2009年4月23日星期四

一條冷返香港2009: V嫲嫲的家 - 上禾坑村 (2009年3月31日)


3月31日V嫲嫲葬禮完成之後,我地一家人返咗禾坑村一趟,對上一次返去係去年11月,今次返去,禾坑風景仍然係咁靚......

 V爺爺喺花園種咗一棵Magnolia (含笑花)~

 開出來既花好香! 企喺樹隔離都可以聞到香味~~~~

 今次花園側既合掌瓜棚有瓜嘞!

 我大約4、5歲左右,有一次V嫲嫲喺依個位抱住我,突然我大叫下面有條蛇蛇 - 係一條"飯鏟頭"! 一眾人想圍捕佢,不過最後比佢走甩咗......雖然事隔咁多年,不過我對依件事依然有印象!

以前唔多鍾意返禾坑~ 因為覺得山長水遠又偏僻,冇野玩、冇野做、冇街行......而且好多蚊! 不過只要細心留意一下周圍,禾坑其實真係一個喺香港好難得 + 好靚既地方!




 同V媽媽喺木瓜樹附近聽到好近 + 好嘈既蟬鳴,於是我地鬥快搵出究竟係邊隻蟬咁鬼嘈...就係佢嘞!!!

 連甘蔗都有!

 可能因為附近有條河,所以周圍好多又紅又藍既蜻蜓~~~





 小河裡面原來有好鬼多好靚既金色魚仔!

 下次返去時帶個網去玩撈魚仔......

 禾坑真係有好蚊!!!! 喺我專心影蜻蜓既時候,話咁快就比佢地咬咗幾野......



11 則留言:

  1. 令人好舒服的環境
    [版主回覆04/24/2009 16:40:00]係呀~ 大自然空氣都特別好!
     
     

    回覆刪除
  2. 做咩唔帶蚊貼唷??
    [版主回覆04/24/2009 16:39:00]一時醒唔起嘛.....
     
     

    回覆刪除
  3. 嘩 ... 比我去到都係成手蚊 , 我又是超野蚊的 !
    好多自家種農作物呀 !
    [版主回覆04/24/2009 16:38:00]不過新界地方一定多蚊架嘞!
    V嫲嫲屋後山坡上有好幾塊田,又有一個池塘仔~ 以前上去菜呀、蔥呀,瓜呀....種咗好多野架! 不過近年V嫲嫲身體唔好,少咗上去冇點打理,荒蕪哂咯......
     
     

    回覆刪除
  4. 嘩 ... 比我去到都係成手蚊 , 我又是超野蚊的 !
    好多自家種農作物呀 !

    回覆刪除
  5. 啲蜻蜓好靚呀~你好勁咁都影到咁清楚
    [版主回覆04/24/2009 16:18:00]哈哈~~~ 唔係我勁,係我個相機勁啫!  
    果度真係好鬼多蜻蜓!!!!
     
     
     
     
     

    回覆刪除
  6. 環境真係好靚
    [版主回覆04/25/2009 18:50:00]而家香港好少咁靚既地方!
     
     

    回覆刪除
  7. 下次去開山頭野嶺, 最好帶我老公去, 啲蚊衹會針佢, 我就一粒都冇, 好過噴蚊怕水, 次次都中架, my husband said mosquito go for certain blood type 喎.
    [版主回覆04/25/2009 18:59:00]哈哈~~~~~ 如果我老公喺度,都係會得佢中招架咋!
     
    舊年11月返香港,喺沙田太62太99度住,果度都好多蚊架! 有晚咁啱冷氣壞咗要開窗瞓,就係咁老公咬到通手腳通身都係! 我半夜醒咗,見到老公喺側邊攞住本書幫我猛潑 - 佢話"聽到"咬佢隻蚊喺間房~ 佢怕隻蚊咬埋我,幫我趕走隻蚊喎........  (果次我真係一粒都冇喎!)
     
     
     

    回覆刪除
  8. 禾坑係邊架? 我唔係好鐘意草叢小河(長落綠色野嘅河), 好驚咁, 我鐘意大草原同大樹。
    [版主回覆04/25/2009 19:05:00]喺粉嶺再入,未到沙頭角,所以唔洗禁區紙! 不過禾坑村只限村民 / 村民家人出入,外來人唔比入來架!
     
     

    回覆刪除
  9. 可能認識你日子淺, 甚麼是 沙田太62太99  ??
    [版主回覆04/25/2009 19:23:00]太62太99咪即係我老公既爺爺 + 嫲嫲囉!
     
    我娘家喺太子~ 如果只我一個人返香港,我會返娘家住; 太62太99住沙田,如果同老公一齊返香港的話,就會返沙田住囉!
     
     

    回覆刪除
  10. 咁外人真係唔覺意入咗去,個下場會下...............點呢?呢個真係有小小好奇
    [版主回覆04/27/2009 02:21:00]我唔知會點呀~ 不過我覺得應該冇咁既可能!
     
    因為要入村就要落一條好長既斜路,斜路入口有個大牌寫住非村民不得進入本村之類既警告語!
     
    而唔落斜路根本唔知入到村係咁既景色~ 所以從來冇人咁得閒冇啦啦走入來睇吓咁.....
     
     
     

    回覆刪除
  11. 我+我老公好中意尼啲地方...鍾意佢寧靜同可以接觸大自然....人大咗愈來愈唔鍾意城市生活...
    [版主回覆04/28/2009 16:00:00]我始終都係鍾意城市生活! 太靜太隔涉既地方令我冇乜安全感......間唔中接觸吓大自然還可以~~~
     
     

    回覆刪除

Related Posts Plugin for WordPress, Blogger...