品..超值啦.....
[版主回覆05/23/2009 07:20:00]原來咁叫做抵架嘞? 我始終都係覺得香港多好多野食......
I like hotpot
回覆刪除[版主回覆05/23/2009 07:21:00]
I like hotpot
回覆刪除v你唔指煮野食叻,搵野食都好叻呀,lee個火鍋又平又吸引..可惜我冇機會再去英國...
回覆刪除[版主回覆05/25/2009 10:24:00]我始終覺得食乜都係香港最好食 + 最抵食~~~
I like eating out too cuz of more varieties but going to restaurants like this with two monkeys is uneasy. So that's why we've been eating at home.
回覆刪除