依套韓國戲係老公早排返香港買返來既VCD，一直都未睇~ 尋日(7月31日)老公早放工返來陪我時先醒起攞來睇........老公買之前完全冇聽過有依套戲~ 完全係因為關於煮野食佢先買!! 其實我都冇聽過...都係佢買咗返來我先知韓國有套咁既戲.....
"食客"係改篇自韓國一本人氣漫畫~ 好有故事性，短短爭少少2個鐘頭，戲裡面既人物算多! 不過人物多得來但每個角色既性格背景又講得好詳細喎~ 實在係一個好大優點! 4個字 - 非常好睇!!!!!
睇完"食客"之後，難免會攞老公同時間帶返來既"烏冬廚神"比較~ 兩套都係關於煮野食既喜劇...但故仔就差好遠嘞!!!! 況且"烏冬廚神"成套戲講來講去都係講烏冬...但食客裡面就有好多唔同食物! 睇到我流哂口水~~~~~
呢套野我本來都打算睇架 但一諗起要睇字幕...就放棄左喇
回覆刪除[版主回覆08/01/2008 22:02:00]點解呀? 睇字幕有乜問題???
我 + 老公好鍾意睇戲~ 日本、韓國、西班牙...係我地經常會睇既"字幕戲"! 唔洗睇字幕既只有中 + 英文戲~ 不過我地就好少睇港產片~~~~
其實唔係呀 ! 因為我受左傷唔可以長時間對電腦/電視 如果加埋要睇字幕就變得更辛苦... 所以咪選擇唔睇囉 ~ 最慘我鍾意既戲多數要睇字幕
回覆刪除[版主回覆08/04/2008 15:27:00]咁咪斬件來睇囉!