Pain in the ass!

哇哇哇~~~~~~~~
踏入咗2014年成個星期，
我一篇blog 都未寫過......
因為我終於的起心肝將Yahoo 舊文一口氣搬哂過來!! 

花咗3日時間......
先用blogtrans 轉code...OK~ 唔算太耐亦唔太複雜;
不過我既Yahoo 備份有6個檔案，
每個檔案有接近3000張相，
要通宵開住電腦，
將依6個圖片檔案逐個upload 上Google Drive，
終於upload 哂所有圖片檔案...
但又要將所有圖片集中搬哂去其中一個檔案，
先可以加入blogtrans 轉咗既code，
令人嘔血既係 - Google Drive 搬相要click 一大堆buttons，
更爆血管既係 - 每次最多只可以搬50張相.......
就係咁我坐咗喺電腦前不停重複同一動作click 咗近千下!!!!!!!


我仲未搬舊文時，有扑友同我講無咗分類好難搵文...... 
終於搬哂舊文過來~ 
網誌分類都返哂來!
先要將Blogger 寫咗既新文分返網誌分類，
然後要整返個分類欄位出來啦~ 
點知........

Blogger 無分類依回事，用既係標籤，
不過Blogger 白痴setting - 標籤唔比自行排位，
要跟字母次序來排!
我blog 有57個分類，
食譜分類同吹水分類全部撈到亂哂!! 
救命~ 睇見都眼花!!!!

最後搵到另一個超麻煩既方法 - 用連結清單來整分類!
用連結清單來整可以將分類自行排位，
不過過程麻煩到唔想再提......
因為Blogger 誤刪咗我一篇舊文!! (火~~~~)

大家來睇睇我吐血後既成果......

大家而家會見到我blog 右手邊多咗5個欄位......
第一個叫做"阿V煮野食"，
所有食譜 + 關於煮食、廚房既網誌都喺哂依個欄位裡面~

另一個欄位叫做"阿V去玩";

再下面係"阿V嗜好";

 

如此類推...仲有"阿V吹水" + "孖T二人世界"~

至於右手邊最底欄就係原本既Blog Archive，

大家可以根據日期搵我出過既posts~

依鑊真係好金! 整得好辛苦!!

但而家網誌分類就好清楚一目瞭然嘞~

唯一唔好既地方係 - 每個分類無得顯示篇數囉......

不過總好過所有分類炒埋一碟撈到亂哂既!

我終於都發現- 原來Y!Blog 係咁先進咁可愛...(哭~~~~) 

剛剛又發現有d Yahoo 舊文無哂留言!

有點沮喪啊........