上湯燴蠔菇扒黃芽白

依個餸係V媽媽同麻雀友飯局食過既一道菜，佢自己複製成功後，再教我煮既! 原來版本係用娃娃菜，不過我買唔到娃娃菜，所以用黃芽白代替......

1. 自己喜愛既菇類洗淨瀝乾; 娃娃菜 / 黃芽白洗淨瀝乾切塊; 瑤柱浸軟備用。

2. 滾水先略灼蠔菇，撈起瀝乾。

3. 再灼熟娃娃菜 / 黃芽白後，撈起隔去水份，先排上碟。

4. 另燒滾清水約2碗，加入雞湯濃湯寶1粒煮勻。

5. 搗碎瑤柱加入湯內煮滾，再加入蠔菇煮滾一會。

6. 淋在已上碟的娃娃菜 / 黃芽白即成。