尋日(7月30日)跟住卡通片"日式麵包王"用電飯煲焗咗個"日本麵包2號"，不過外表 + 質感都唔多似樣......
今朝起身入廚房篤吓尋日既2號，佢已經全身冰冷僵直，外硬內靭!!!
知衰自己尋日偷懶搓粉搓得好求其
; 加上唔清楚焗既方法 + 時間......
; 加上唔清楚焗既方法 + 時間......
好彩網友Samwei 比咗另一位網友Toby 既link 我睇，於是今日我就參考咗依位網友所焗既時間，成功地焗出一個外脆內軟既"日本麵包2號"!
大家睇吓個包軟綿綿到禁扁咗會彈返原位果喎!
今次既"日本麵包2號"之所以成功，除咗因為我有不屈不撓既精神之外
，仲好可能因為我改用咗最新買既Hovis 麵粉!!! 
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
依個"日本麵包2號"簡單易做，就算屋企無焗爐都完全無問題~ 雖然係卡通片食譜，但味道質感都係真正既麵包，並唔係小朋友質素! 而且依個麵包同好多西菜都好配合，所以我會keep 住整 - 連西式麵包都唔洗去超市買嘞~~~~
尋日有網友話想試吓整依個麵包，但唔清楚焗既步驟......今日我參考咗人地既做法，不過因為飯煲類型唔同，所以最終我都將焗法更改咗少少!
以下係我自己既做法......
以下係我自己既做法......
1. 第二次發酵後按煮飯制，由於麵包既水份少，所以約5-10分鐘後，就會跳去保溫功能;
2. 當跳到保溫功能後先等5分鐘，然後再按煮飯制~ (由於我個係智能電腦飯煲，跳到保溫後如果即時再按煮飯制，會按唔著 + 不停彈回保溫功能! 所以要等5分鐘~~~)
3. 到飯煲再跳制到保溫功能，將麵包反轉焗另一面，如上程序按煮飯制3次!
P.S. 我參考網友做法 - 只反麵包1次; 但我焗第一面只按制2次; 反轉麵包後的一面則按制3次!
嘩,睇嚟真係好得噃~
回覆刪除[版主回覆08/01/2009 00:18:00]電飯煲真係焗得到麵包架! 而且仲好好味~~~~
我想問~~佢話於第一次發酵後, 將由50cm把空氣壓出?咁係唔係輕力拍打呀?定係有第2個做法呀??我唔係好明佢講d 咩呀!?
回覆刪除[版主回覆08/01/2009 00:22:00]我都覺得佢講得唔清楚，都唔知佢up 乜? 我自己都唔多明! 所以我只係用一般放氣既方法 - 平均地輕輕力咁壓扁少少~ feel 到有氣出來就得嘞! 反正第二次發酵會脹返......不過都唔好壓到實一實喎!!!
個麵包好似記憶枕咁，曉回彈喎
回覆刪除[版主回覆08/01/2009 00:24:00]哈哈~~~~ 我影video 之前，果舊包已比我禁過幾次架嘞! 幾鬼犀利呀，禁極都彈返上來喎!!
好想食，不過真係無信心可以整到你咁叻，加上最近主婦手發作，都係不太想煮嘢食，因隻手不可拈水.好在老公在星期日會煮比我們食,不用我操心.
回覆刪除[版主回覆08/01/2009 18:11:00]"自古成功在嘗試"嘛! 我第一次整都失敗咗，失敗後從中檢討錯處，下次再試時注意多d，咁始終會做得成功架啦~~~ 而且整得好過我好多既大有人在......
我冇主婦手~ 我又唔想有，所以我整好多野都會帶手套! 我搓包都有帶食物用即棄手套架!
有天份即係有天份,我想學都学唔到,by the way我好like个飽型wor, 夠特別.
回覆刪除[版主回覆08/02/2009 05:20:00]過獎嘞! 我整到既野，只要肯嘗試，人人都可以整得到~~~
我覺得依個形，似芝士多過似麵包!
V女, 有事想請教:
回覆刪除見完你整既包, 我都想的起心肝試下~
但我 baking 是零天份, 如果作為一個新手, 邊款飽最容易整?
腸仔飽 還是牛油排飽??
Thanks!
[版主回覆08/02/2009 05:23:00]我自己都係超新手~ 不過我覺得整麵包最緊要係搓粉既部份，只要依部份做得啱，整腸仔包定牛油排包都冇乜分別!
我尋日尊登去買整麵包材料, 諗住今日去我亞媽到整呢款麵包俾佢食, 點知下午差唔多五點整, 我將所有材料放曬入電飯煲內, 再搓咗成兩個鐘, 都令唔到啲麵粉變咗一舊, 究竟要搓幾耐先可變一舊架, 最後我休息咗陣, 諗住食完晚飯再搓, 我見到啲麵粉脹大咗, 發酵咗咁, 但都係好稀, 咁我再搓, 老公話會唔會我唔夠大力, 所以佢都幫手搓埋一分, 點知都唔變一舊, 點解會咁架, 我已經跟足短片教嘅分量, 會唔會係水同牛奶太多呢? 所以搓極都咁稀, 因我見你另外介紹toby個blog, 佢牛奶同水嘅分量都比卡通片嘅分量少好多, 咁究竟你係跟邊個整架? 你搓咗幾耐變一舊? 佢唔變一舊我都唔可以再做第二步驟, 將牛油放入...., 要你幫我解決, 我想聽日再整過。
回覆刪除[版主回覆08/08/2009 03:02:00]頭先已睇咗妳另一個留言......加多咗成10倍奶......搓一個星期都唔會搓到一舊啦!
btw 我係跟卡通片既份量; 只係焗既方法 + 時間跟Toby!
回覆刪除你有無學TOBY俾你條LINK個BLOD友咁, 第一次發酵完, 用棍碌成一塊再摺成一圈, 之後先發酵第二次呀? 我尋日整咗第三次呢隻包, 但都無你咁軟熟, 啲紋咁平均, 唔知係唔係第二次發酵前我無用棍碌呢? 我學卡通片用手按放氣再摺埋一圈, 你係點整架?
我搓粉圈搓咗兩個鐘, 你搓幾耐架?
[版主回覆08/12/2009 15:31:00]冇~ 我好似整其他麵包咁攞粉糰出來輕輕拍幾吓放氣，然後再發酵!
搓粉糰搓成2個鐘???? 太太太耐嘞!!! 加咗酵母既麵糰，一路搓時，手既溫度已經會令麵糰開發發酵; 妳搓完仲要去發酵.........麵糰過度發酵係會焗唔起 + 有機會變壞架!!! 我搓咗20分鐘左右咋~~~~
你焗第一面時按電飯煲二次制, 咁係唔係照卡通片一樣用60分鐘焗一面, 咁你另一面按咗電飯煲三次制, 咁用咗幾耐時間呀?
回覆刪除[版主回覆08/12/2009 15:39:00]唔係~
我冇計住用咗幾多時間! 個個電飯煲功能唔同，我自己係禁制 > 跳制 > 等5分鐘 > 再禁制~ 不過唔知妳個飯煲係點，可能方法會有所不同!
加咗牛油後, 真係要搓好耐搓成兩粒鐘先至唔痴手喎, 點解你吔可以咁快嘅, 會唔會我無戴手套搓呢? 我開頭戴手套真係好快可變一圈, 但因feel唔到仲痴唔痴手, 所以我除咗手套。
回覆刪除我就係見toby條link話偷懶可整呢款麵包, 但我見我搓咁鬼耐, 點諗都唔合鑼輯係偷懶麵包, 究竟錯係邊呢?
[版主回覆08/12/2009 16:48:00]每個人手勢 + skills 都唔同，我真係好難話比妳知邊度有問題...........
呢個係我整嘅電飯煲麵包, 但無你吔講到應整出嚟係好軟熟, 凍咗仲幾似法國包tim, 我爸爸都話好食, 但都係話似法國包咁囉, 我諗我焗得太耐, 我第一面焗咗60分鐘, 第二面都係, 其間我仲成日開個飯煲睇tim...
回覆刪除[版主回覆08/12/2009 16:50:00]其實都幾靚呀~ 依個麵包係西式麵包來果喎! 係外面脆裡面軟架~~~ 如果妳唔滿意，咪整多幾次試吓自己改良囉!
咁你係計戴手套唔痴手定無戴手套唔痴手作準則架?
回覆刪除唔好意思好長氣, 但真係好想整到一個好嘅麵包。
[版主回覆08/12/2009 16:56:00]我頭幾次整麵包時冇帶手套~ 而唔黐既意思係唔黐手! 不過如果麵糰係黐手既話，其實手 + 手套都會黐架!
帶手套只係我自己既習慣，我覺得衛生d，並唔一定要帶!
我戴手套時就唔痴囉, 好快搓成一圈, 但一除手套, 就痴實曬"將"住曬我隻手, 唔通我隻手唔夠熱...? 定唔夠力呢...???????????????????????
回覆刪除[版主回覆08/12/2009 17:08:00]會唔會係妳帶既手套太厚呀? 妳係咪帶洗碗既手套呀? 除咗痴手，咁麵糰拉唔拉到薄膜呀?
我唔知妳實際情況係點，真係好難話妳知喎! 妳咪買咗本麵包書既，妳有冇睇過呀? 裡面有冇講點搓麵糰?
我係用bbq時攞生食物嘅手套。
回覆刪除係喎, 我可睇我本麵包書喎, 多謝你提我。
佢話將麵糰移至工作檯, 由內往外楺, 同埋將麵糰由空中甩向工作檯, 佢話做甩麵的動作可加速麵糰之黏性。
咁我再試過搓啦, 我宜家好鐘意整麵包呀, 我好鐘意佢發酵過程, 同埋焗好個感覺。
[版主回覆08/12/2009 17:39:00]妳本麵包書有冇示範搓粉糰圖示? 初學整麵包，最好買有圖示既書喎，我最常用果2本麵包書全部都有圖示架! 如果妳真係鍾意咗整麵包，我suggest 妳買一本有麵包基本功圖示既書!
佢有圖好詳盡架, 每個步驟都有相, 所以宜家我明曬喇, 我聽日諗住整香腸包呀!
回覆刪除[版主回覆08/12/2009 17:58:00]整完post 出來睇吓吖!
頭先興起走去搓包，點知搓極都痴手，都已經跟足我本麵包書既份量，激死我，嬲得滯，放入電飯煲度發酵，一陣焗埋去，焗起醒我兩隻狗狗，今次又失敗，好火呀!!!!!!!!!!
回覆刪除[版主回覆08/13/2009 01:21:00]焗完出來先知成功定失敗! 可能會有意想不到既效果呢~~~ 豆腐 + 腐乳咪又係意外驚喜咁發明出來!!!