自從Glasgow 開咗2間台式珍珠奶茶店 - "休閒小站"之後，我間中會去買蜂蜜綠茶，而老公就指定要"Mango Blended Ice" - 芒果冰沙!
上次喺巴基斯坦店買到Honey Mango，用來整咗V記芒果雪糕，老公2日就搞掂哂一大盒; weekend 去咗買傳說中既Alphonso Mango，不過都係搵唔到~
於是就買返Honey Mango，今次用咗來老翻"休閒小站"既芒果冰沙! 
食譜係YouTube 既video......材料: 芒果肉1杯, 冰塊1杯, 清水1/3杯, 果糖40cc (即40ml)
video 中最後仲有用切碎芒果粒鋪面來裝飾......
老公話味道激似休閒小站! 不過我就覺得爭咗休閒小站果種香味 - 因為休閒小站既芒果冰沙加咗芒果香精嘛~~~
睇來老公好鍾意老翻版本~~ 整完杯冰沙我只飲咗2啖後就走去洗搞拌機......洗完野出返來老公已經成杯搞掂哂! 一滴都冇剩!!!!
果然係好簡單又易整嘅消暑飲品喎
回覆刪除[版主回覆07/05/2009 01:50:00]超簡單易整~~~~
有人咁整俾我飲我都好好快飲曬呀!
回覆刪除[版主回覆07/05/2009 01:50:00]早知我啜多兩啖先去洗野.......
好正呀!!!!! 晴晴都好like架~
回覆刪除[版主回覆07/05/2009 01:46:00]妳又整比晴晴飲吖!
我對冰沙麻麻地...我既至愛係檸檬蘆薈+檸檬多多(益力多),勁好味...我初初黎台灣既時候同老公開過珍珠奶茶店,有學過一段時間,不過而家冇再開店o係屋企都懶得整!果糖應該唔難搵架,你去chinese supermarket應該搵得到
回覆刪除[版主回覆07/05/2009 01:44:00]自從香港 + Glasgow 有咗台式珍珠奶茶店之後，我來來去去都係飲蜂蜜綠茶少甜，好少試其他野，到而家我都未試過珍珠奶茶!
我而家用既都係果糖呀! 不過唔係果糖糖漿之嘛~
我之前未生騫寶寶都成日整沙冰....用益力多+不同味既雪糕+新鮮果肉...超正~~~
回覆刪除[版主回覆07/05/2009 01:41:00]而家唔整嘞?
我早幾日整了芒果流心布甸及益力多芒果流心芝士蛋糕 ( 未有時間post ) , 自己整的 芒果汁好好味 , 所以我覺得會整沙冰會好 "正" .
回覆刪除沒有香精仲好囉 , 健康D呀 ! 香港近日好多大大個水仙芒呀 ~
[版主回覆07/05/2009 01:39:00]夏天芒果當造~ 依度買到既honey mango 都好大隻好香甜! 芒果真係可以造到好多甜品~~~
芒果冰沙我鍾意呀！
回覆刪除[版主回覆07/05/2009 01:37:00]妳又整返杯吖!
咁啱既，我尋日同細細都share咗杯芒果益力多沙冰，唔知係咪芒果啱時呢，杯沙冰好香芒果味
回覆刪除[版主回覆07/05/2009 01:37:00]其實喺街買既冰沙，大部份都有加香料架!
你而家開始整多左甜品喎~ 我好鐘意甜品0架~~
回覆刪除上次同你講的 編織網. 你得閒去睇下啦. 都幾易睇的
http://www.gosyo-shop.jp/html/newpage.html?code=23
[版主回覆07/05/2009 17:10:00]依排英國熱死人~~~~ 熱都乜都唔想食，更莫講話三餸一湯，我唸煮咗都唔想食! 不過唔煮野我又手痕~~~ 咪整d老公鍾意食既野囉!
唔該哂妳比條link我，但我遲d試吓先! 而家太熱~~ 如果而家織野，d人可能會以為我係痴線既.......
好想食呀~
回覆刪除[版主回覆07/06/2009 01:06:00]咁快d去買 / 整啦!
我後悔......
回覆刪除點 我唔係Glasgow!!!!!!!!
[版主回覆07/06/2009 01:06:00]妳果頭有冇休閒小站呀? 冇既話就自己整啦! 好易之嘛~~
正呀 睇到都透心涼呀
回覆刪除[版主回覆07/07/2009 02:07:00]超易整~ 妳整野食咁叻，兩三下手勢就搞掂啦!
芒果冰沙so refreshing for the hot summer!
回覆刪除[版主回覆07/07/2009 16:51:00]that's why my husband loves it!
杯野靚就靚喇,點解甘"橙"既?唔係黃色既咩?
回覆刪除[版主回覆07/07/2009 16:48:00]Honey Mango 係好橙色架! 而且好香好甜~~~~
easy then I also know how to make!!
回覆刪除[版主回覆08/08/2009 03:18:00]good for you~
唔知你講個間休閒小站, 同係Perth(西澳洲)既係咪同一間呢? 如果係佢地都幾國際化bor (雖則佢地係FRANCHISE)...
回覆刪除[版主回覆06/03/2011 00:26:00]應該係嘞! 因為佢地以前個杯印咗世界地圖，好似好多國家都有franchise 分店~ Glasgow 依度有2間!