薏米白果腐竹豬肚湯; 龍穿鳳翼; 洋蔥香草煎肉餅; 白灼芥蘭 & 煲湯豬肚
湯都係果煲; 龍穿鳳翼係V媽媽教我整既，老公一向好唔鍾意有骨 (懶鬼~)，所以啱哂佢;
煎豬肉餅就係我亂來既創作! 之前果晚整節瓜甫用剩低幾多免治豬肉~ 我又記得之前喺電視見過人地整漢堡扒.....估唔到咁好味喎!
老公唔食內臟，不過我食! 本來想用煲過湯既豬肚煮"鹹酸菜豬肚"...不過屋企冇哂鹹酸菜
薏米白果腐竹豬肚湯食譜click here~
龍穿鳳翼食譜click here~
洋蔥香草煎肉餅食譜click here~
我都好耐無整過無骨雞亦... 你老公同我老公真係好似...唔食骨唔食內臟
回覆刪除[版主回覆08/11/2008 20:33:00]唔食內臟都仲可以理解~~
但唔食骨只係因為一個字 - 懶!
雞翼真係正，要好有心機骨．
回覆刪除我就真係無咁的耐性和時間．
[版主回覆08/11/2008 20:35:00]拆雞翼真係好花時間架! 依幾隻野拆咗我20分鐘......不過冇計啦~ 除咗老公鍾意...我自己都鍾意食!
我鐘意食骨頭,唔鐘意啖啖肉.雞翼無左骨,不如食雞肉好過啦.........不過你釀雞翼真係幾特別,唔係肉可以比美呢.生雞翼拆骨相信好難拆,熟就容易jet.......甘都得?!
回覆刪除[版主回覆08/11/2008 20:40:00]我都覺得有好多餸菜煮時係要有骨先好食! 有骨 + 冇骨味道係有分別既!
不過依味餸一定要生雞翼拆骨架! 因為攞釀好既生雞翼去蒸，蒸完肉會收緊包住釀料，料先唔會跌出來! 熟雞翼應該拆唔到骨~ 因為肉熟咗會碎! 加上內已收縮，咁咪釀唔到囉!
今日和同事剛剛講拆骨這個話題，佢話只要將雞翼的頭和尾用剪刀 Cut 小小，然後將比較大骨的一邊分開為二，跟住便可以慢慢推出雞骨便何．
回覆刪除你是否也用這個方法？如不，你都一試啦！我今晚試佐啦！
[版主回覆08/11/2008 22:07:00]係呀~ 我都係用依個方法架! 緊要用較剪幫手啦~ 咁妳試咗覺得如何?