鴨針

上星期四整燒鴨，我懶醒以為Tesco 有鴨針賣，點知原來Tesco 果隻係BBQ 針 - 好似把劍咁鬼長! 

 雖然聰明既我臨時臨急唸到用銅線 + 牙簽代替....但同時有OCD 既我覺得唔夠完美~ 於是星期六即刻走去泗和行買咗兩枝鴨針!

有時我希望先試一試某個煮食工具，可唔可以用其他我已有既工具來代替? 唔洗下下為整一樣野，特登買舊新野! e.g. 燒肉插可唔可以用粗針代替? 不過"工欲善其事，必先利其器"係啱既! 唔係話唔可以代替，但效果真係冇咁好囉! 如果唔係人地都唔洗特登出多個工具啦.........

買咗鴨針之後，襯Tesco 仲有鴨賣...又買咗隻鴨! (唔知佢地幾時又冇鴨賣嘛~) 唸住今個星期再燒多次鴨! 今次有鴨針 + 我會安排好時間~ 希望今次隻鴨再好味d + 靚仔d!

(話時話~ 買咗個燒肉插後...我都冇再整過燒肉! 搵日再整先~~~~~~)