2008年8月20日星期三

一點紅


早兩星期買咗既辣椒,放咗喺廚房窗台~ 除咗不停變大棵之外,覺得佢冇乜點變過! 尋日整緊餸,唔覺意立下眼望吓佢...發現萬綠叢中一點紅喎!! (妳睇唔睇到呢? 嘻嘻~~~)


 我仲發現其他綠色既辣椒變多 + 變大咗! (我買時已有幾粒細細粒既綠色辣椒 + 好多花~)



 但係好奇怪~ 係得佢一粒變咗紅色至喎.......

唔知幾時先食得呢??????

6 則留言:

  1. 辣椒 flower ar !!!! I see this 1st time ja !!!!
    [版主回覆08/20/2008 19:54:00]me too! (well...not anymore! )

    回覆刪除
  2. 係咪要大多2,3倍先食得呢?
    [版主回覆08/21/2008 17:13:00]我都唔知呀! 我係辣椒新手來.....

    回覆刪除
  3. 變紅就食得架啦~~ (你呢粒就黎乾水添啦~ 快d met左佢煮黎食啦~) 仲有排大呀~~ 我屋企果棵, 由細細棵, 好可愛咁樣, 已經變到大半個人咁高啦..... (我諗有1m2or3啦~) 不過就經常出"椒"呢~~ 細細粒呢d椒都頗辣架~ 先用少少試下好d~ 你呢隻品種好cute呀~ 我屋企果d又細又尖架呢~ 唔似得呢隻咁, 個尾圓圓地, 好可愛~ 最近bk唔知搞乜鬼, 成日入唔到, 一係入到去但又入唔到topic!! 真係等都等到憫!!
    [版主回覆08/21/2008 17:18:00]我唸我其實想買妳果隻 - 又細又尖!
    我前日先發現紅色果粒咋~ 我冇心理準備點用喎......
    BK又升級嘛! 升極都係咁既質素,都唔知仲升來做乜鬼!!! 我尋日都上到好火滾~~~
     

    回覆刪除
  4. 其實唔洗買成棵黎種架~ 呢d椒仔生命力好強, 我都係去街市買左d椒仔黎炒蜆, 因為我唔食得辣, 所以挖左d籽出黎, 我老公拎去種, 容乜易就成功左啦~ 所以而家其實我有2棵, 一棵買既, 因為耐d, 所以比較高(就係1m幾棵), 另外用種籽種果棵就矮d囉~ 但都有野椒仔出架~~ d椒仔可以炒菜時切碎掉埋落去當調味丫~ 一粒唔會好辣, 但又有果陣味, 都幾好食架~ bk真係.... 唉~~ 冇左bk, 忽然發現原來我都幾多空閒時間~~~ 哇卡卡卡~~
    [版主回覆08/22/2008 17:17:00]係喎~ 講開又講! d椒仔生命力真係好強喎!!!
     
    我細個時屋企住V媽媽 + V爸爸住8樓 (我同婆婆住,放假先同daddy Mummy 住~)....anyway 其中有間房個窗望到廚房窗外面,廚房窗側近有條去水渠,去水渠側近就標咗棵辣椒仔出來嘞! (8樓喎!!!) 辣椒仔又多又大隻又紅!! 不過一來生喺果個位摘唔到; 二來生喺水渠都唔夠膽食啦!   V媽媽話應該係佢煮餸時,將辣椒核沖去sink 盤喎....果棵野到我搬走時仲喺度!!!
     
    都好耐唔見妳喺BK啦~ 咁妳多咗咁多空閒時間用來做咗乜呀?
     
     
     

    回覆刪除
  5. 嘩!! 咁都可以生到??? 西利呀!! 而家香港吹緊9號波呀!! 大風到丫!! 我頭先仲聽到好似有玻璃唔知跌爛定打爛既聲呀! 今次呢個風都好勁, 而且仲係直吹香港! 有d人仲不怕死, 8號果陣仲去玩滑浪, 結果有條友仔唔見左啦! 都唔知d人諗乜架!! 今日bk又好返d, 不過少左人上去傾咁~ 搞到冇乜引! 呢幾日多左d時間, 我買左支野叫做"活奇能", 要黎整走地磚la之間既污積~ 每日整幾格磚, 而家都整左半個廳啦~~ 支野好勁, 溝d水, 再用噴壺噴落d la度, 等分零鐘, 用d牙刷或地刷之類, 唔洗好大力, 一刷就冇晒啦~~ 不過整時一定要戴手套及著拖鞋, 因為呢d野好拿架~ 最後用清水過水1~2次就ok架啦~ 我都係用地拖過2次水就冇晒d化學品~ 整完之後覺得好有成就感, 仲有就係~~ 好似新屋入伙呀!! ^^
    [版主回覆08/26/2008 18:39:00]係呀! 話時話我都幾唔捨得果棵坑渠辣椒仔......
    今年香港好似成日打風既???
    妳用強力清潔劑一定要小心呀!!! 我朋友早排就係用強力清潔劑洗外賣店風機,唔小心滴到個頭,滴到既地方仲未生返頭髮出來呀!!! 不過佢係男人 + 原來已剃頭剃到冇乜頭髮......
    妳屋企用地磚,地磚雖然方便打理,但冬天時咪好凍囉?
    我weekend 買咗部洗地氈機呀! 我地屋企鋪地氈,仲要係米色! 我發現就算個人幾乾淨,淺色地氈都會好容易污糟!!! 部機要搵日好天時開光~~~~~~

    回覆刪除
  6. 係啦, 香港今年已經有最少2個風係吹正香港, 一個前幾日果個, 吹到正一正, 另一個都只係好近好近咁掠過香港咋舌! 以前D風都唔會吹得咁正既! 通常去到香港附近就會轉向去第2度, 但唔知點解今年D一係唔轉向, 一係就轉向香港..... 我會小心架啦~ 本身D皮膚都好敏感, 再整到唔得掂呀! 不過而家我改左倒D活奇能去另一個噴壺度, 再加水, 咁樣會好D~ 至少稀釋左佢丫麻~ 唉... 用地磚咪又係99意思..... 鬼叫買屋時我仲未同老公拍拖咩..... 不過上次去台灣之後, 老公話以後間屋要整木地板!! YEAH!! 地磚唔單止冬天凍, 仲春天濕, 扇死人! 試過好多次我差D扇底! 仲有拖完地又係扇到死! 搞到我拖完地唔敢周圍行! 有時諗, 第時有左唔知點算, 而家已經成日企唔穩, 大住個肚成隻企鵝咁真係坐係梳化邊度都唔洗去! 洗地氈機? 好大部架? 難唔難用架? 貴唔貴架? 開光之日影D相黎睇下丫~ 其實我都有諗過睡房鋪地氈, 不過一諗起唔知點洗, 就算啦~~
    [版主回覆08/28/2008 16:49:00]我地依度今年反而幾好天喎!
     
    其實我都唸過換木地板架! 見朋友屋企換咗木地板幾靚又方便打理...但唔知係咪英國冬天 + 夏天溫差太大呢? 初時鋪好好靚,但久而久之有隙,仲要越來越闊.......所以都係鋪返地氈嘞~~~~
     
    喂~ 地 磚咁扇...妳有冇唸過買塊大地氈鋪住某部份e.g. 客廳~ 一大塊鋪住妳主要活動範圍,咁咪扇少d囉!
     
    洗地氈機都幾大部架~ 要執吓士多房先有位擺! 仲未知難唔難用呀? 用完話妳知! 至於貴唔貴 - 洗地氈機主要得2個大牌子,但就有好多唔同model! 大部份都over £100~ 我地買咗Vax - 係最好既牌子,我地個model 第二度要成£129.99~ 不過果日大減價,只買咗£60!! hehe~~~~~~~
     
    如果鋪地氈既話,最好每半年要洗一次! (咩色都係~) 依度有幾個choice - 叫人來洗~ 每次£40 - £50左右; 租機~ 都幾貴! 而且部機租過比好多人,好鬼污糟! 洗完仲污糟過未洗!!! 所以最好都係自己買部機~~~~~~
     

    回覆刪除

Related Posts Plugin for WordPress, Blogger...