話說我發手痕走去搞吓個相簿分類，覺得太立雜，於是我就想delete 咗某d相簿分類，於是我delete 哂某相簿內既相，但都delete 唔到相簿分類喎~ 咁我就去問Yahoo 服務中心啦..........
佢地回過我2次都只係話 - 先delete 咗相簿內照片，再去"垃圾桶"清除多次，然後先至可以delete 果個相簿分類~ (what a stupid system!!!!) 不過佢地冇講明係管理相簿裡面既垃圾桶，只係講"垃圾桶"! 所以我不停check 主頁垃圾桶，當然唔見有相啦........
咁我reply 佢地話唔見垃圾桶裡有相，同時問咗一個問題 - "我有某d 網誌用咗已delete 咗既照片，但網誌內仍然睇到照片，洗唔洗連網誌裡面的照片都delete，先至可以清除相簿分類?" - 但佢地冇答我依個問題!
當我知道原來係去相簿垃圾桶清除時，我就先試delete 其中一張相，再去返果篇網誌check 吓 - 仲喺度喎! 咁我就以為就算清除咗相簿垃圾桶裡面既相，網誌內既相仍然會喺度....所以我就就一次過清除哂所有相!!!
跟手我就發現 - 我有好多網誌內既相冇咗!!!!
但有小部份又仲喺度喎! 我完全唔知佢地點"決定"喺度定唔喺度??? 如果佢地一早話我知連網誌內既相都會冇埋，先可以清除相簿分類既話，咁我就唔搞咁多野啦! 我志在只係清除相簿分類，唔係清除d相!!!!!!!而家都唔知點算? 因為我有好多無聊相冇存底架......啱啱再email 咗佢地，希望仲有得救啦................
乜咁大鑊呀 , 有d相真係好難揾或者再影返架
回覆刪除希望YAHOO 服務中心可以幫妳整返啦
[版主回覆08/29/2008 16:22:00]其實旨意Yahoo 既話，仲衰多兩成重! 佢地答問題既人理解問題能力 + 表達能力都好有問題!!!!!
下！？乜原來會咁架！？ 我上個禮拜都搞過個相簿黎呀......不過，o個個分類好似冇相有post係網誌！
回覆刪除唉，以後係個blog度整野，真係要好小心.......
咁就真係大件事... 希望你快D可以攪返掂
回覆刪除[版主回覆08/29/2008 16:20:00]冇得搞嘞!
等我得閒時補得幾多得幾多.....
har !!!! Good luck !!!
回覆刪除[版主回覆08/29/2008 16:18:00]no luck 呀~~~~
咁大鑊~
回覆刪除我本來都想把啲相分類整理一下,依家聽你咁講都係唔好攪啦!
[版主回覆08/29/2008 16:18:00]都係唔好搞嘞~~~~