Fujimama (2009年8月30日)

Glasgow 出街食飯越來越少選擇，來來去去都係食果d野，真係唸到頭都爆!!!

尤其係食日本野~ 數來數去Glasgow 都係得果幾間: Ichiban, OKO Express, Yo!Sushi, Nanakusa + Wagamama......應該係咁多! 真係食到好厭!!!!

最近聽聞Braehead Xscape 裡面開咗間新日本餐廳"Fujimama"~ 雖然老公表弟已一早同我地講過 - Fujimama 好咋 (老公表弟喺果度做part time~)，不過weekend 去開Braehead Arena 睇Collectormania 2009 (comic fair)，所以順便去Fujimama 試吓有幾咋!

 一睇個餐牌已知唔對路 - 日本味濃既餐廳名字，但供應既係中、日、泰打亂種fusion 菜......

 不過店面好大，裝修都唔錯，坐得幾舒服!

 order 咗2個綠茶~ 好討厭佢地自家一套既茶壺 + 茶杯 - 個壺超大個杯超細，個杯一啖都無，要密密斟，且經常斟到一枱都係!!!!

仲有佢地超cheap - 因為我覺得佢地個茶包係之前用過既!!! 2壺綠茶無色無味如同滾水，我屋企都有依種綠茶包，如果茶包唔係已用過既話，根本無可能啖成咁!!!!!

 先order 咗一個係主菜既雜錦壽司~ 依個雜錦壽司要£12，但只得8塊且賣相奇差!!!

(我明明記得order 時睇餐牌話有9塊既，所以我懷疑佢地呃咗我1塊!!!)

雖然碟壽司咁核突，不過味道竟然唔錯! 比Yo!Sushi 更好~ 但因為太貴，所以唔值!

 老公主菜 - 炸豬扒定食~

 我既主菜 - 炸西冷定食~

- 2個定食都包味噌湯，湯夠熱但太淡;

- 老公既豬扒炸得外脆內juicy; 但我個西冷炸到甩哂皮，唔脆且肉好鬼靭!

- 白飯上有一種唔知咩辣汁，幾好食~ 不過白飯並唔係用日本米!

- Portion 超搵笨咁細碟!!! 飯只得一半，其餘一半係爛鬼生菜絲青瓜沙律 + 炸天婦羅剩低既麵衣碎!

P.S. 日本有d餐廳會將天婦羅麵衣碎包裝好，放喺櫃枱上讓客人埋單後免費取回家食用~ 不過依d下欄野用來做正餐serve 客人 - 真係第一次見!!

總括來講 - 依間Fujimama 真係把鬼! 唔會再幫襯~~~~

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

至於個comic fair 都無乜野睇! 連老公都話把鬼~~~

 不過我就同蜘蛛俠影咗張合照!