3月頭預訂咗既Neverfull GM Damier 終於到手嘞!
上星期喺forum 見到有人話4月25日香港已經有得賣Neverfull Damier ~ 於是即時上LV website check吓，果然見到website 已經update 咗! 心急既我好奇怪點解LV 仲未打電話通知我呢?
跟手星期三(4月29日)就收到相熟sales 電話通知我去睇袋~ 本來老公星期四去愛丁堡開會，佢話會睇吓有冇時間幫我去攞袋，可惜果日佢開足成日會......所以唯有等到星期六(5月2日)一早先去LV!
上次Neverfull Monogram 出時GM好少貨! 老公為咗趕得切結婚一週年，所以退而求其次訂咗個Monogram MM 比我，不過都等咗3個星期!
星期六果日去到LV見Neverfull Damier 有好多貨，所以其實我唔預訂都應該買到~ 不過既然有預訂服務，都係唔好博嘞!
小小感動......
星期六果日我地要趕住去朋友屋企燒野食，所以到咗愛丁堡我就叫老公唔好泊車，留喺車上等我，因為時間好趕，我買完袋就要即刻離開愛丁堡! 於是我叫老公喺LV 隔離街放低我......
我落車後行到一半，突然落一陣過雲下雨，只係微微幾滴仔落咗1分鐘都唔知有冇? 當我等緊sales 入袋時，突然見老公渣住把傘推門入來~ 佢話見突然落雨所以泊車來接我!
手袋當然係老公送架啦! Thanks Hon~~~~
He is sooooo sooooo sweet....
回覆刪除[版主回覆05/04/2009 20:40:00]thank you~
嘩！個袋真係好大喎！不過無論個袋幾大都好有樣野一定裝唔哂就係你啲幸福呀！直頭係滿到瀉！恨C我啦！
回覆刪除[版主回覆05/04/2009 20:45:00]係呀~ 個塵袋大到裝得落個手拉喼咁滯!
幸福到 爆
回覆刪除[版主回覆05/04/2009 20:46:00]多謝~~~~~
i was just about to tell you that i saw this bag on the uk website! i know u've been waiting for ages! by the way, the bag makes u look so small! But it looks nice on u. Now u're next target is damier azur neverfull right? This time PM? then u're have all 3 sizes! haha!!
回覆刪除[版主回覆05/04/2009 20:52:00]i reserved the GM in March, thus LV def would call me when the stock arrived in the shops!
it's not the bag which makes me look small~ in fact im small! but i like big bags cos i take lots of stuff when i go out.
Damier Azur is nice! however im not interested in light colour, it gets dirty very easily~ also PM is too small for me, so i wont consider either Azur + Neverfull PM!
你老公真係錫到你燶,我本來都覺得我老公都已經好好,但相比你老公,他就欠了少少細心.個袋真係好大喎！你都carry到,你是否都幾高?
回覆刪除[版主回覆05/04/2009 20:40:00]多謝妳咁讚我老公~ 不過我係唔會話比佢知既，廢事佢囂!
我唔高架! 得5呎4左右~ 而且我仲好細粒吓....不過我習慣咗揹大袋，因為我帶好多立雜野出街!
我覺得老公"縱"係正常喎
回覆刪除好鬼羨慕你呀！！
[版主回覆05/05/2009 03:24:00]唔洗羨慕我~ 到妳搵到愛妳既人，我相信佢都一樣會好鍚妳!
個袋真係好大... load相又有問題，好耐都load唔到
回覆刪除[版主回覆05/05/2009 03:23:00]真係幾大架! 放到好多野~~~~~
依幾日Yblog 好正常! 我load 想冇乜問題~~~
我琴晚load blog都load好耐。。 宜家又無事...
回覆刪除[版主回覆05/05/2009 16:52:00]我連續幾日都冇咩問題~
Mrs. T嘅hon hon, 我都係勸你唔好再縱呀Mrs. T喇, 你睇下佢80%公主病果樣都已經去到 咁樣,去到100%我話,我都唔知佢會做啲咩野比我哋啲blog友睇
回覆刪除不過妳呢個袋又真係幾大個,我反而鐘意妳以前果啲size多啲
[版主回覆05/05/2009 16:52:00]我將妳既意見反映咗比Mr.T知，佢同我講: 咁妳係公主嘛~ 妳有公主病係應該既!
咁我已有MM 啦嘛，冇理由下下買親手袋都要同一size 吓哇? 雖然個袋係大，不過只要我揹得好睇就得啦!
個GM幾襯你喎，大得黎又揹得好睇！
回覆刪除[版主回覆05/05/2009 16:45:00]多謝~ 雖然我一早知道個袋有幾大，不過都怕揹上身會太大for 自己! 點知都好OK 喎!
咁你咪係老公錫囉 , 錫到你燶 , 要有好多實際而不太必要的行動架 !
回覆刪除唔係倒茶盛飯為之叫錫架 , 所以有D女人都不知識唔識分咩叫老公錫 ? ...... 你知我講乜啦 ......
[版主回覆05/05/2009 16:43:00]哈哈~~~ 要求咁鬼低架! 倒茶盛飯都叫做好鍚? 咁酒樓班侍應咪好鬼鍚我?? 不過我同佢地唔係好熟之喎......
我想以人地咁既質素，冇資格要求高囉~~~~
老公緊係用嚟錫老婆架啦, 不過你老公係特別寵你嘅?
回覆刪除[版主回覆05/06/2009 17:32:00]我唸係因為........我特別抵鍚囉!
嘩...終於到手拿..真係幾靚喎..我似為你買來中size添...
回覆刪除我家姐都係香港買到啦..都係要叫朋友個VIP留先有..3日內門市已經賣曬啦...勁呀..
BLOG友D老公就唻唔比個老婆睇你個BLOG啦...因為..你老公實在係太太太太好啦....
[版主回覆05/06/2009 17:30:00]哈哈~~~~~ 妳老公唔比妳睇我blog 呀?
我已經有一個中size (MM) Neverfull Monogram啦嘛~ PM 又太細for 我，咁我今次咪買個GM囉~~~
暫時喺英國我仲未見到有人用Neverfull Damier~ 依度大把貨! 而且賣得比香港平! 哇哈哈~~~~~~
我都鐘意LV,但此較喜歡細D的袋,因為我好細粒.你揹得好睇呀
回覆刪除[版主回覆05/06/2009 17:26:00]多謝~ 不過我覺得LV既細袋根本完全放唔到野! 所以我大部份LV都係大袋來，就算比較細既袋，都係空間大d放到多少少野既! 如果唔係真係好no point........
我其實都好細粒架! 不過用手袋同著衫一樣 - 睇吓點配搭得好睇~~~~~
有位咁細心體貼的老公, 真令人羡慕~
回覆刪除[版主回覆05/06/2009 17:20:00]多謝! 祝天下間所有老公都識做~~~~~
GM真係好大喔！~ 我都有一個... 但係MM黎既~ 以前我都唔係好鈡意呢個pattern，總覺得“好成熟”，但而家都慢慢接受佢了~ GM雖大，但真係好襯你呀！~ 講真，呢個pattern真係好少人有，大部分人都係買monogram，我係美國都唔係好多有carry呢個pattern~
回覆刪除[版主回覆05/08/2009 03:19:00]我已有一個MM Monogram，所以今次買GM Damier! 我一向都係鍾意Monogram 多，覺得Damier 好悶~~~~ 不過自從V媽媽送咗個Naviglio 比我之後，我就開始改觀!
不過我大部份LV仍然係Monogram 佔多數~ 除咗新買依個Neverfull GM，我仲有Naviglio, Hampstead GM, 同埋一個已絕版既Damier Mini Pochette~ 另外我又買過Damier Graphite 銀包比老公.......
英國都係少人用Damier 架! 多數人用Gucci 多~ LV 既就係Monogram 囉!
我尋日都終於買左啦！！！ 我要等我屋企人黎退稅呀！唔好蝕呀嘛！ 雖然唔係話退到好多，但好過無啦！
回覆刪除本來我都想買GM架！但好似真係好大甘呀，我班表妹勁叫我唔好買大，甘咪買左中囉！之前Monogram都想買架啦，但我哥女朋友有呀嘛，費事買埋一樣啦！ 咪好似你甘等囉唯有
我都有 Naviglio呀！ 好耐無用啦，好鍾意架，不過我而家好小用佢黎襯呀！唔岩襯呀呢排！ 你點襯呀呢個袋？分享下
[版主回覆06/04/2009 06:54:00]點退稅呀? 係咪妳送屋企人去機場，退咗稅後再偷雞攞個袋返屋企? 其實英國買LV一定平過香港買既，根本唔退稅都唔會蝕啦~~~
我等其實係因為之前英國未出Damier! 唔係因為我買唔到Monogram~ 2年幾前出Monogram 時 ，我已買咗個MM架嘞~ Damier 喺英國係5月1日先出架! 我3月時已預訂咗......
GM 係好大，不過最緊要自己鍾意既啫! 我一向都鍾意大手袋，我大部份LV 都係大袋來~~~ 妳指點襯邊個袋呀? Naviglio 定Neverfull???
我個Naviglio白色款呀，你個個啡色好似易襯D呀冬天！ 所以我都係夏天用多囉！
回覆刪除係啦，睇你Blog都知你媽媽好錫你呀！ 自己去朝聖都記得買野比你！ 我自己就唔係話勁買名牌個隻囉！係真係鍾意先買囉，唔可以好似人地D有錢人甘，一出就買一出就買！ 反而我speedy個D我真係1個都無呀，我唔係甘鍾意手挽袋！ 而家倫敦D名店，都係大多國內同胞！ 入去是但一間都係大部份係中國人！你地scotland係咪都係甘呀？
你有無買Chanel呀？ 熟唔熟呀？ 因為我想睇下個袋幾錢呀，如果你知，我就唔洗去問啦嘛！ A46882呀！好似紙袋樣架，但係個真tote黎架！
麻煩你
[版主回覆06/04/2009 20:18:00]妳個白色Naviglio 要就住來用呀 - 因為佢地canvas 質地，白色污糟咗係抹唔到架!!!!! (我用過Multicolore 白色 phone strap 賴過野~~~)
哈哈~~~~ V媽媽去朝聖都要我帶佢去架! 點會唔記得我果份? 不過我唔會叫V媽媽買野比我既(係佢自動波咋~)，我只會爹老公買野既啫!
我又唔覺愛丁堡果間多中國人喎~ 不過我去親都係買野，好少留意其他人，有乜人都冇所謂!
我對Chanel 暫時未有興趣! 所以從來冇留意過價錢~ 不過我都知妳講邊個tote，我個人覺得好核突......
ha..今天經過tst 發覺有得買, 好開心, 價錢ok5650元, 俾水貨舖平二仟幾佰, 好抵買, 所以左個mm ...
回覆刪除[版主回覆06/19/2009 01:45:00]咁咪好囉! 買到心頭好緊開心~~~
你呢個咁大, 幾多$$呀?? 真係正喎!
回覆刪除[版主回覆08/06/2009 16:54:00]Neverfull 一向都有3個size 架啦 - PM(細), MM(中) + GM(大); 依個係GM 來，我另外有一個Monogram MM~ 我一向都要鍾意大袋!
已經幾個月，而且係老公比錢，我都唔記得咗幾多錢咯!
個袋真係岩哂咩都放入手袋0既人
回覆刪除[版主回覆10/30/2009 02:04:00]大到擺個B入去都得呀! 最啱我依種帶好鬼多立雜野出街，又唔鍾意執手袋既人~~~~