上星期寄鬼走咗個passport 申請居留~ 尋日例牌收到Home Office 既信，循例話妳知佢地收到申請，會跟進....之類~ 以往申請學生簽証延期 + 上次申請婚姻簽証，都係兩個星期左右就搞掂! 佢地既信冇講今次會搞幾耐，咁我就上佢地網睇吓啦.......
早知唔鬼睇!!! 一睇乜心機都冇鬼哂~~~ 我申請既"Indefinite Leave to Remain"，有70%申請會喺20個工作天內完成; 90%要70個工作天，98%申請就唔定時 + 可能要約見......咁即係"我 + 老公拍拖9週年紀念日去旅行慶祝" 依個心願泡湯啦..........
完全唔明點解要咁耐時間??? 以前申請學生簽証延期，唔收錢仲即申即有; 今次收咗我£750，竟然要搞咁耐........班人食咗豬油膏做野??????
既然趕唔切拍拖週年...希望趕得切結婚週年啦~~~~~~~~
即係個天要你留係現在住既地方慶祝囉....
回覆刪除[版主回覆08/22/2008 23:06:00]留喺度 慶祝唔係問題! 最緊要慶到就得嘞~~~ 因為前年出去食飯，出門口都唔夠5分鐘就炒車冇得去; 舊年返咗香港唸住去數碼港酒店住返晚，但我又冷親發燒......所以連續2年都係補返慶祝咋~~~~~
放心啦應該好快嘅!£750唔係掛點解咁貴
回覆刪除[版主回覆08/24/2008 03:30:00]點快都趕唔切去旅行慶祝......
寄去申請先£750~ 親身去要£950添呀! 點鬼知佢地點解要收咁貴? 做野慢吞吞!!! 唯有當買咗個手袋.......
啱啱8月18日又改咗申請表嘞~ 唔知係咪又加咗價? 不過我係18日前寄走既~~~~~
Hi V 女
回覆刪除唔好咁唔開心啦 應該好快申請到0既
再唔係可以睇吓重有冇其他妳想去0既地方吖
[版主回覆08/24/2008 03:36:00]我唔驚佢地唔比我.....只係忟佢地收咁鬼貴又做野慢吞吞啫! 懶有寶咁~~~ 如果我老公唔係竹星，攞把刀橫住我條頸都唔住英國呀!!!
P.S. 妳整黏土整成點呀?
唔好唔開心啦!
回覆刪除叫你老公煮餐甜蜜燭光晚餐過你啦！
[版主回覆08/24/2008 03:38:00]我呻吓啫~ 冇野! 而且老公都應承咗我，一攞返個passport 就book holiday! 叫佢煮野比我食就唔好嘞.....佢煮完野我要洗餐死! (我平時都唔比佢洗碗架!!!)
旅行..旅行...你一講起我d旅行蟲又咬我喇....
回覆刪除雖然4月去過首爾, 5月去左曼谷...但係2年無去過台灣喇...嗚嗚...仲有好多好多地方想去呀.....
[版主回覆08/26/2008 17:24:00]其實我地每年年頭都會計劃好去邊度旅行!
今年3月尾我地去過巴黎~ 去巴黎前老公本來已請定5月尾假去意大利....點知6299突然要老公4月中返香港搞丁屋! 我冇做野就日日都放假，但老公管3間分行係唔可以隨時請假既! 6299話比老公知時已係3月尾，根本冇可能請到4月中假!!! 佢地又話搞丁屋唔可以改期...最終又改到4月尾 + 老公請咗4月尾假.....
我唔想老公3月尾、4月尾 + 5月尾都請假~ 雖然老公一年有6個星期假，但個個月都請...真係遲早比人炒! 所以我叫老公除消咗5月尾既假.....可惜之後老公一路忙，我結婚簽証8月尾又到期....而家寄走咗個passport 都唔知幾時攞得返? 乜都唔可以計劃住........
舊年去旅行去得好開心~ 去咗法國; 補渡蜜月去咗意大利 + 西班牙; 又返咗香港 + 去咗台北影婚紗相......
又會甘岩你既visa到期既....如果唔係咪有得去囉!不過都希望你有意外驚喜啦!
回覆刪除[版主回覆08/26/2008 17:29:00]係呀~ 我個marriage visa 8月尾夠2年到期! 佢地又話唔可以早過到期前28日申請居留喎......
不過就算唔係咁啱到期都未必有得去旅行...老公最近好鬼忙!!!