日式咖喱雞; 蛋包飯; 蒲燒沙甸魚 & 豆腐海苔味噌湯
本來依餐應該係上星期五整既! 不過果日掛住睇奧運開幕 + 又要整芝士餅for 第二日星期六比朋友......所以買咗野都冇煮到~~~~~~
好彩果日check 下食物存貨~ 有3盒唔同口味既日式咖喱磚，但其中1盒就來到期! 所以嗱嗱淋整咗佢先~~~~
星期日喺Tesco 見到有沙甸魚賣~ 罐頭沙甸魚就食得多，新鮮既就只有出街食飯時食過...自己整就係第一次! 雖然沙甸魚既骨係食得，但因為依幾條比較大條，有比較硬既骨，加上麻鬼煩老公唔鍾意食骨，所以我盡量抆清所有大骨小骨......不過廚房用來抆魚骨個拑仔唔知去咗邊~~~ 搵咗好耐都搵唔到!!!! 由於時間緊迫...於是攞咗我套Bally 修甲修眉套裝個眉拑!!!! 好彩老公話好鍾意個沙甸魚......咁都係值得既~~~
日式咖喱雞食譜click here~
蛋包飯食譜click here~
蒲燒沙甸魚食譜click here~
豆腐海苔味噌湯食譜click here~
拎個 眉拑黎抆骨 ~ 你真係對你老公好呀 我見過超市有人拎BBQ夾黎去三文魚骨
回覆刪除[版主回覆08/14/2008 02:09:00]冇法啦....事急馬行田~~~
BBQ夾? 好大隻果喎!!!
你地份日式晚餐好得呀！ 我最鍾意日式咖哩雞＋蛋包飯呀！
回覆刪除[版主回覆08/14/2008 02:11:00]我老公自從第一次喺台北"蛋蛋屋"食過蛋包飯之後就念念不忘! 咪整比佢食囉~~~ 日式咖喱雞真係好好! 甜甜地個個都食得，又好送飯~~~~~