好想食燒大舊牛，不過唔知係咪因為經濟唔好呢? 好耐都冇見過Asda 果隻Extra Special 28 days matured Beef Rib Joint......咦~~~~~ 人地燒牛肉指定要用依隻牛架嘛!!!! 
唯有退而求其次改食西冷扒.......不過唔知係咪因為西冷唔夠大舊牛食得咁痛快，之前果晚先食咗西冷，但"藥力"一過，第二晚牛肉癮又來發作!!! 所以.......
仲要晚晚都係配白飯 + 西蘭花 
......老公唔單止冇咋型仲同我癲埋一份，完全食得津津有味果隻!
......老公唔單止冇咋型仲同我癲埋一份，完全食得津津有味果隻! 
真係愛死我個grill pan啊~~~~
>>>>>>>>>>>>>>>>>>>>>>>>>>>>>>>>>>>>>>>>>>>>>>>>
尋日(7月23日)喺廚房搞足一個下午，三頭六臂同一時間整3樣野!!! 
麵粉糰正在發酵時，我就爭取時間去整朱古力雪糕......
我仲加咗碎朱古力喺雪糕裡面，老公仲話今次既雪糕更加香濃，仲好味過第一次整~~~~ (V記朱古力雪糕食譜click here~)
(自製蒜蓉方法click here~)
Oh I love my kitchen~~~
承你貴言經濟好返, 香港失業率升上4年新高, 如果英國好, 聖誕檔期訂單好,全世界好。
回覆刪除[版主回覆07/24/2009 23:45:00]我頭先打漏咗個"唔"字......我其實係想講 - "唔知係咪因為經濟唔好呢?" 睇咗妳留言後就即刻改返!
hi!!你好呀!!我叫MAGGIE 呀!!NICE TO MEET U~~我自己都好鍾意煮嘢食架!!但就無你咁耐性同好心機POST 上BLOG 啦!!見到你成日煮嘢食煮得開心!就算我只係睇你個BLOG 感覺到你好幸福呀!!睇完你個NLOG 人都開心D 呀!哈哈~~等我嚟緊又POST 吓煮嘢食上BLOG 先, 我地可以交流吓心得MA!!嘻嘻~~
回覆刪除[版主回覆07/25/2009 00:47:00]welcome + nice to meet you too!
煮野食係我其中一個嗜好，當初都係網友叫我開個blog 將食譜post 出來方便佢地搵，我先開始寫blog! 所以我個blog 主要都係以食譜為主~ 不過我嗜好太多，所以後來越寫越多野!
等妳既煮食blog 啊~~~~
hihi...見到d腸仔包真係好想食返個呀~!!!!!!!!!!!!what is 麵包改良劑 in english?????also 我都學咗你整大樽蒜蓉真係好香好香..你真係好叻呀
回覆刪除[版主回覆07/25/2009 00:58:00]我唔知麵包改良劑英文係乜呀! 包野我喺香港買架，不過個袋印住"bread improver"...... 老外整包都唔用依d野既! 我覺得就算知道喺外國都唔會搵到~~~~ 麵包改良劑係令麵包更柔軟，所以 妳不如試吓用湯種啦!
嘻嘻~~~ 樽蒜蓉我都係學網友整架咋! 我懶廢事煮親野都要刴餐死嘛~~~~
哈哈..話明整港式麵包嘛..一定要落 麵包改良劑嘅!!!我10月返ＨＫ...可以話我知邊道有得買 麵包改良劑???thanks thanksss..
回覆刪除[版主回覆07/25/2009 03:46:00]咁都要睇吓用既材料有乜作用架? 我個人認為既然麵包改良劑 + 湯種，同樣都有令麵包柔軟既效果，我覺得可以互相取代囉!
不過如果妳堅持要買麵包改良劑，二德惠可以買到!
洗唔洗咁勤力呀！我啱啱換咗個 George Foreman G5 Grill. 有五個 interchangeable pan. 好正！仲可以整埋waffles! Used last night! Love it!
回覆刪除[版主回覆07/25/2009 18:39:00]反正麵包 + 雪糕整既過程中間都要等~ 咪盡量用d空檔時間achieve 最多野囉!
我以前都有個GF grill，不過又重，塊扒厚少少又夾唔到前面.....用過幾次就擺埋咗一邊，早排比我揼咗! 個人經驗 - 煎扒始終最好都係用一個品質好既grill pan!
服咗你，果然係三頭六臂
回覆刪除依排我都好少食牛，因為細細啲濕疹最近嚴重咗，要戒下口
[版主回覆07/25/2009 18:40:00]連續食咗3晚牛肉，已經開始有少少厭嘞! 瘋牛症暫時受控制~~~~
你地可以唔駛出街食飯都得，妳咩都識整
回覆刪除[版主回覆07/25/2009 18:43:00]我都會有懶惰既時間~ 而且出街食可以搵新idea 啊!
我係英國個陣好少食牛, 因為我唔知點解覺得英國既supa market買既牛好so, 所以連扒都唔想試, 黎到澳洲我就開始食好多扒, 其實我係好鐘意牛扒, 呢度d扒又大又平, 西冷有時abt hkd 45 就有3大塊, t bone 就20 - 30 一大塊...仲有係夠脂肪~煎左佢入口香香地...正
回覆刪除[版主回覆07/27/2009 17:19:00]我都覺得英國牛肉有陣味! 所以我只買scottish beef~ scottish beef 同british beef 完全唔同架! 又香又tender~~~~ 我一定食得出分別!
想當年我都整過腸仔包, 整完真係好開心0架~~
回覆刪除[版主回覆07/29/2009 19:24:00]整任何野整得成功我都會好開心!
點解你煎d牛扒咁鬼靚既...我都買左個坑紋鑊煎牛扒..但煎出黎都吾靚...係吾係一路煎時一路要壓吓塊牛扒..咁d坑紋才會靚呢?
回覆刪除[版主回覆07/30/2009 15:45:00]依個要睇吓妳個鑊坑紋夠唔夠深嘞~ 我之前果個Tefal 都係有坑紋，但坑紋好扁，完全煎唔到依個效果! 我唔洗壓吓塊牛扒架，我可以一路煎扒一路做其他野~~~