未善其事‧先利其器 - 我的烘焙好幫手

雖然我剛剛先開始學整麵包，而且蛋糕方面又唔拿手......但其實好耐之前我已為咗學習baking 作好準備 - 買吓買吓不經不覺就買咗大咋各種仲未用過 / 啱啱先開光既烘焙用具!!!

焗盆 / 模具

 麵包蛋糕模具~ 唔同形狀可以配合唔同需要......

 批 / 撻 / 甜品用具;

 焗盆 / 餅盆, 涼架;

基本工具

 電動Mixer~ 當年為咗學整紐約芝士餅比老公食 ，特登去Asda 買咗依個幾鎊銀既cheap cheap 雜嘜! 不過依個mixer 好好用，除咗有打蛋器果part，仲有麵糰勾~ 整麵包蛋糕都靠哂佢!!!

 可兌換唔同單位既電子磅~ 做麵包蛋糕唔同普通煮餸 - 各材料份量都要好準確，所以最好有個磅!

 麵粉篩~ (細果個用來裝飾蛋糕時篩糖霜! )

 唔同大小既塑膠 / 玻璃mixing bowls; 量杯 / 量匙~

 矽膠刮刀 + 齒梳膠刮~ 一直想買矽膠造既麵糰刮，不過搵咗好耐都搵唔到......後來比我靈機一觸 

- 唸到裝飾蛋糕忌廉表面時用既齒梳膠刮，可以代替麵糰刮! 特別用來分割麵糰時好好用!!!

 麵粉棒; 長柄木匙~

 矽膠掃 / 毛掃~ 我覺得普通毛掃好難清洗得乾淨; 矽膠掃雖容易清洗，但得做麵包時塗抹蛋汁效果麻麻......; 個人推介膠質毛掃(黃色果2隻~) - 掃毛幼細，所以塗抹效果好均勻，而且相當容易清洗乾淨!

 我用玻璃砧板做搓粉板~ 乾淨好用唔"扇"底!

 搓粉手套~ 類似手術用既即棄手套 (不過我依對係reusable!)，質地薄而貼手，衛生得來又容易感受麵糰質感!

蛋糕用具

- 上: 蛋糕轉盆 & 蛋糕分割器;

- 中: 忌廉唧袋 + 花咀 & 裝飾蛋糕糖粉花紋紙片;

- 下: 手動打蛋器~ 依個Zyliss 打蛋器超好用! 打蛋器頂部開口既設計，令材料容易流出，唔會殘留喺打蛋器上.......genius!

好日都唔用吓 & 完全未用過既工具

 N年前買咗枝火槍唸住整creme brulee，但仍然未開始實行! 枝火槍到而家仍然未入過gas.......

 烘焙陶瓷豆~ 用於焗大型撻底時，壓住撻皮，避免撻皮谷起變型!