V媽媽靚正餸2009 - 4月4日 & 4月5日 (完結篇)

4月4日 - 鮑魚煲烏雞; 魚露雞翼; 魚香茄子; 豉汁蒸倉魚 & 炒菜心

 V媽媽首創既魚露雞翼~ 我一早已學識點整，不過味道始終不及V媽媽既手勢......

做法可參考 - 魚露雞翼食譜~

 V媽媽既魚香茄子，做法同我既版本唔同 - 真真正正真材實料~ 唔用現成魚香醬而用梅香鹹魚! 遲吓我都試下用V媽媽既方法煮，因為真係好食好多!!

至於食譜......等我煮過咗出啦! 暫時粗粗地參考住我個版本先啦 - 魚香茄子食譜~

 原來豉汁蒸倉魚可以咁蒸果喎......因為條魚太鬼大條!! (哎吔~ 陳冠希個死人頭喎.....)

4月5日 - 鮑魚煲烏雞; 豉汁蒸帶子; 永合隆乳豬 + 白切雞 & 炒菜心

當晚我就要飛返英國，去機場前喺屋企食飯~ 因為好多野搞，所以V媽媽冇咁多時候買餸 + 煮飯......

 所以去永合隆斬料加餸~

 買咗半隻白切雞......

 仲有乳豬~ 本來想買我最鍾意既永合隆燒肉，不過燒肉仲未出爐! 時間好趕~~ 唯有買乳豬代替!

 百忙之中V媽媽都買咗帶子用豉汁蒸~ 好鮮味!!!

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

"V媽媽靚正餸2009"就喺依幾隻豉汁蒸帶子之後完滿結束!

我將各位網友既留言 + 意見反映比V媽媽知道，佢好開心各位網友咁賞識佢煮既靚正餸~ V媽媽叫我待佢多謝各位對"V媽媽廚房"既支持!

而家"V媽媽廚房"喺一片V媽媽沾沾自喜

既氣氛之下暫且告一段落! 希望喺不久既將來，"V媽媽廚房"可以好快再同大家見"麵"~~~

下一水大家都要繼續支持"V媽媽廚房"啊!! (即係我下一水返香港時......)

 請呀~~~~