2008年8月28日星期四

壓力煲問題~ 請大家幫幫手.....


依個壓力煲我已經買咗超過1年~ (可能有2年添!) 不過我一次都未用過! 所以仲keep 住個盒........唔係唔想用,而係唔知點用!!!! 睇完說明書,完全冇頭緒~ 因為聽過人講用得唔正確會爆,所以擺埋咗一邊到而家..........


韓國 - 自製泡菜 (Kimchi)


二人世界的二餸冇湯 - 8月27日 (附食譜)



自製脆皮燒肉 & 蠔油灼菜芯

尋日老公開會早放工,3點零鐘就返咗屋企~ 其實佢開親會我都知佢會早返,不過冇預佢尋日咁早! 我計劃好尋日要燒燒肉、醃泡菜 + 煲湯~ 但老公一返到來就打亂哂我計劃! 佢會得閒就走入廚房搞亂我檔攤,騷擾我.............


壞消息

啱啱睇到Yahoo 既回覆 - 佢地話刪除咗相簿垃圾桶裡面既相就冇得救嘞!  有d相冇咗冇辦法......唯有等我得閒時補得幾多得幾多啦.........

不過我真係覺得佢地個系統超戇居!!!!

- 要刪除某相簿,先要刪除該相簿內所有相,但要再去相簿垃圾桶刪除相片,先可以刪除相簿~ 如果只空白該相簿而嘗試刪除相簿,只會彈出一個無稜兩可既error message "輸入不正確",又唔話你知係乜"不正確"! - 我唔明點解刪除相簿要去相簿垃圾桶刪除相片? 空白咗個相簿已經夠啦! 我覺得好多餘囉~~~

- 網誌用咗相簿內既相,若從相簿刪除該相片,網誌內仍然可見該相; 若在相簿垃圾桶刪除該相片,Yahoo 就話網誌內相片同樣會被刪除 - 我就係因為咁所以冇咗咁多相! 但好奇怪,雖然佢地話"網誌內相片同樣會被刪除",但我有小部份相就仍然喺度囉! 我完全唔知點分喺度 / 唔喺度? 仲有,如果刪除相片會連網誌內相片一齊刪除,點解只係清除相簿垃圾桶先會有咁既情況??? 從相簿刪除就冇事??? 又係多餘既!!!!

- 若你地有問題問Yahoo,佢地只會好行貨咁答你! 最叻就係比條link 你去佢地果使用方法blog 度自己睇! 我有問過佢地"係咪連網誌內相片都要清除,先可以清除相簿?" 但佢地完全冇回答到依個問題!!!!

好彩我冇清除到煮野食d相咋! 不過清咗我都有存底既......但出街食野既食物相就好多都冇咗.........冇計啦~ 補得幾多得幾多啦! 各位blog 友都要小心d呀!!!!

2008年8月27日星期三

大大鑊!

今次真係大大鑊!

話說我發手痕走去搞吓個相簿分類,覺得太立雜,於是我就想delete 咗某d相簿分類,於是我delete 哂某相簿內既相,但都delete 唔到相簿分類喎~ 咁我就去問Yahoo 服務中心啦..........

佢地回過我2次都只係話 - 先delete 咗相簿內照片,再去"垃圾桶"清除多次,然後先至可以delete 果個相簿分類~ (what a stupid system!!!!) 不過佢地冇講明係管理相簿裡面既垃圾桶,只係講"垃圾桶"! 所以我不停check 主頁垃圾桶,當然唔見有相啦........

咁我reply 佢地話唔見垃圾桶裡有相,同時問咗一個問題 - "我有某d 網誌用咗已delete 咗既照片,但網誌內仍然睇到照片,洗唔洗連網誌裡面的照片都delete,先至可以清除相簿分類?" - 但佢地冇答我依個問題!

當我知道原來係去相簿垃圾桶清除時,我就先試delete 其中一張相,再去返果篇網誌check 吓 - 仲喺度喎! 咁我就以為就算清除咗相簿垃圾桶裡面既相,網誌內既相仍然會喺度....所以我就就一次過清除哂所有相!!!

跟手我就發現 - 我有好多網誌內既相冇咗!!!!  但有小部份又仲喺度喎! 我完全唔知佢地點"決定"喺度定唔喺度??? 如果佢地一早話我知連網誌內既相都會冇埋,先可以清除相簿分類既話,咁我就唔搞咁多野啦! 我志在只係清除相簿分類,唔係清除d相!!!!!!!

而家都唔知點算? 因為我有好多無聊相冇存底架......啱啱再email 咗佢地,希望仲有得救啦................

2008年8月26日星期二

好鬼可愛既廣告 (8月25日)


尋日同老公食完lunch,去咗遊車河~ 喺motorway 度,見到前頭一架咖啡公司既van 仔,佢車身上既廣告超可愛!!!! 車尾有粒有手腳既咖啡豆,渣住茶壺倒走d茶,隔離寫住"We don't do tea"~ (我地唔要茶~) 好串又好有sense of humour~~ 真係好鬼cute!!!

El Sabor - 西班牙tapas (8月25日)

尋日星期一(8月25日)係英國公眾假期,蘇格蘭唔係度度都有得放,但老公就有得放嘞!  連埋星期六 + 日,一連3日假期,我地本來計劃好尋日早d起身渣車去玩...我地好早起身呀,但就天有不測風雲! 落大雨落足一朝,到中午先放晴,太晏去遠d玩咯.......

放晴後好好天,唔想嘥咗一日假期,就去咗Merchant City 既El Sabor 食西班牙野......


 我地叫咗6個tapas: 蕃茄汁煮Chorizo (西班牙香腸), 鹽燒新鮮沙甸魚, 炸魷魚圈配檸檬蛋黃醬, 牛肉球, 吞拿魚配couscous + 炸雞條........


二人世界的燒鴨湯瀨 + 嚇鬼死我既死人蜘蛛! - 8月23日 (附食譜)



燒鴨湯瀨 & 蠔油白灼菜芯苗

星期五(8月22日)一早燒好隻鴨,但老公返到來後,我又突然懶蟲上身唔想煮飯~ 於是星期五晚去咗超市買野食......

Hellboy II: The Golden Army (8月23日)

Image:Hellboy 2 poster.jpg

星期六做完所有shopping,就去咗睇Hellboy II~ 第一集幾好睇幾得意 (不過都好多年前咯!),因為第二集啱啱上戲院,所以早幾晚電視重播第一集,加上見電視第二集廣告好似幾好睇,所以睇前都幾高期望........


Jack McPhee's - 好鬼貴不過真係好好味炸魚薯條 (8月23日)

唸住星期六(8月23日)早起身,食完早餐就去大減價同其他師奶爭買家庭電器用品!! 不過都係比預期中晏咗起身,所以改變策略 - 先買野後食野~~~ 當我 + 老公成功地將1架洗地氈機、1pair 大窗簾布、1個陶瓷煲 + 另外數樣零丁廚房用具搬返去車時,已經接近中午到咗lunch 時間,咁啱行到Jack McPhee's 附近,於是我地去咗食炸魚薯條...............


Jack McPhee's 係Glasgow 一間好出名既炸魚薯條店,店面細小,枱又擺到"密則則",因為位於City Centre,成日客滿,幾乎次次去親都要等一陣先有位! 但通常我同老公幾耐都會等,因為佢地d野真係好食!!!


一般Fish Supper (炸魚 + 薯條),一份只賣£5左右,而Jack McPhee's 收既價錢,僅次於大型炸魚薯條連鎖店"Harry Ramsden's",要£8.XX一份!!!! 雖然收得咁貴,但我覺得真係物有所值!!!


 佢地用既魚係大條新鮮既Haddock 而唔係一般既Cod; 炸粉夠薄又香脆; 炸出來既魚好鮮味好juicy,一d都唔乾!!! 薯條又新鮮熱辣.......貴係有原因既!


2008年8月22日星期五

好想去旅行

香港就打10號風球,但依度就藍天與白雲,照計我應該心情靚靚至啱....但我就好鬼失落呀!!!!

上星期寄鬼走咗個passport 申請居留~ 尋日例牌收到Home Office 既信,循例話妳知佢地收到申請,會跟進....之類~ 以往申請學生簽証延期 + 上次申請婚姻簽証,都係兩個星期左右就搞掂! 佢地既信冇講今次會搞幾耐,咁我就上佢地網睇吓啦.......

早知唔鬼睇!!! 一睇乜心機都冇鬼哂~~~ 我申請既"Indefinite Leave to Remain",有70%申請會喺20個工作天內完成; 90%要70個工作天,98%申請就唔定時 + 可能要約見......咁即係"我 + 老公拍拖9週年紀念日去旅行慶祝" 依個心願泡湯啦..........

完全唔明點解要咁耐時間??? 以前申請學生簽証延期,唔收錢仲即申即有; 今次收咗我£750,竟然要搞咁耐........班人食咗豬油膏做野??????

既然趕唔切拍拖週年...希望趕得切結婚週年啦~~~~~~~~

I'm such an idiot!!!!! (8月21日)


我真係超大意!!!!! 可能第一次用鴨針,技巧唔係好好...尋晚上鴨時,其中一枝鴨針插穿咗出來,就係咁刮花咗個易潔鑊!!!!!!

二人世界炒意粉 - 8月21日 (附食譜)



黑椒牛柳炒意粉 & 蒜茸包

炒好意粉,叫老公分咗佢,我就喺焗爐度攞蒜茸包出來......個傻佬又喺度砌心型!


香草蒜茸包


黑椒牛柳炒意粉


新野 - 辣椒味長通粉 (8月21日)


我好鍾意食pasta~ 基本上任何形狀既pasta 我都鍾意~~~  尋日(8月21日)喺Asda 見到新野 - 辣椒味長通粉~ 初時我係比佢鮮艷既顏色吸引,但我以為係蕃茄口味既通粉,睇真d 先發現係辣椒口味..........


2008年8月21日星期四

二人世界超懶碟頭飯 - 8月20日


本來唸住今晚再整燒鴨~ 所以尋晚特別計劃食懶人餐 - 食飯前去超市買定哂材料,唸住快手食完懶人餐就可以上鴨 + 過夜風乾......點知食完飯準備上鴨先發現 - 我唔記得買米醋!! 

2008年8月20日星期三

二人世界的三餸一湯 - 8月19日 (附食譜)



紅蘿蔔栗子黨參湯; 可樂雞翼; 蒜茸蒸蝦 & 蝦皮炒Spring Greens

好耐好耐冇食過蒜茸蒸蝦,我唸真係有十幾年嘞~~~ 果日喺泗和行見到中蝦好新鮮,就唸起 + 想食蒜茸蒸蝦,咁就買來試吓整啦.....


蒜蓉蒸蝦


可樂雞翼


一點紅


早兩星期買咗既辣椒,放咗喺廚房窗台~ 除咗不停變大棵之外,覺得佢冇乜點變過! 尋日整緊餸,唔覺意立下眼望吓佢...發現萬綠叢中一點紅喎!! (妳睇唔睇到呢? 嘻嘻~~~)


2008年8月19日星期二

二人世界的三餸一湯 - 8月18日 (附食譜)



紅蘿蔔栗子黨參湯; 瑞士汁金菇肥牛卷; 清蒸鹹鮮紅鱲 & 蝦皮炒Spring Greens

依度好少見有新鮮栗子賣,就算有都要等到10月尾萬聖節前後先有,而且好細粒......所以之前煲栗子湯都係用栗子乾,但口感味道都唔得! 早排喺泗和行見到有去哂殼 + 衣既急凍栗子賣,買咗一大包,尋晚第一次用來煲湯,果然好好飲!!!


瑞士汁金菇肥牛卷


為方便"一口一啖",我特別將金菇切半,做成迷你版既金菇肥牛卷~

清蒸鹹鮮紅鱲


蝦皮炒Spring Greens


 "Spring Greens" 係一種一年四季,英國超市都有得賣咗平價蔬菜。依種深綠色既蔬菜含豐富維他命C + 纖維素,口感味道似芥蘭,所以依度老一輩既中國人稱之為"鬼佬芥蘭"~ 蝦皮可以用來炒多種唔同既菜,唔一定要炒Spring Greens!

紅蘿蔔栗子黨參湯


2008年8月18日星期一

鴨針


上星期四整燒鴨,我懶醒以為Tesco 有鴨針賣,點知原來Tesco 果隻係BBQ 針 - 好似把劍咁鬼長! 

2008年8月16日星期六

二人世界的燒鴨湯瀨 - 8月15日 (附食譜)



燒鴨湯瀨 & 油菜


2008年8月15日星期五

二人世界的三餸一湯 - 8月14日 (附食譜)



花生眉豆雞腳湯; 自製燒鴨; 蠔油牛肉 & 白灼小棠菜

繼自製叉燒 + 自製脆皮燒肉後,今次輪到燒鴨! 就黎可以開燒臘檔! 哈哈~~~  


自製燒鴨


蠔油牛肉


2008年8月14日星期四

二人世界的三餸一湯 - 8月13日 (附食譜)



花生眉豆雞腳湯; 吉列豬扒; 豆角炒火腿 & 豆豉鯪魚炒生菜

依餐3個餸都發揮咗我既慳家本領! 吉列豬扒用咗上星期買來整煎肉餅而用剩既麵包糠; 豆角炒火腿用咗上星期用來釀龍穿鳳翼剩返既火腿扒; 而豆豉鯪魚炒生菜用咗早幾食公仔麵時食剩既豆豉鯪魚~~~~~


吉列豬扒


豆豉鯪魚炒生菜


其實應該係用油麥菜既~ 不過依度買唔到油麥菜,但買到豆豉鯪魚...所以我用咗口感同油麥菜相似既"Romaine Lettuce"~~~


花生眉豆雞腳湯


2008年8月13日星期三

二人世界簡單晚餐 - 8月12日 (附食譜)



乾炒牛河 & 油菜

尋晚有太多電視節目要睇~ The Contender:Kickboxer, SVU 新season.....冇乜時間煮三餸一湯! 我唔鍾意一路食飯一路睇好緊張既電視節目~ 寧願食飽飽坐定定,舒舒服服咁睇就最好~~~~~~~

乾炒牛河


白鴿 (8月12日)


尋日晏晝去Asda 買餸,突然身邊有舊黑色野"啪"一聲"跌"落地下! 

2008年8月12日星期二

二人世界的日式晚餐 - 8月11日 (附食譜)



日式咖喱雞; 蛋包飯; 蒲燒沙甸魚 & 豆腐海苔味噌湯

本來依餐應該係上星期五整既! 不過果日掛住睇奧運開幕 + 又要整芝士餅for 第二日星期六比朋友......所以買咗野都冇煮到~~~~~~

日本 - 蛋包飯


日本 - 日式咖喱雞


日本 - 蒲燒沙甸魚


日本 - 豆腐海苔味噌湯


2008年8月11日星期一

又來新鞋......


已經發咗誓好耐話唔再買鞋...不過一直不停咁破戒! 

Related Posts Plugin for WordPress, Blogger...