M,
轉眼又一年...今日去探妳時，R不經意地講咗句: 咁就過咗6年......係啊~ 原來妳走咗已經6年......
依6年以來，我時時都會想起妳! 尤其係聖誕節......有一年平安夜其他朋友都去clubbing 慶祝，而妳 + 我都想過一個寧靜既平安夜，於是妳來我屋企一齊整壽司，傾計傾天光......對我來講係妳我之間一個好重要 + 美好既回憶啊! 我經常都會想...如果妳冇離開，而家會點呢?
6年前果一刻我真係好心痛 + 嬲妳嬲得好緊要! 我一時衝動之下將妳我既合照 + 妳寄比我既信全部揼哂，只保留咗僅有依一張~ 相裡面既妳 + 我都笑得好開心...而家真係好後悔當時既我咁衝動......
6年後既今日，我已經完全唔嬲妳~ 我好想同妳講一句"多謝"! 多謝妳令我變得堅強; 多謝妳令一班好朋友都學懂珍惜眼前人; 我一直好感激妳離開前曾經為我所做過既一切...只係我一直冇機會同妳講; 感謝妳 + 我可以成為好友~ 我相信我地既友誼係一世......
J 8月要結婚嘞~ 今日J唔得閒來探妳，所以冇機會同妳講.....妳要保佑果日有好天氣啊!
唔好太唔開心啦...我都明白你的感覺...
回覆刪除因為我都有一個朋友都係咁...去左一個好遠ge地方...
[版主回覆05/26/2009 18:26:00]我冇唔開心啊~ 我只記住同佢開心既回憶! 只係每年5月我都會有少少感觸啫.....
(Empty)
回覆刪除雖然我唔識你地,但睇你寫既野,我都有種心痛+傷心既感覺!!
回覆刪除人唔響度,就會成日掛住,珍惜眼前人真係好緊要,
[版主回覆05/26/2009 18:25:00]佢永遠都會喺我心裡面!
回覆刪除hi 午安...多謝您常來探訪和祝福...主內平安願天父既慈愛,聖靈既感動,常與我們同在,直到永永遠遠...亞們。
[版主回覆05/25/2009 18:53:00]你係咪有精神病? 我冇信任何教，根本從來冇去過你果度! 你多咩謝我常來探訪呀? 係咪想小編輯剷走你個blog 呀?
咁快又一年了..記得上年你係BLOG入面都提起過這位朋友...講得岩珍惜眼前人...
回覆刪除[版主回覆05/26/2009 18:22:00]咁多年來我從冇忘記過佢! 佢把聲佢個樣 + 佢對我講過既說話，對我來講都好似係上星期發生既事來.....
不過每年一到5月我就會down down 地~~
以前最最初讀你個blog既時候, 你提過M, 我有一剎以為, M 是我老公的表妹......
回覆刪除因為六年前, 她自殺了! 但後來我當然知道, 只是個不幸的巧合已~~
願她們在天國能得到安寧........
[版主回覆05/26/2009 18:20:00]我前後只喺blog 提起過M 3次~ 而且當我提及其他人 + 事時，我會用只我自己睇得明既代號....唔知妳係點figure out 只係巧合呢?
你同佢咁好朋友, 究竟六年前時嬲咗佢啲乜, 要掉曬你吔嘅相同信? 睇你啲文字我感受到係一段好真摰嘅友情, 佢離開咗, 我都鄧你感到好唔開心。
回覆刪除[版主回覆05/26/2009 18:14:00]我之前嬲佢乜唔重要，因為我已經唔再嬲佢~
唉! 好老實講, 六年前會有幾多個住晌Scotland 既中國後生女過身呢?
回覆刪除所以當你去年提起M已過身五年......我即時想起我老公既表妹咯!
[版主回覆05/26/2009 21:58:00]學妳話齋 - 6年前有幾多個住响蘇格蘭後生女過身? (不過我冇聽過關於妳老公表妹既事! 當然妳可以話蘇格蘭咁大，我未必會知~ 但基本上依度d人傳野傳得好快!)
因為我提起M，所以妳唸起妳老公表妹都好合理; 只係後來妳又點知道M唔係妳老公表妹，而只係一個巧合得咁緊要既巧合?
無邊的思憶不遏止...
回覆刪除別太難過～
[版主回覆05/27/2009 01:24:00]我冇難過啊! 放心~ 只係有少少感觸啫......
可以同你做到朋友係好幸福，因為你係一個重情義既人
回覆刪除我覺得你同我一樣對朋友都好真！
[版主回覆05/27/2009 01:23:00]多謝妳~ 但我又唔敢講同我做朋友會好幸福......我係一個只要對方對過我好，我會一世都記得 + 感激對方!
touching.....
回覆刪除時間真係過得好快 , 但作為朋友 , 她一定會好高興 , 因為你每年這日子都記起她 , 探她 .......
回覆刪除[版主回覆05/30/2009 18:20:00]雖然佢走咗咁耐，但咁多年來我地圍內一班朋友習慣每年佢生忌 + 死忌都會去探佢~~~