2009年5月12日星期二

二人世界快手意粉 - 2009年5月11日 (附食譜)



現成意粉汁超快手蘑菇雞肉意粉

我廚房有3個櫃用來放可以儲存長時間既食物......

我有一個唔知係好定唔好既習慣 - 雖然屋企附近有2間24小時大型Asda + Tesco,不過每次我見到可以存放長時間既食物有special offer e.g. 食油, pasta, 罐頭, 調味料......我就會買定放喺屋企,以備不時之需! (日用品如廁紙, 牙膏, 洗頭水, 沐浴露, 洗潔精等都係咁......)

我喜歡未雨綢繆,好過臨渴先來掘井~~~  所以e.g. 當我剛剛開咗一枝蠔油,我唔會等到用哂先買新,我會即時買返枝新既蠔油返來補及"士啤"既位置!

就係咁日積月慮果3個櫃已經爆哂大棚!!!! 每次打開攞出某一樣野後,都要慢慢好似砌俄羅斯方塊咁塞返其他野入去,好鬼麻煩!!! 現時廚房地下仲有一大袋入唔到櫃等待安置既食物......

如果有一日鬧饑荒,我唸我屋企儲存既食物,喺完全唔洗出街既情況之下,應該可以維持到2、3個月......係時候清清各櫃裡面既食物嘞!!!!

早幾日搵到樽Tesco Tomato, Onion & Basil 現成pasta sauce,發現6月就到期; 喺雪櫃又搵到幾粒上星期用剩既白蘑菇.....所以尋晚叫老公放工時順便買包雞胸返來,快手用鬼哂佢!

 唔想用普通既意粉or penne (唔好問我點解~ 因為我都唔知!) 搵到包仲未開,上次買意粉汁送既Tesco Casarecce pasta,就用佢啦! (不過今次唔係用依枝意粉汁喎!!!)

 外形奇特既Casarecce pasta~

因為太容易快手,所以今次唔另出食譜咯! 只喺度略略講吓點整......

- 雞胸切片用胡椒粉、雞粉 + 糖醃一陣;

- 蘑菇切片; 煮熟pasta 瀝乾水;

- 爆香蒜蓉,炒熟雞片,加蘑菇炒勻;

- 加pasta sauce 兜勻煮滾,再加埋pasta 兜勻,灑上新鮮切碎pasley 即成~

 哈~ 估唔到依隻Casarecce pasta 咁好食喎! 好彈牙架~~~~



10 則留言:

  1. 我都係好似你咁...一開左枝新既未用完就會買定另一枝...有時減價仲會買多D...咩都買一餐...就黎無地方行....哈哈..
    [版主回覆05/13/2009 05:34:00]原來唔止我一個係咁既! 哈哈~~~~
     
     

    回覆刪除
  2. Very yummy!!!
    http://hk.myblog.yahoo.com/
    see my drawing <<Blog>>.........

    回覆刪除
  3. 你屋企個廚櫃同我差不多 , 不過我人多你少少 , 所以最多捱到是 1- 2個月囉 .....
    [版主回覆05/13/2009 05:40:00]哈哈~~~~~ 都未必架! 我 + 老公大食嘛! 我屋企存貨比其他人可能會last 耐d架!
     
     

    回覆刪除
  4. wahaha.......我都好似你咁架,又係要買定士啤響屋企先安樂,講真,我住旺角,真係要乜有乜,都唔明我咩心態,我係咪要改改佢呢???
    [版主回覆05/13/2009 05:41:00]我唸依個係懶到出汁既心態!
     
     

    回覆刪除
  5. 我都係好似你咁.我屋企兩個雪櫃,廚櫃再加車房個儲物櫃都係冇哂位.
    [版主回覆05/13/2009 05:43:00]要放雪櫃既野我返而唔會有咁多存貨! 我鍾意新鮮野既~
     
     

    回覆刪除
  6. 冇發。要番工。唔可以日日去買。通常買定一星期嘅。
    [版主回覆05/13/2009 07:15:00]咁又係......
     
    我好衰架~ 好似肉類,魚呀....依d新鮮食物,我一定要煮時先會買! 如果早幾日買定放喺雪櫃,就算明明未過期,我都覺得唔新鮮........
     
     

    回覆刪除
  7. 我呢個懶人就最鐘意用啲現成醬汁,就係貪快,但我試過用呢類樽裝醬汁,我發覺都幾酸咁,後來我都係改用日式果啲醬汁,都幾啱味,所以就用到而家喇
    [版主回覆05/14/2009 05:42:00]都係架! 所以最好試多幾個牌子先搵到啱自己口味~ 再唔係既話,可以用罐頭蕃茄~~~
     
     

    回覆刪除
  8. 笨笨至愛懶人餐 快靚正~
    [版主回覆05/14/2009 05:43:00]偷懶日子佳品~
     
     

    回覆刪除
  9. 我都好耐冇煮意粉食,又真係幾易喎  
    以前係英國我地都係一星期先去一次supermarket大量入貸~~
     
    [版主回覆05/14/2009 05:44:00]意粉最方便,幾乎配乜材料都得!
     
     

    回覆刪除
  10. 嘩....存貨夠食咁多個月, 啲食物咪好易放到過咗期都唔知囉!
    [版主回覆05/14/2009 17:37:00]以前都有試過架,不過唔多~ 所以而家入親貨最少要有3年儲存期囉!
     
     

    回覆刪除

Related Posts Plugin for WordPress, Blogger...