2009年5月11日星期一

Clive Ramsay@ Bridge of Allan (2009年5月10日)


去湖區遊完車河後,就同老公去咗Bridge of Allan 既Clive Ramsay 食晚餐! 以前老公喺Bridge of Allan 返工,間中會去Clive Ramsay 食飯......

不過自從老公搬咗office 後,已經有年多冇去過咯! 老公話Clive Ramsay 已經轉咗老闆......

我既例牌頭盤 - 雞肝醬配麵包~ 記得以前佢地係用brioche 麵包,不過而家轉咗普通白餐包,我唔鍾意啊~~~~~ 雞肝醬仍然好正! 不過縮咗水......

老公頭盤 - 哈吉斯配薯蓉威士忌忌廉汁~ 好好味! 不過一樣好細份~ 而且賣相似甜品多過頭盤......

我既主菜 - 炆羊膝配薯蓉~ 羊膝炆到好軟熟好入味! 正~~~~~

老公主菜 - 又係悶死人既漢堡飽!!! 不過佢依個漢堡飽好香炭燒味~ 好juicy 好好食!

 睇吓我份羊膝食得幾乾淨!

舊地重遊~ 覺得Clive Ramsay 好似退步咗少少! 可能因為個頭盤太細份啦?!??! 不過主菜仍然好食!

Bridge of Allan 係老公3年前同我求婚既地方! 不過唔係喺Clive Ramsay~~~ 所以我對依個小鎮有份特別情意結!




12 則留言:

  1. 我又係對 Bridge of Allan 有個情意結.......因為那是我步入教堂結婚的地方!
    [版主回覆05/12/2009 16:05:00]我知道~
     
     

    回覆刪除
  2. Mrs Williams 威廉C太太2009年5月11日 下午5:31

    HAHA! 真係好味到甘, 等我今個星期都炆下羊先
    [版主回覆05/12/2009 16:05:00]真係好好味架! 睇相唔似好味咩?
     
    我只整過羊肩,不過未整過羊膝~ 因為見到超市羊膝全部都好鬼細隻! 冇喺餐廳食果d咁大!
     
     
     

    回覆刪除
  3. 你老公真係好鐘意食漢堡包喎 ..... 但你又唔好話悶死人啦 ...hehe ....
    你個羊膝好掂喎 , 可能我愛吃啦 !
    [版主回覆05/12/2009 16:00:00]如果佢叫第二樣,可以同我分甘同味嘛!  但次次佢都叫漢堡包,佢分比我都唔要!
     
    只要鍾意食羊既人,都一定會鍾意依個羊膝!
     
     

    回覆刪除
  4. Gaileは林家歐巴桑2009年5月12日 上午12:04

    好他條既weekend喎,我都好鐘意去d小餐廳食野,我本身真係好驚羊咩陣酥味,不過睇你食得咁乾淨,應該唔錯喎....講講下我都好懷念o個邊既Nando's,之前每個星期梗會食一次,已經成4年冇食佢d雞喇,諗起都流口水 !你o個邊有冇架?有機會去食影d相俾我懷念下
    [版主回覆05/12/2009 15:55:00]依間唔算係小餐廳咯,樓下仲有一層~ 可能我自己鍾意食羊,會覺得冇酥味就唔好食!
     
    我都成日食Nando's 架! Nando's 喺英國周圍都有架啦,又平喎~~~~ 淨係我Glasgow 都有成3、4間! 之前寫過2、3次架嘞,不過有次唔小心delete 哂d相,得返最近果次有相睇:
    http://hk.myblog.yahoo.com/veronicams_tsim/article?mid=6801
     
     

    回覆刪除
  5. Gaileは林家歐巴桑2009年5月12日 上午1:58

    睇左喇...衰鬼呀!點解唔早d識你呢....我而家先知香港都有Nando's,早知之前返香港就去食啦,錯失左個大好機會 我仲你停留住食half chicken既時代,而家仲多左選擇,真係想即刻買機票返去食餐飽 我都好鐘意食內臟,但我老公又係唔好依味野!香港人其實你動物都夠膽死食架啦
    [版主回覆05/12/2009 17:17:00]妳咁近香港,早機去食晚機返台都得啦!  我返到香港就唔食Nando's 咯~ 我要主攻茶餐廳!!!!!
     
    其實內臟、膽固醇依d野,以前都有好多人食架啦! 以前d人冇錢買餸用豬油撈飯......但咪一樣好健康! 邊有而家d人咁多病痛架?
     
    我覺得其實係因為社會越文明富裕,人就越冇節制地大魚大肉~ 加上只顧工作唔做運動......所以其實係人既問題,唔係食物既問題..... 食乜都冇問題,最緊要適可而止 + 識得balance~ 咁就食得又開心又健康嘞~~~
     
     
     

    回覆刪除
  6. 香港也有 Nando's 的嗎 ? 請問是在那裡 ?
    因上次到 UK 時食過而念念不忘 , 如果香港真的有便好了 !
    [版主回覆05/12/2009 18:48:00]我冇去過香港既Nando's~ 我睇返好耐之前我寫果篇舊blog,其實係我睇到其他人既blog 講話香港有分店.......不過我唔知有冇睇錯.......我網上搵唔到,所以可能其實係冇! sorry~~~~
     
     
     
     

    回覆刪除
  7. 唔梗要! 不要唔好意思啦! 你肯回應已很好了!
    係啦! 我網上都搵唔到香港的資料! 所以我唯有問你吧!
    而且, 很高興認識你!
    [版主回覆05/12/2009 20:06:00]Nice to meet you too!
     
    我盡可能既每個留言都會回~ 除咗賣廣告果d比我delete 哂之外!
     

    回覆刪除
  8. 其實呢我都好鍾意食burger 
    [版主回覆05/13/2009 07:08:00]咦~ 好少女仔會鍾意食burger 果喎!
     
     

    回覆刪除
  9. Oh...Sorry I thought u're in HK..lol..anyways, my first time to check out yr blog, nice pix, nice blog. 
    [版主回覆05/14/2009 05:56:00]thanks~
     
     

    回覆刪除
  10. 睇下睇下, 見到Nando 個字, 隻眼即刻發光, 我响Melborne 住時已經超喜歡佢地的Pari Pari chicken and sauce. 可否代我問下你個blog 友Gaile , Nando in Hong Kong where ? Just come back from HK and I will kick myself if I miss the restaurant . Many thanks V.
    [版主回覆05/14/2009 05:53:00]m......妳冇睇清楚......
     
    其實係我好耐之前寫過Nando's,當時我"好似"睇過其他人既blog 話香港有Nando's.....不過尋日有網友問我喺香港邊度,於是我上網check,但完全搵唔到~ 我唸其實係我當時睇錯咗!!!
     
     

    回覆刪除
  11. 我米就係其中一個鍾意食Burger既女仔囉
    [版主回覆05/14/2009 05:48:00]我唸妳好鍾意食牛肉定呢?
     
     

    回覆刪除
  12. 係英國住就成日會食牛肉,自己都會煮
    但返到香港同婆婆住因為以前有養牛所以唔會食牛
    其實我都幾鍾意食牛肉,打邊爐會食好多肥牛呢
    不過自己煮就真係好少啦!
    [版主回覆05/15/2009 17:00:00]打邊爐我都好鍾意肥牛!!!!! 唸起流口水......
     
     

    回覆刪除

Related Posts Plugin for WordPress, Blogger...