之前上網知道"葉問"好收得 + 好多人都話好好睇~
雖然動作片並非我杯茶，但就令我好有興趣! 後來見出咗DVD，我就問老公網上買唔買?
老公都算係"武林中人" - 曾經玩過跆拳道
、Kickboxing; 而家就玩一樣叫"MMA" (Mixed Martial Arts) 既功夫，加上葉問係老公偶像李小龍個師傅...我仲以為老公超有興趣呢~~~ 點知老公原來唔多鍾意全宇宙最好打既甄子丹喎!!! (男人來講我老公都算古怪......
) 
返香港前有個喺少林寺學過功夫既朋友問我有冇睇"葉問"? 仲話好好睇好精彩云云~~~ 但老公都不為所動! (睇來老公真係好唔妥甄子丹!!!);
到我返到香港見VCD 店都冇乜新戲 + 我仍然好想睇"葉問"，於是買咗隻返來要老公陪我睇; 不過返咗來英國成個星期都未睇......
到咗剛過去既星期日同朋友們飲茶，又有朋友問我: 有冇睇"葉問"??
於是尋日(4月13日)見冇乜野做，老公終於都要陪我睇......
- 我唔知甄子丹係咪真係做葉問既最佳人選? 不過佢既動作好流暢 + 好快，真係好專業，所以好有說服力!
- 熊黛林飾演葉問既妻子張永成竟然好有驚喜喎! 熊黛林係model 出身又未拍過戲，但演出相當自然 + 恰到好處，初登銀幕都唔會誇張造作來突出自己~ 有幾場戲仲放棄靚樣冇乜點化妝.......表現好好啊!
- 林家棟飾演既差佬李釗，雖然係幫當時日本人做事既走狗，不過果時咁既時勢，佢都有家庭要照顧.......我感受到當時依種看似出賣中國人既所謂走狗，果種身不由己 + 無奈~~~
- 久違既樊少皇個look man 咗好多啊~~~~~ 同佢以前筋肉人咁既款真係好唔同! 樊都係打得之人，同樣非常專業~ 有佢份打果幾場戲都好好睇!
- 老公問我: 武痴林個樣咁怪既? 哼! 老公~
你真係有眼不識泰山!!! 釋行宇係少林寺第32代弟子來架!!! 怪.......
- 唔知任達華飾演既周清泉本人係咪真係咁? 總覺得任達華演得怪裡怪氣! 初時周清泉叫葉問夾股份開工廠，我仲以為佢想呃葉問錢......
"葉問"係近年少有好睇到令我咁投入既好戲~
.gif)
當我睇到葉問打敗三浦將軍 + 李釗一槍打死樣衰日軍主任佐騰時，我竟然興奮到大拍手掌叫好!!
連老公咁唔妥甄子丹，都話好好睇! 好期待"葉問2"呀!!!!
哎吔~ 搞到我好鬼想學詠春呀!!!!!
我超唔想學 詠春 囉
回覆刪除[版主回覆04/14/2009 19:00:00]咁我想學吖嘛!
真係好鬼得呀! 真係大化人心! 我都覺任達華應該係有啲攪作, 點知無嘜表現機會!
回覆刪除[版主回覆04/14/2009 21:15:00]真係好得!
我尋日睇完戲...不停葉問上身~ 搵老公來做靶!!!
我細仔看了,也經常擺出詠春手,好鬼攪笑!但我就未看,我諗都要搵日看一看.
回覆刪除[版主回覆04/14/2009 21:13:00]妳快d睇啦! 真係好正架!!!!!
我細仔看了,也經常擺出詠春手,好鬼攪笑!但我就未看,我諗都要搵日看一看.
回覆刪除我又係睇完好想學詠春呢
回覆刪除[版主回覆04/15/2009 05:55:00]如果我地去學詠春的話，將來我地都有機會"閉門切磋"!
真係好好睇呀套戲, 靚豬超得甄子丹呀......快啲說服Mr T啦~
回覆刪除好希望佢攞影帝~
[版主回覆04/15/2009 05:53:00]老公都認為戲非常好! 不過我覺得佢仍然唔妥Donnie Yen......(可能條氣唔順人地好打過佢??!?!)
咁我都要買來睇下先 !
回覆刪除[版主回覆04/15/2009 05:52:00]速去~~~~~~~
我都未睇呀～你講得咁有驚喜～等我又睇下先！
回覆刪除[版主回覆04/15/2009 05:51:00]快~~~~ 妳就知我冇介紹錯!
你老公唔係蘿蔔頭唔好亂黎呀!
回覆刪除[版主回覆04/15/2009 05:51:00]老公兩三下手勢已KO咗我.......
yeah...你終於睇左葉問..通常十個睇左九個半都讚ga...我lee d十年都唔買一次正版電影dvd既人都買左戲再買就知超好睇la.
回覆刪除我都睇佐啦! 真係好正!
回覆刪除我老公都食過下夜粥~~佢話甄子丹d功夫打得好好, 好乾淨俐落, 甄子丹媽咪係太極高手, 做教頭, 好勁!! 詠春始創人係女人, 所以以前有男人打詠春拳就會比其他武者笑. 但其實詠春柔中帶剛架. 好多時睇武打片都會出現詠春招式: 黐手, 裙底腳, 尋橋套路, 日字衝拳等....但其實學功夫好悶, 冇想像中咁好玩~~by the way, 有邊個中國男人唔鐘意bruce lee呢?? 真係諗唔到~~哈哈~~
回覆刪除係呀~! 我老公都有雙截棍呀!! d男人個個都話自己識玩雙截棍!! 識唔識我就唔知, 總之唔好'亨'到我個頭就得喇~!
回覆刪除I'll ask my family to buy the DVD of this film to me; your description to this film sounds so great!
回覆刪除我諗甄子丹做會好過朝偉既，因為佢真係真功夫嘛
回覆刪除[版主回覆04/16/2009 18:33:00]阿王大導周時拍d戲，唔係朝偉就係曼玉喺度行行企企......都唔知做乜????? 睇來"一代宗師"都應該係好有"藝術味道".......
唔好話妳老公喎,其實係睇葉問之前,我都係唔多鐘意甄子丹架,唔知係咪佢老婆原估,我成日都覺得佢老婆好鬼做作,只係好個碧咸老婆小小(呢個我真頭超唔鐘意佢添)~
回覆刪除但林家棟最後都好慘,佢係有開槍打死個黑人憎架仔,但後來都要比啲同胞圍摳打死,所以我都覺得佢真係幾慘
[版主回覆04/16/2009 18:37:00]維多利亞確實係難頂; 但我又覺得汪詩詩冇乜野喎~~ 我覺得佢都幾靚......
林家棟比人打死咩????? 哎吔~ 我太興奮拍手掌miss 咗呢!
一出DVD我己經買咗嚟睇喇
回覆刪除真係好好睇呀,可能我鐘意睇功夫片嘅原因啦
[版主回覆04/16/2009 18:40:00]我唔鍾意睇動作片都覺得有得彈!!!!
兩公婆打過, 高手過招!!!!
回覆刪除[版主回覆04/16/2009 18:41:00]我同老公體型咁懸殊......我並唔係佢對手喎!
Thanks for the website address ! Now, life'll be easier for me because sometimes I miss HK movies (those good ones!). Perhaps it's the need to hear and speak Cantonese that I can't do here.....
回覆刪除[版主回覆04/16/2009 18:44:00]you're welcome~
to be honest i dont really miss HK movie~ cos there is rarely a good one! i usually order books, japanese or korean movies~~~~~
林家棟比人打死 & 三浦將軍剖腹 果兩幕係要係dvd嘅......係咪叫special 定係 刪剪片段先有得睇架~
回覆刪除[版主回覆04/16/2009 23:09:00]哦~ 原來係咁! 我買既係VCD來架~~~~
你實有方法, 買妳嬴, 對嗎 ?
回覆刪除[版主回覆04/16/2009 23:08:00]哈哈~~~~ 妳對我咁有信心既!
點解甄子丹係全宇宙最好打呀? 武痴林係邊個, 做咩角色?
回覆刪除我一向都鐘意甄子丹架!
[版主回覆04/19/2009 03:21:00]我其實之前並冇睇過甄子丹拍既戲~ 不過佢之前好似拍咗一套戲，佢做一個全宇宙最好打既人......我冇睇過~ 不過後來傳媒覺得甄子丹態度好自大，所以戲稱佢係全宇宙最好打既人囉!
武痴林係葉問裡面其中一個角色囉! 妳冇睇葉問咩? 妳鍾意甄子丹就應該要睇啦!
我有睇葉問呀, 但唔記得邊個係寶痴林呀, 所以咪問你係邊個人囉...我都想睇下邊套係講佢全宇宙最好打嘅人, 套戲名叫咩呀?
回覆刪除[版主回覆04/22/2009 04:30:00]武痴林之前開酒樓果個大哥囉! 同葉問一齊搬煤......後來比日本人打死咗......
我都唔知果套係咩戲.......
哦.....記得邊個喇, 本身打贏三個日本仔, 但又俾另一個勁衰嘅日本仔用槍打死個個。
回覆刪除[版主回覆04/22/2009 18:31:00]唔係佢呀.......果個係同葉問閉門切磋既師傅之嘛! 係當眾除細佬條褲果個呀!
原本唔係好鍾意丹爺, 覺得佢串, 睇完對佢改觀左, 葉2都好正架!
回覆刪除http://hk.myblog.yahoo.com/wonka-1971/article?mid=3237
畫皮走搞笑路線, 都唔錯
http://hk.myblog.yahoo.com/wonka-1971/article?mid=2549
[版主回覆07/26/2010 20:31:00]葉問我仲未有機會睇，會等返香港時買DVD~
個人覺得"畫皮"好垃圾! 完全無哂蒲松齡聊齋詭異既氣氛 - 一個字"悶"~~~~~~
睇咗嘞，都係第一集好睇好多，我鐘意睇葉問打日本仔，多過打英國拳王，反而同洪金寶對打，都叫有啲真功夫睇下 ~
回覆刪除[版主回覆08/15/2010 05:42:00]通常都係咁 - 第一集好睇好多! 有洪金寶應該唔錯~ 係咪仲好似有海綿蛋糕架???
冇錯係有海棉蛋糕, 佢係做葉問既大徒弟, 做得一般啦, 唔係特別好, 佢個做型太靚仔, 感覺有啲怪, 有場講葉問救佢既都幾好睇, 不過似睇黑社會片多啲, 妳睇咗就知點解我咁講
回覆刪除[版主回覆08/15/2010 17:34:00]咁妳唔好講咁多比禾知啦衰鬼!
個個都話佢靚仔......我又唔覺喎! 我覺得佢個款似姑爺仔，而且睇得出佢"自以為好靚仔" - 最憎依種男人! (女人都憎!!)
不過我都幾looking forward!
有無睇Toy Story 3?
我依啲叫講一半唔講一半 我都唔覺海綿蛋糕好靚仔，不過套戲裡佢造型我覺得靚得滯，尤其個頭gel得太貼，都唔似去學武既人，其實套戲都有幾個位引到我笑，係我估唔到既 （又再講多咗啲添 ） Toy Story 3仲未睇呀，反而睇咗多啦A夢
回覆刪除[版主回覆08/16/2010 00:00:00]吊我癮? 個頭gel 得太貼 <///// 好等我又睇吓海綿蛋糕有幾咁好笑先!
頭先同朋友們飲完茶，一陣再出返去睇Toy Story 3 3D!
"叮噹"好唔好睇? (係~ 我死都要叫佢做"叮噹"!!!)
好笑既唔係海綿蛋糕喎，估佢唔到係葉問好笑啲 喂喂～不如我幫妳買隻DVD啦
回覆刪除[版主回覆08/16/2010 00:41:00]咁新奇係葉問好笑d?
Thanks but 唔洗嘞! 成日都要麻煩妳咁~ 我10月真係會返來架嘞，今次唔放妳飛機! 唔爭在等多果一陣啦~ 反正港戲咁屎，留返幾套等我返來買嘛! (其實......分分鐘6299已經有"葉問2"喎! 下星期返去食飯時問吓佢地先!)
叮噹我睇到恰眼瞓，都唔係太差，不過我都係鐘意睇電視版既訂噹多啲，次次睇電影版我都覺得佢拉得太長 原本係諗住睇Toy Story 3架，人人都話好睇嘛，咁我有3張新世紀嘉禾既換票証，9月頭就到期，點知換票嗰陣佢話3D唔用得，連補差價都話唔得，咁細細又話想睇人魚喎，又唔想o徒咗嗰啲換票証，咁咪焗住睇叮噹囉
回覆刪除[版主回覆08/16/2010 00:42:00]我同妳一樣 - 卡通鍾意睇電視一集集唔同故事!
咁妳打唔打算睇Toy Story 3?
唔麻煩，有需要就話過我知啦 我都好想睇Toy Story 3架，睇完話我知係咪真係咁好睇 仲有我都好想睇貓狗鬥多番 不過我一個帶兩隻野入戲院太論盡，細細可以不停咁問問題架 所以要等我老公得閒同埋我地去睇先得囉
回覆刪除[版主回覆08/16/2010 01:02:00]"貓狗鬥多番"我無興趣......
哈哈~~~~ 我想像到細細去戲院睇戲係點! 因為果時我都試過同表弟妹去睇"海底奇兵"，果時佢地仲好細，好多笑位晴晴問我: 表姐妳笑咩野呀? 我表弟仲搞野 - 問我: 睇完戲係咪每人派一隻DVD?