見星期六天氣咁好，所以決定星期日去Blair Drummond Safari Park~ 不過星期日天氣就唔及星期六好嘞! 但都唔太差，只係"梅花間竹"落驟雨 > 出大太陽 > 落驟雨 > 出大太陽.......
width="480" height="385">
Blair Drummond Safari Park 好鬼大 + 仲有好多動物e.g. 長頸鹿、河馬、斑馬...行到腳都軟!
大部份遊客都係一家大細，都有少部份人好似我 + 老公咁兩丁友去拍拖! 不過去到邊度都聽到有小朋友喊 + 有大人鬧小朋友~ 鬼殺咁嘈!
>>>>>>>>>>>>>>>>>>>>>>>>>>>>>>>>>>>>>>>>>>>>>>>
行完Safari Park 後，老公同我去遊車河~~~~
帚石楠喺蘇格蘭郊區都幾常見~ 雖然係挪威既國花，但就有個別名叫做"蘇格蘭石楠"! 喺郊區見到既當然係野生，但亦有好多人鍾意喺自己花園種Heather~~~~
Weekend 成日都係睇戲行街shopping....間唔中去吓郊外 + 吸吓新鮮空氣，真係好舒服! 個人都精神d!!! 
認真不錯的一天啊！
回覆刪除要揸幾耐車呢？
[版主回覆08/07/2008 18:26:00]咁又唔洗揸太耐~ 個零兩個鐘左右啦! 如果天氣好少少會仲正~
前 兩 日 突 然 良 心 發 現 ,咪 同 老 婆落 downtown ,都 幾 溫 馨 㗎 ,無 憂 無 慮 地 過 咗 一 日 ,
回覆刪除[版主回覆08/07/2008 18:29:00]放假係應該relax + 無憂無慮既~~~
有無見到孔雀開屏呀?
回覆刪除[版主回覆08/07/2008 18:34:00]冇見到開屏呀......我淨係為咗影隻孔雀幾張相，追住佢跑咗成個car park 咁滯!!! 佢跑得好鬼快架 + 好似唔鐘意我影佢咁~~~
唔記得講:你地真係好sweet呀～
回覆刪除[版主回覆08/07/2008 18:35:00]Thank you!
哇..如果香港 都有呢d 公園. 我諗我會成日去. 我最鐘意大草地, 湖呀果d.
回覆刪除[版主回覆08/07/2008 18:37:00]我都好鍾意去大自然地方! 尤其有水既地方~ 小河、湖邊、海邊呀.....
"路邊野花不要採"呀!!!
回覆刪除你地幾時都甘sweet既!
[版主回覆08/07/2008 18:39:00]成個山都係~ 採少少冇相干啦! 好靚架! 仲有淡淡既蜜糖香味~~~~
我又想去呀....
回覆刪除[版主回覆08/07/2008 18:41:00]咁等妳來探我時帶妳去啦!
要追住嚟影咁犀利?
回覆刪除有無人同係一樣咁追呢?無咪好似傻婆～！？
[版主回覆08/07/2008 20:45:00]我同老公一人一部相機~ 兩頭夾攻囉! 應該係一個傻婆 + 一個傻佬!
真係唔追過都唔知孔雀原來跑得咁鬼快!
黎探你..係吾係包住縮先....
回覆刪除[版主回覆08/11/2008 21:00:00]咁妳保佑我地快d買間大屋來招呼妳先啦!