做8個腸仔包......
1. 高筋麵粉224g, 砂糖56g, 即用酵母4g, 麵包改良劑2g, 牛油或豬油20g, 暖水95ml, 牛奶2湯匙, 蛋1/2隻, 蛋黃色食用色素少許 (optional~ 所以我冇用!)。將所有材料在盆中混合拌勻。
2. 將麵糰放在撒粉的平面上搓揉。
3. 將麵糰搓揉至麵糰光滑，有彈性而不黏手為準。
4. 將麵糰放在塗油大碗中，蓋上保鮮紙先發酵30分鐘; 取出摺拍數下放氣，再發酵30分鐘。
5. 將(4)已發酵完成的甜麵糰分成8等份(最好用磅量度!)。
oh! 廚師牌"雞肉腸, 非常香港風味.........好掛住呀!!!!
回覆刪除今次一出爐砌底o左幾多個??
[版主回覆07/24/2009 16:44:00]我同老公一人一個，因為10分鐘後開飯!
真係好鬼正!! 期待睇你的 "雞蛋仔"呀!!
回覆刪除[版主回覆07/24/2009 16:41:00]多謝! 屋企冇木薯粉，weekend 去買咗後即刻開工整雞蛋仔~~~
賣相仲靚過係麵包鋪買過D,你真係掂...
回覆刪除[版主回覆07/24/2009 16:37:00]多謝! 不過又靚唔過街買果d......未入爐前我覺得卷得好肉酸，好彩焗完出來個樣都OK!
好靚好靚呀, 見到都好想食, 好勁呀你!
回覆刪除[版主回覆07/24/2009 16:35:00]多謝! 不過我都係第一次整來試吓，發現都唔難整，所以我唔勁~~~~
我想問下過咗期嘅高筋粉, 發打粉, 提子乾....仲用唔用得, 我睇落又好似無乜問題, 但唔知整好咗嘅蛋糕又食唔食得呢?
回覆刪除[版主回覆07/24/2009 16:34:00]過咗期我就唔會搏嘞~~~ 有好多時食物變咗質係肉眼睇唔到既.......
P.S. 高筋粉用來整麵包果喎! 整蛋糕應該用低筋粉喎.....
超靚仔喎......呢排你真係勁整包包喎....英國係咪無呢D包食架..??
回覆刪除[版主回覆07/24/2009 16:32:00]多謝! 我想趁依排熟手練好d搓包嘛~ 不過今次都只係我第二次整包......
英國有依d包賣~ 不過自己整有得玩又有得食嘛!
我o係英國都係只係食依隻腸,其他就唔鐘意依,但依然同香港既冇得比!!!腸仔包好味....
回覆刪除[版主回覆07/24/2009 16:29:00]英國可以搵到最似香港雞肉腸既，咪只係得依隻囉~ 好過冇啦! 不過英式肉腸我都鍾意，不過唔啱用來整腸仔包~~
腸仔包，我兩隻馬騮鐘意，真係要搵日試下整，練定第日整比彤彤返學做茶點
回覆刪除尋日見你寫搓包中，仲以為你又整菠蘿包添
[版主回覆07/24/2009 16:23:00]我果本麵包書幾好用，我唸住試哂裡面我鍾意既包包! 菠蘿包一定會再整，因為老公 + 我都好鍾意~ 我尋日買咗舊豬油，唸住下次個皮用豬油搓!
你依本書我係書局都睇過，真係好多港式麵包
回覆刪除我用過麵包機整方包，整極都麻麻地，會唔會係因為有加到 "麵包改良劑" 呢?
[版主回覆07/24/2009 18:41:00]我整麵包係超新手，仲有好多關於麵包既野要慢慢研究~ 不過妳所講既"麻麻地"即係點呀? 個方包有乜問題先? 唔夠軟熟?
麵包改良劑係用來令麵包更柔軟~ 我睇過成份並唔係化學野來! 如果唔用麵包改良劑既話，應該可以用湯種來代替!
打錯字添，係冇加到 "麵包改良劑"
回覆刪除[版主回覆07/24/2009 18:44:00]麵包改良劑喺二德惠有得賣~ $5包, 不過每次只用好少，所以一包有排用!
btw 依本書真係幾好，我強力推介! 如果妳有心整港式麵包的話，我都suggest 妳買依本~~~~
嘩~ 妳呢排玩整包玩得好開心咁喎,不過妳整幾多,妳老公都會幫妳清倉嘅
回覆刪除[版主回覆07/24/2009 22:44:00]都唔係好多啫~ 大前日既菠蘿包、尋日既腸仔包 + 焗緊未出爐既午餐肉包......頭尾夾埋3次之嘛!
腸仔包我都鍾意，還有雞尾包，提子包．．．．．
回覆刪除廚師牌既雞肉腸好正，我BBQ時一定會食
但我都鍾意英國食既豬肉腸喎！
[版主回覆07/24/2009 23:00:00]雞尾包我麻麻地(甜嘛!)，不過老公好似幾鍾意，所以我遲吓都會試吓整~~~~~
好靚好吸引呀, 你第一做都成功了. 我都想做, 可惜冇麵包改良劑.
回覆刪除[版主回覆07/25/2009 00:13:00]多謝! 麵包改良劑既作用其實只係令麵包更柔軟，冇麵包改良劑既話，其實可以唔用~ 或者改用湯種!
係呀....我打錯咗高筋粉呀!
回覆刪除我睇落整腸仔包好易又少材料, 所以我又諗住試下整呀!
[版主回覆07/25/2009 17:37:00]如果妳要整腸仔包就係用高筋麵粉~ 整蛋糕就用低筋麵粉!
I've been baking bread almost every other day since I bought the bread machine. I bake hotdog buns last weekend. It was gone before I was able to take pictures of it!
回覆刪除[版主回覆07/25/2009 17:36:00]i dont have a bread machine and i dont plan to buy one, since i made my 1st bread all by hand successfully!
我都試過用Herta Frankfurters Classics啊~不過出黎之後覺得個味好唔似~~ 你試下用Herta Frankfurters Chicken丫~我諗應該會似d架！我之前一路唔realise廚師牌係雞肉腸，到我frd提醒我之後一路都想試，但係never got round to it!!!!!不過好似淨係asda先有得賣架咋~~~~
回覆刪除[版主回覆07/25/2009 17:33:00]其實我都有試過Herta Chicken 架嘞，不過都係唔似香港果種雞肉腸!
Herta Chicken 喺我依度只得Tesco 先有得賣~ 其實我屋企附近又有Tesco 又有Asda，不過我整包果日懶行去Tesco啫! 不過我覺得用Herta Classic 整出來已經唔錯嘞，homemade 野始終冇可能整到一模一樣架啦~~~
面包都ok, 掂, 讚
回覆刪除[版主回覆07/25/2009 20:20:00]Thank you very much!
我初整麵包都是睇書架 < 自家製麵包 -- 雪媽媽> < 65度湯種 > <孟老師麵包> 囉 .....
回覆刪除[版主回覆07/26/2009 19:25:00]
我覺得依本<香港麵包>唔錯! 好多我鍾意食既基本麵包都有，又冇相step by step~~~~
孟老師果本我都有唸過買，因為有DVD 可以跟住做，不過我覺得太貴; 雪媽媽果本立過吓，但裡面既麵包我興趣唔大; 之前都有立過65C，不過冇買，但見好多人用又讚好，而家唸緊買唔買 - 因為我除咗本<香港麵包>之外，仲有另外2本未用過既麵包書!
嘩~~ 好靚呀d包~~~ 好想食返個!!!!! 我之前都試過整湯種腸仔包, 不過發得唔夠好, 焗唔起呀~~ 等老公開學時, 再試下跟你食譜整先~~
回覆刪除[版主回覆07/28/2009 18:11:00]多謝! 今次係我第2次整包，第1次整腸仔包~ 有咁既成績我都好開心! 老公果日帶咗4隻返工做lunch，佢d staff 見到話想試吓，佢地都話好軟好好食~~~~
我而家用緊麵包改良劑，仲未學湯種點用! 遲吓我用哂d麵包改良劑，我會改用湯種~~~
HI, 我跟你整左啦. 當然冇你個咁得啦, 得閒嚟睇睇啦. THX
回覆刪除[版主回覆08/02/2009 05:25:00]整咗嘞~ 一陣過去睇妳作品!
謝謝你的分享啊! 我拿拿林去左本書跟住整! 雞手鴨腳整左, 好好味! 多謝你的介紹啊! 你整得個包形好靚!
回覆刪除[版主回覆08/06/2009 16:49:00]唔洗客氣~ 妳買到本書呀? 有網友話買唔到.......書裡面仲有好多其他麵包，有時間可以試吓其他種類!
請問麵包改良劑係邊度buy ?
回覆刪除[版主回覆08/08/2009 18:46:00]喺"二德惠"烘焙用品店有售~~~
http://www.twinsco.com
2. 將麵糰放在撒粉的平面上搓揉。撒粉係用咩粉呀?
回覆刪除[版主回覆08/09/2009 07:36:00]咪撒返高筋粉囉! 少少夠架嘞，作用係唔想黏板~~~
我本書教整麵包用奶油, 咁唔用奶油用牛油得嘛, 奶油惠康個啲有無呢?
回覆刪除[版主回覆08/12/2009 17:53:00]奶油咪即係牛油囉! 妳果本係台灣書來呢? 牛油係香港人叫法; 奶油係台灣人叫法~~~
我見佢圖片睇落唔係咁似牛油, 有啲帶cream咁。
回覆刪除我等唔切聽日先整香腸包, 啱啱整好放咗入焗爐, 等緊最後一次發酵就可焗喇!焗成俾張相你睇。
我終於搓到光滑嘅麵糰喇! 不過都無你吔搓得咁快, 都差唔多成粒鐘。
[版主回覆08/12/2009 22:30:00]牛油放室溫至軟咪有d帶cream 囉! 我唔知妳本麵包書後頁有冇材料名稱香港 / 台灣對照? 我d麵包蛋糕書後面全部都有~
我都喺廚房整緊菠蘿包! 等發酵先"了"出來上網~~~
回覆刪除你睇下我今次搓得幾靚, 好光滑呀, 但都無你吔搓得咁快, 都搓咗四十五分鐘。
係唔係睇落都幾好咁呀? 一切都好順利, 但.....
...最後都係燶咗啲, 我諗我個焗爐太熱, 雖然我都係較200度, 但好快燶, 到第二次我較170度, 都係好快燶, 可能因為我係較咗上下發熱, 等我聽日試下較150度, 淨上面發熱, 可能會好好多。
[版主回覆08/13/2009 01:41:00]係喎~ 個麵糰真係搓得好好喎! 咁樣啱架嘞，加油啊~~~
唔同焗爐真係可能要用唔同溫度架! 我用果種一大座既焗爐有風扇喺裡面，溫度好平均~ 而且焗爐較大有3層，所以我會放中間果層，唔會太近頂既發熱位; 妳依種細既焗爐仔，一係較低溫度，一係就焗短少少時間~ 妳可以一路焗一路睇住包面有冇燶架嘛!
其實除咗個包面燶咗少少之外，全部都好靚啊~ 脹卜卜! 整多幾次就會越來越靚架嘞!
你好,,, 我想問問...1/2隻蛋即係?? 我係新手..想問我 清潔d..thx,,,><
回覆刪除[版主回覆08/25/2009 15:54:00]1/2隻蛋 = 半隻蛋~ (將蛋先打勻後取一半!)
跟了你個食譜做, 好WORK. 多謝分享!
回覆刪除[版主回覆09/24/2009 16:40:00]唔洗客氣! 我過去睇咗嘞，妳整得好好啊~
我又買左D腸仔, 聽日試一試先..
回覆刪除[版主回覆10/18/2010 06:01:00]好呀~ 整完post 出來分享吓吖!
又是交功課私時間了
回覆刪除http://hk.myblog.yahoo.com/ckitty_waisze/article?new=1&mid=1938
我跟足你D份量,但係好濕,我搓佢,連我D手指都打唔開,WHY? 95mI 水and 2湯匙奶........
回覆刪除i follow your recipe,but that was very wet , i try to make but they stick on my all finger ,even my finger could not open and move ,why ??? 95ml water and 2 table spoon milk .........
回覆刪除i try to follow your recipe but it was too wet , i try to make but they all stick on my finger ,my finger cannot move or open , why that wet ?
回覆刪除i try to follow your recipe but that was too wet , i try to make it but they stick on my finger ,my finger cannot move or open ,why that wet ?
回覆刪除