菜乾湯; 蜜汁雞翼; 清蒸紅頸魚; 蒸膏蟹; 鹹酸菜炒卥水豬腸 & 炒菜心
是晚有之前一晚既剩菜 - 鹹魚頭 + 蜆介鯪魚餅~ 至於鹹酸菜炒卥水豬腸就係新炒既，因為前一日V媽媽買咗太多卥水豬腸，所以前一晚只炒咗一半......
依餐膏蟹隻隻都大大隻，唔單止多蟹膏，原來仲好好肉喎~ 而且肉仲好鮮甜呢! 我覺得仲正過三點蟹啊~~~~~
2009年4月17日星期五
V媽媽靚正餸2009 - 3月22日
菜乾湯; 蜜汁雞翼; 清蒸紅頸魚; 蒸膏蟹; 鹹酸菜炒卥水豬腸 & 炒菜心
是晚有之前一晚既剩菜 - 鹹魚頭 + 蜆介鯪魚餅~ 至於鹹酸菜炒卥水豬腸就係新炒既，因為前一日V媽媽買咗太多卥水豬腸，所以前一晚只炒咗一半......
依餐膏蟹隻隻都大大隻，唔單止多蟹膏，原來仲好好肉喎~ 而且肉仲好鮮甜呢! 我覺得仲正過三點蟹啊~~~~~
訂閱：
發佈留言 (Atom)
睇到我漏哂口水,我都好鍾意食蟹,蟹膏都勁鍾意,奈何最近check到謄固醇有些高,所以有得睇無得食.你就好啦.咁有口福.
回覆刪除[版主回覆04/17/2009 18:48:00]奈何好味既食物，大部份都係高膽固醇 + 冇益既! 我都覺得自己好有口福! 不過英國冇乜海鮮，所以我都係返香港先有咁既狂食海鮮機會~~~~
但係我平時喺英國食既野，都好勁膽固醇......
又睇到我 "嘩""嘩""嘩",因為我都好鐘意食蟹架! 係咪响你話朗豪方嗰邊個街市買架, d蟹買咗幾多 $ 啊?
回覆刪除[版主回覆04/18/2009 01:07:00]今次d蟹唔係嘞~ 條魚 + d蟹都係喺花園街街市買既! 幾多錢我唔知呀，我付責食既啫!
睇見d膏係咁吞哂口水,正呀~~~
回覆刪除[版主回覆04/18/2009 01:06:00]睇來妳同我都係膽固醇怪來喎!
嘩 ... 隻膏蟹好多膏 , 好澎湃喎 ....
回覆刪除不過我鐘意食肉蟹多過膏蟹 , 黃油蟹我都唔Like 呀 ..... 除非大閘蟹啦 .
膏蟹要蒸先好味 , 但炒就會D膏甩哂出來呀 !
雞翼煮法好簡單喎 , 阿蘇有時教整的餸 , 好多時都簡單複雜化囉 , 講真要湊細路 + 返工 , 邊有咁多時間準備咁多呀 .....
[版主回覆04/18/2009 05:43:00]依隻膏蟹好鬼好肉地架! 我好surprised 佢咁鬼好肉~ 一啖膏一啖肉..... 正!
我都覺得膏蟹最好用來蒸! 原汁原味~ 好彩果晚我堅持要蒸咋!!!! V媽媽想用來薑蔥焗......
阿蘇煮野食完全得啖笑! 生抽老抽麻油乜鬼都話落少少~ 話就話少少，但落就落多多......吹脹~~~~
I am drooling!!! =P~
回覆刪除[版主回覆04/18/2009 05:44:00]me too~~~~~~~~
條魚啲顏色好得意
回覆刪除[版主回覆04/18/2009 05:47:00]我都覺得好得意! 我都係第一次見咋~
越唔健康果d越鍾意食呀,我都好耐冇身體檢查喇,
回覆刪除[版主回覆04/18/2009 05:48:00]我完全冇身體檢查......
條魚好有色彩呀! 唔講我以前係唔食得的熱帶魚...
回覆刪除[版主回覆04/19/2009 01:46:00]條魚未打鱗時，d顏色仲靚呀!
"走入去冇幫襯問人攞盒，就算人地肯比，我都唔會好意思走去問囉" ------ 所言甚是!
回覆刪除但買多個又唔捨得........
唉! 還是作罷!
最多下次, 如果再有下次, 就自己 sharp醒少少吧!
[版主回覆04/19/2009 02:06:00]買袋時佢地比唔比盒根本冇特定係咩情況! 通常佢地如果知道妳係用來送禮，都會主動提出比盒~ 不過有時某d袋款太大，只會另外用一個大LV 紙envelope 入住! 或者有時相熟sales serve 我，就算佢知我係自用，佢都會問我要唔要盒~ 但遇著唔相熟既，我一樣都係冇! 不過我真係從來都未試過開口問要盒......
買同一款袋，有d人有盒; 有d人冇...返去問人攞盒就算人地肯比，並唔係因為人地"補返"比妳~ 畢竟人人都係比同樣價錢買同一款袋，比既錢只係手袋既價錢!
V媽咁叻, 買啲蟹咁多膏, 我都好鐘意食膏架, 不過我爸媽唔係時時買到啲咁多膏。
回覆刪除[版主回覆04/19/2009 02:09:00]哈哈~~~~ V媽媽同檔主熟嘛! 我記得佢買蟹時問檔主有冇膏架? 個檔主特登搣爛一隻蟹比V媽媽睇......
估唔一d蟹咁 細隻都咁多膏...睇到我流哂口水..正呀.
回覆刪除[版主回覆04/19/2009 02:12:00]唔止多膏~ 仲好鬼多肉呢!
條魚我都係第一次見,係Ｖ媽媽本身識,定街市Ｄ魚檔介紹食架？ 我都好鍾意食蟹架...不過依家大肚唔食得,第時生完後一定要狂食吖!!
回覆刪除[版主回覆04/19/2009 02:13:00]V媽媽都係第一次買依種魚食架咋~ 係檔主介紹既!
乜大肚唔食得蟹架? 咁妳幾時先可"解禁"呀?
我鐘意食肉蟹多過膏蟹
回覆刪除[版主回覆04/19/2009 02:15:00]依隻膏蟹好好肉地架! 全隻蟹都好好食~
叫紅頸魚 有啲似'錦鯉'啊!
回覆刪除[版主回覆04/19/2009 03:52:00]似錦鯉? 唔係吓哇!!?!??! 鹹水魚來喎......
V媽識食呀!! 魚仔先甜呀~~!
回覆刪除[版主回覆04/20/2009 01:22:00]我都覺得魚仔好食，不過成日要累骨實在太麻煩嘞! 基本上我係好鍾意食魚，魚仔大魚都啱~ 只係有得揀我就會揀大條魚!
嘩 我最鍾意食蟹架，其實只要係海鮮我都鍾意，不過蟹真係'賣飛佛'。
回覆刪除[版主回覆01/21/2011 18:43:00]蟹我其實麻麻地，我只鍾意食蟹膏! 所以鍾意食膏蟹 + 三點蟹!!
咁大閘蟹同黃油蟹你都應該好愛喎
回覆刪除[版主回覆01/23/2011 02:48:00]都好鍾意架! 不過V媽媽話大閘蟹太寒涼 + 黃油蟹多食激素.....所以最少食為妙喎!
其實依家好多食材都有激素，燕窩都係。有個真人真事，由我嘅營養師朋友話我知，佢有個朋友有咗BB，奶奶好錫佢，日日燉一大碗燕窩俾佢食，點知個B女一出世，個胸口有一舊舊嘅硬塊，就係因為啲激素太犀利。
回覆刪除[版主回覆01/23/2011 21:09:00]燕窩係本身含激素，所以患癌既既病人唔可以食燕窩!
不過V媽媽指既係飼養黃油蟹 + 大閘蟹時去餵激素，另佢地產生大量黃油 + 蟹膏~