尋日(5月25日)係英國公眾假期，99既"粵鳴曲藝社"又有表演~ 今次地點係Glasgow Mitchell Theatre，全家都有去捧場，因為今次既表演係慶祝"粵鳴"十三週年!
我 + 老公例牌去做攝記~ 今次我地仲2人身兼3職 - 攝錄師、攝影師 + 錄音師......其實現場已有專業攝錄師 + 攝影師，所以我 + 老公當然係業餘果隻啦 - 因為總共有6個演出劇目，而我 + 老公只集中影99有份演出果2個劇目! 
屋企有2部DC~ 一向99表演，我 + 老公會一人渣一部 - 老公果部付責拍video; 我就付責影相! (老公話我影相靚d喎! 呵呵~~~
) 點知尋日朝早發現其中一部相機竟然叉唔到電!!!!! 開唔著.......
好彩屋企仲有2部DVC! 不過已經好耐冇用過，所以拿拿淋攞出來叉電! 只啱啱好夠時間叉滿電就要趕住出門口嘞!
去到Mitchell Theatre，62塞咗部咸豐錄音機過我，叫我錄99表演果2個劇目......大佬呀~ 用cassette 既!!!!!!!
(我唔曉用呀! 比鬼咗老公等佢搞......)
我 + 老公攞住錄音機、DVC、DC + 三腳架入場......
99第1個劇目 - "白龍關"
當老公影緊"白龍關"既video，快到尾聲時部DVC冇電既燈號突然開始閃......我唸係因為太耐冇用過，所以未叉得夠滿!!! 仲有一舊後備電，不過影到半路點換電呀???? 好彩第一舊電最終都捱到"白龍關"唱完為止~~~~ 但依個時候......
我發現個DC 得返2格電!!!!
妖~ 我掛住叉部DVC，忘記咗叉部DC......
99第2個劇目 - "龍鳳爭掛帥之洞房"
表演就完時，DC 舊電終於玩完要收檔!
之後我地同99影合照，都要借用99朋友既相機......不過我 + 老公總算喺部部機都瀕臨冇電既情況之下，有驚冇險地完成任務~~~
台前放咗好多人送來致意既花籃 + 生果籃! 99收到好鬼多花，佢叫我 + 姑仔每人攞幾札返屋企插~ 不過老公因為得閒冇事做，晨早將最大札果d搬哂上車......
99本叫埋我地一齊去慶功，不過係去我最唔鍾意既"大龍鳳"......所以我地冇去到~ 我 + 老公去咗Ashoka at the Quay 食印度自助餐......
已經想試Ashoka at the Quay 既自助餐好耐! 都幾唔錯~ 不過我都係鍾意佢地好似監犯既set lunch 多d!
你99女扮男真係幾靚仔啊.....好犀利......
回覆刪除做咩有CAKE食都要破例????唔係減FAT呀???
[版主回覆05/27/2009 19:11:00]我99一向都係演生角~
我由細到大都係食極唔肥，從來都唔減肥既! 只係我一向唔鍾意食甜品，只會偶一為之食甜野!
嘩嘩嘩.... 你99都好in Bor , 仲好有台型Tim 我以為是扮花蛋, 原來是反串 , 真是估不到, 係呢 ? 你99 玩左幾多年大戲呢 ?
回覆刪除[版主回覆05/27/2009 19:17:00]我99一向都係演生角架!~ 我唔知99玩咗大戲幾多年呀.....不過"粵鳴曲藝社"係99創立架! 今次慶祝13週年，咁我唸最少超過13年啩~~~~
妳99真係幾帥.....
回覆刪除[版主回覆05/27/2009 19:18:00]99同老公餅印嘛!
你99 真係幾靚仔喎XDDDDDDDD
回覆刪除[版主回覆05/27/2009 19:19:00]似我老公咁靚仔嘛!
你99直頭掂呀...殺哂...冇得傾呀!!!
回覆刪除[版主回覆05/27/2009 19:22:00]些些~ 些些!
咸豐錄音~~~~~~~ 用cassette 既
回覆刪除肅靜" + "迴避"邊 ~~~~~~~ 寫錯字 ~~~ 仲要補過
真係 "笑鬼史禾"
ps. 你真係影得靚bor~~~
[版主回覆05/27/2009 19:26:00]大佬~ 用cassette 既錄音機我只小學時用過，我而家真係唔識用!!!!
哈哈~~~~ 我影得靚係因為我部相機靚嘛! Panasonic 傻瓜機來架咋~ (老公啱啱應承送部DSLR 比我! )
~
回覆刪除你哋好攪笑
[版主回覆05/27/2009 19:28:00]端午節快樂啊! 有冇食粽呀?
下次要早d make sure 搞掂哂d設備，如果唔係又好似今次咁倒瀉籮蟹......
你99真係好有台型喎!!!
回覆刪除[版主回覆05/27/2009 19:30:00]thanks 啊~
你99好勁、好有型呀!!
回覆刪除唔知曲藝社會唔會有粵曲班教人唱粵曲呢??
[版主回覆05/28/2009 05:48:00]thanks~ 老公話冇粵曲班果喎!
你99又真係幾英喎
回覆刪除[版主回覆05/28/2009 05:37:00]唸唸吓好似得99一個係反串架咋!
嘩 .... 嘩 .... 你99真係型到爆喎!!!
回覆刪除仲靚仔過妳老公啊.....好犀利......
[版主回覆05/28/2009 05:35:00]99化咗妝嘛! 化咗妝緊靚好多啦~~~
吾知點解我吾中意聽粵曲..因為怕左啲大囉大鼓...好嘈....
回覆刪除你99扮男仔又幾有型喎....
[版主回覆05/28/2009 05:33:00]哈哈~~~~ 我其實都唔鍾意聽大戲架! 我老公就更加唔洗講啦~~~~
嘩D衫好令,你99又勁.
回覆刪除[版主回覆05/28/2009 16:06:00]thanks~ 雖然唔明佢地唱乜，不過去睇吓靚衫都好!
你99真係好英呀....唔怪得你老公咁靚仔啦...
回覆刪除[版主回覆05/28/2009 16:03:00]話時話....我99後生時真係嗒得杯落架! 好彩老公似99~~
妳咁講野 ... 報串比你99知 .... hohohohoho !
回覆刪除[版主回覆05/28/2009 15:58:00]咁唔該順便報埋比我99知 - 我經常讚佢係美女吖! 我99係一個好99，並唔係小氣麻煩八婆~~~
你99好俊唷...hoho.... 係呢...v 女你有沒有興趣唱下唷...
回覆刪除[版主回覆05/28/2009 15:56:00]緊係冇!!!! 我其實都唔明佢地唱乜，亦唔鍾意聽大戲~ 不過99表演緊要去捧場坐陣!
你99好有型呀.....個樣好有威嚴
回覆刪除[版主回覆05/29/2009 16:56:00]同我老公一樣咁有型囉!
我諗你同你老公當晚實勁忙, 要影又要錄, 99真係好英靚仔喎!
回覆刪除[版主回覆05/31/2009 19:11:00]麻麻地忙啦~ 其實係入場時果陣比較"呢hair"d囉! 因為要搵位泊車，去到啱啱開咗場，又要摸黑set 腳架又盛......好彩99唔係表演第一場咋! set 好哂d野就好好多，只係到99出場時禁吓制咁啫~~~
你99好勁呀 , 真係好靚仔喎 ...哈哈 ....
回覆刪除你兩個真係做了戰地記者 , 又真係好煩忙喎 .
[版主回覆06/01/2009 04:05:00]如果唔係部部機都就來冇電，會冇咁狼狽既~~