暫時受控制既購買慾

最近行街成日見到好多好靚既刀叉set~~~

有好幾次好有衝動想買咗佢地返屋企! 不過每次我都好叻，及時臨崖勒馬!!!

一來屋企已經有大把刀叉，而家用緊既根本完全冇問題......

 最主要係屋企已有一套只用過幾次既44 pieces Oneida!

依套Oneida 已買咗幾年，不過我平時收埋唔用，只喺請客或有特別日子慶祝時先攞出來用~ 但係......大部份朋友來我屋企食飯，多數都會要求我煮中菜!

所以用既機會就更加少嘞~~~

之但係而家平時粗用果套Ikea，真係令我越睇越唔順眼!

不過當我每次想買新刀叉時，我又會覺得好浪費;

but 刀叉又永遠都唔會用得爛，咁咪即係成世都唔洗旨意買新刀叉???? 

真係好鬼矛盾啊~~~~

正當我就快忍唔住想買新刀叉時， 我唸到一個拆衷方法 - 就係攞套Oneida 出來平時用!  

咁我就會有"用新野"既感覺，繼而將我想買新刀叉既慾望，暫時勉強控制下來!

  因為套Oneida只用過三兩次，所以仲好新淨~ 攞返出來時真係好有"買咗新刀叉"既感覺!

 我非常鍾意依套刀叉既設計!  亦好鍾意聽刀叉碰撞時發出悅耳既"叮叮"聲，並唔係一般既"噹噹"聲......靚野果然係"鋼水"都唔同d!

雖然刀叉碗碟只係用來食野既工具，不過外型靚 + 品質好既餐具，對我來講就尤如藝術品一樣~ 食野都會食得開心d! 呵呵~~~~~