自製脆皮燒肉 & 蠔油灼菜芯
尋日老公開會早放工，3點零鐘就返咗屋企~ 其實佢開親會我都知佢會早返，不過冇預佢尋日咁早! 我計劃好尋日要燒燒肉、醃泡菜 + 煲湯~ 但老公一返到來就打亂哂我計劃! 佢會得閒就走入廚房搞亂我檔攤，騷擾我.............
燒肉前一晚已經風乾好，所以一定要燒; 大白菜亦醃乾咗水，所以一定要醃....唯獨係湯可以唔煲住! 搞掂哂已經係食飯時間~ 加上尋日整鬼唔見哂好多blog 相，心情好鬼down!! 都冇乜心機煮三餸...........
間唔中會有網友話我地得兩個人食都三餸一湯好鬼多~ 就襯尋晚得二餸 + 冇湯，來實驗吓 - 喺T 家少過三餸一湯可唔可行呢????? ----------------- 得冇話唔得既! 不過飯檯氣氛好冷清啊~~~~~ 而且我一定要有碟菜，所以老公咪不停咁夾燒肉囉!!!
Nah~~~ 最少都要三個餸!!!
講吓今次舊燒肉~ 今次係第二次整燒肉，醃料重手咗，因為我覺得上次唔係好夠味! 今次重手d燒出來好好味~~~~ 而且今次用咗個燒肉插，皮燒出來效果真係好好!!!! 有威化皮喎! 舊舊都脆卜卜~~~ 正!
自製脆皮燒肉食譜click here~
我見大家都咁有興緻整燒肉, 我都有啲衝動想整, 但睇到要風乾塊腩肉, 啲衝動沖走晒lu
回覆刪除[版主回覆08/29/2008 00:55:00]風乾塊肉有乜問題? 又唔係要用口吹乾佢~~~ 燒肉依期好紅呀! 妳都整返舊玩吓啦!!!
唔知掛係邊呀嘛
回覆刪除[版主回覆08/29/2008 16:31:00]好多人話要掛...但我都冇掛呀! 我放喺蒸架上面"浪"高佢，下面放隻碟得佢滴乾水之嘛! 咪一樣整到~~~~
走入廚房騷擾你???...wow...好多幻想呀...
回覆刪除[版主回覆09/01/2008 16:06:00]哈哈~ 唔係.....
只係佢會成日走入來廚房問我: 得未呀? 妳煮 / 做完野未呀???? 幾時搞掂呀???
又或者突然喺房嗌我，問佢乜事又唔應...死都要我入房搵佢! 入到去可能只係想鍚我一啖或者攬住我一陣唔比我走 + 講吓傻野咁.....(好鬼細路仔!!!)
咁妳話我點可以專心做 / 煮野??? 平時放工都好d~ 因為佢肚餓要食飯; 但佢一早放就想我陪佢~~~~