2009年4月28日星期二

V媽媽靚正餸2009 - 4月4日 & 4月5日 (完結篇)



4月4日 - 鮑魚煲烏雞; 魚露雞翼; 魚香茄子; 豉汁蒸倉魚 & 炒菜心

豬流感

豬流感來勢洶洶,至今墨西哥因為感染而死亡既人數已增至152人~  短短時間已蔓延到歐洲,連蘇格蘭都証實咗有2個人受感染; 世界各國又不停有疑似個案......真係唔可以睇小豬流感啊!!!

剛收到朋友傳來一篇有關豬流感資料既email,喺度同大家分享......

豬流感QA - 吃豬肉有無關係?

[綜合整理] 聯合新聞網 2009-04-27

 Q: 什麼是豬流感?

A: 豬流感是豬隻常見的疾病,近期發現的豬流感主要為H1N1。豬隻染禽流感、人流感和豬流感後,病毒株發生基因變異成為新的病毒。

2009年4月27日星期一

一條冷返香港食食食2009 - 立雜零咀

喺香港除咗正餐之外,正餐與正餐之間,我仲會食好多好多立立雜雜野......

Part 1 - 街邊野

好鍾意食台灣夜市裡面既麵線 ,不過而家唔需要去台灣,喺香港都可以食到嘞!

 弼街開咗間阿升麵線.....

一條冷返香港食食食2009 - 損友飯局

返到香港當然要同損友們見吓面啦~ 去蒲我就冇乜心情嘞,不過飯始終要食!

朗豪坊泰蘭花 (3月23日)

是晚約咗Joanne, Erica + Karen 喺朗豪坊泰蘭花食泰菜~ 依餐普普通通,個人覺得"泰蘭花"都係屬於fusion 果隻多過正宗泰菜!

2009年4月26日星期日

Cafe Andaluz - 西班牙Tapas (2009年4月25日)


平時食西班牙Tapas 多數會去Merchant City 既El Sabor~ 不過尋日泊好車又廢事行去Merchant City 咁遠,於是去咗就腳少少既Cafe Andaluz!

一條冷返香港食食食2009 - 太平館, 泉章居 , 富記

今次返香港V媽媽徇我要求 - 煮多d飯~ 所以比以往少咗出街食飯,不過始終因為有正經事要辦,所以都幾常出街食!

可能經濟唔好,今次返香港發現有好多食肆水準差咗好多! 唔好味既就無謂講嘞~ 只講好味果幾餐啦......

太平館

有日同V媽媽喺銅鑼灣shopping,所以今次去咗比較少去既銅鑼灣太平館! (平時多去尖沙咀果間!)

2個人例牌點咗個二人套餐......

 一人一個海龍皇湯~ (好鍾意食佢地既港式餐包! )

2009年4月25日星期六

孖T Silly Talk - 麻雀 & 足球 (2009年4月25日)

今日陽光普照,天氣非常咁好!  帶住老公送既Links of London Sweetie Bracelet 去Centre 行街,一路又見到好多人手帶住同我一同既手鍊,或者手抽一個Links of London 紙袋!

當時剛巧行到Princes Square 外面,我舉高帶住手鍊既手......

 我: Hon~ 佢(珍珠蚌charm)同我講話得佢一個好lonely 啊! 好lonely 啊~~~~


(老公但笑不語,一手拉咗我入去Princes Square......)

 我:做咩呀?

 老公: 搵個朋友比佢囉!

去到Links of London,裡面仍然擠滿買Sweetie Bracelet 既客人!

 今次買起咗佢 - Cherub Charm~

2009年4月24日星期五

V媽媽靚正餸2009 - 3月28日



豬橫脷煲粟米; 豉油皇乳鴿; 炸菜蒸豬潤; 冬菜蒸超迷你撻沙仔 & 炒蕃薯苗

二人世界的西餐 - 2009年4月24日 (附食譜)



煎牛扒; 炸薯條 & 凱撒沙律

自從個迷你電炸鍋開光後,老公成日叫我炸薯條比佢食~ 好耐之前整過比佢食 + 佢好鍾意! 不過我好少開鑊炸野,所以好少整; 而家有個電炸鍋炸咩都方便好多嘞!

Caesar Salad (凱撒沙律)


2009年4月23日星期四

一條冷返香港2009: V嫲嫲的家 - 上禾坑村 (2009年3月31日)


3月31日V嫲嫲葬禮完成之後,我地一家人返咗禾坑村一趟,對上一次返去係去年11月,今次返去,禾坑風景仍然係咁靚......

成日都好鬼happy 既Happy Face Spider~


"成日都好鬼happy 既Piglet Squid"之後,自然界又發現另一開心果 - Happy Face Spider (哈哈笑蜘蛛)~

2009年4月22日星期三

V媽媽靚正餸2009 - 3月27日



鮑魚煲烏雞; 酥炸桶蠔; 蕎菜炒鮮魷; 蒸鹹鮮大眼雞; 蒜頭豆豉炒涼瓜 & 蒸梅香鹹魚

V媽媽靚正餸2009 - 3月24日


瑤柱鮑魚海參煲烏雞; 蠔汁鮑魚海參; 豉油雞; 蒸紅鱲; 白灼雞腸 & 炒白菜仔

2009年4月21日星期二

二人世界的簡單西餐 - 2009年4月21日 (附食譜)



Corn Beef Hash & Corn Bread (洋蔥薯仔焗鹹牛肉 配玉米麵包)

星期六(4月18日)去Ad Lib 食過cornbread,老公問我幾時自己再整; 網友又問我有冇食譜......擇日不如撞日啦!  即去Tesco 買包cornmeal......其實cornbread 非常易整~ 所以雖然我已經2年冇整過,不過出來效果好好!

老公負Rosemary 請罪 (2009年4月20日)

只返咗香港3星期左右,返到來竟然見到一直放喺廚房窗邊,種咗2年幾既rosemary 枯乾到似柴枝卜卜脆......


Corn Bread (純味玉米麵包)


2009年4月20日星期一

Ad Lib Glasgow (2009年4月18日)

天氣超好陽光普照既weekend~  星期六(4月18日)同老公去咗好耐冇去過既Ad Lib 食lunch!

Ad Lib 係一間trendy bar + restaurant~ 食物水準一向都唔錯! 而且每隔一段時間就會轉新餐牌,經常都有新鮮感 + 驚喜! 不過唯獨唔好既係 - 因為轉咗餐牌,好耐之前食過一個好好食既串燒雞肉頭盤而家冇咗......

 我既頭盤 - 周打煙黑線鱈魚鮮蜆湯, 配玉米麵包 (Smoked Haddock & Clams Chowder, with Corn Bread)~

依個湯係餐牌上既新野來,非常香濃好味!!!! 煙黑線鱈魚係用冇經染色既靚野; 魚肉 + 蜆多到塞滿個碗; 加埋一大咋新鮮切碎parsley......材料 + 做法都一絲不荀,真係非常美味!!!!!

V媽媽靚正餸2009 - 3月23日



鹹肉豆腐湯; 乾煎豉油皇大蝦碌; 清蒸紅頸魚 & 炒菜心

是晚我約咗朋友出街食飯,本來同V媽媽講咗話唔返屋企食飯,所以佢就煮少d餸~ 不過V家一向好鬼夜先食飯,我去完街返到屋企時正好剛剛開緊飯......我見到有大蝦碌 + 又有紅頸魚,又想食埋一份!!! 所以我幫手裝飯時,連自己果碗都裝埋...(我係飯人來嘛!!!)

2009年4月18日星期六

一條冷返香港食食食2009 - 粥粉麵

返到香港除咗歎茶之外,最常食既就係粥粉麵!

榮記牛什粉麵餐廳

到香港當日仲係早上(3月13日),已好鬼掛住香港既牛雜! V媽媽接咗我返屋企放低行李後,即時喺屋企附近整返碗牛雜粉! 由於V媽媽已食咗早餐,所以佢只飲野陪我食.....

 先來一碗牛膀牛肚米線......正!

二人世界的三餸一湯 - 2009年4月17日 (附食譜)



芥菜鹹蛋肉片湯; 椒鹽豬扒; 鮮蜆肉煎蛋 & 菜薳牛肉

椒鹽豬扒


2009年4月17日星期五

V媽媽靚正餸2009 - 3月22日



菜乾湯; 蜜汁雞翼; 清蒸紅頸魚; 蒸膏蟹; 鹹酸菜炒卥水豬腸 & 炒菜心

是晚有之前一晚既剩菜 - 鹹魚頭 + 蜆介鯪魚餅~ 至於鹹酸菜炒卥水豬腸就係新炒既,因為前一日V媽媽買咗太多卥水豬腸,所以前一晚只炒咗一半......

V媽媽靚正餸2009 - 3月21日



菜乾湯; 鹹酸菜炒卥水豬腸; 蜆介鯪魚餅; 清蒸鮑魚仔; 豆醬蒸獅頭魚 & 蒸梅香鹹魚頭

2009年4月16日星期四

一條冷返香港食食食2009 - 西貢1日遊之松記車仔麵 (3月18日)

是日V媽媽突然癮起 - 想食西貢出名既松記車仔麵! 於是就即搭車入西貢......

V媽媽靚正餸2009 - 3月17日



蕃茄薯仔煲豬骨; 白灼赤米蝦; 生炒鮮魷仔; 清蒸撻沙; 清蒸三點蟹 & 炒菜心

是晚V媽媽仍有好多豬筒骨 + 蕃茄存貨,於是又來蕃茄薯仔煲豬骨......依餐幾乎全海鮮! 因為依日我地去咗長洲探V婆婆,海鮮係從長洲買出來既!

久休復出的三餸一湯 - 2009年4月15日 (附食譜)



胡椒白果腐竹豬肚湯; 頭抽豬扒皇; 清蒸芝麻班 & 炒菜心

頭果幾日剛喺香港返到來時好勁jet lag,老公就叫我抖埋個復活節假期先開工煮飯~ 尋晚終於都的起心肝煮返餐!

胡椒白果腐竹豬肚湯


2009年4月15日星期三

又來V家愛心包裹 (2009年4月14日)


V媽媽靚正餸2009 - 3月13日



蕃茄薯仔煲豬筒骨; 魚肉釀辣椒; 清蒸撻沙; 薑蔥班頭腩 & 卥味配燻蹄

返到香港當日,我陪V媽媽去街市買餸,所以即晚就可以享用到久違既V媽媽靚餸! 仲係樣樣都係我鍾意食既呢~~~~

2009年4月14日星期二

長輩靈異事2則

今次因為V嫲嫲走咗而返香港,我分別從V媽媽 + 三叔口中聽到2則靈異事......

(1) 第一則就正正係關於V嫲嫲......

V嫲嫲 + V爺爺曾經喺英國居住一段頗長既時間,近十年左右先返香港長住養老。V嫲嫲年紀雖大,不過返香港初期健康狀況仍然好好,閒時種吓花或種吓菜,生活寫意~ 3月31日朝早送完V嫲嫲上火葬場 + 一切儀式辦妥後,我地一行人就去酒家食一餐"英雄飯"~ 席間同我一樣由英國返香港出席喪禮既三叔,道出一件數年前既往事......

V嫲嫲 + V爺爺居住既三層村屋,屋隔離有一條小路,沿住小路可一直行上山坡,山坡有幾塊田地屬於V爺爺 + V嫲嫲,以前佢地就係喺果度種瓜菜。數年前,有親人突然喺屋前小空地起咗一個多鬼餘 + 完全冇作用既石屎圍欄,從此V嫲嫲既健康狀況就每況愈下! 石屎圍欄起好咗冇耐,有一晚V嫲嫲發夢......

夢境中V嫲嫲準備行上山坡去田地,突然V嫲嫲見到山坡上企咗2個同村,但都已去世一段長時間既長輩,其中一個長輩阿太(音"泰")用客家話同V嫲嫲講: 阿嬌~ 妳來依度做咩? 依度唔係妳來架~ 快d走! 之後V嫲嫲就醒咗......

由鮑魚海參飛機餐開始 - "香港的超級V媽"

日本著名相聲師 + 暢銷作家島田洋七,有一個堅強能幹既"佐賀的超級阿嬤"; 我雖然住喺蘇格蘭,同樣有一個我認為能人所不能 + 廚藝超卓既"香港的超級V媽"!!

我既"香港的超級V媽" - V媽媽~ 相當能幹! 既要每日應付非常忙碌既工作 + 將屋企打理得一塵不染之外,仲要買餸、煮飯一手包辦,每晚靠佢一雙手煮到成枱各樣佳餚!!!! 最好野係 - V媽媽咁忙碌既生活,佢仲抽到時間煲韓劇、同朋友行街shopping 打麻雀嘆茶......

V媽媽煮得一手逢人食過都lam 住脷讚好既靚正餸! 我經常打電話越洋偷師!


舊年11月從香港返來後,已經同大家介紹過少部份V媽媽美食; 今次返香港雖然係因為V嫲嫲走咗,不過因為咁我有機會返娘家小住3星期 (而且係婚後第一次喺香港娘家住咁耐!),可以每晚品嚐到V媽媽親手煮既餸,舌頭好幸福啊~~~


所以特別開設"V媽媽廚房",往後幾日會同大家分享我今次返香港食到既V媽媽既好菜,將其中V媽媽既烹飪技巧 + 部份食譜記下來!

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
舊年返香港後已經提過,每次我返英國,V媽媽都會為我準備一盒私伙鮑魚飛機餐! 今次亦唔例外......

 不過今次鮑魚帶埋佢個friend - 海參~

Related Posts Plugin for WordPress, Blogger...