1. 免治豬肉用胡椒粉、生抽、糖和粟粉拌勻醃好。
2. 生蠔瀝去水份，加入麵粉1湯匙用手撈勻，用清水洗淨麵粉。(麵粉可黏著蠔肉上的雜質~)
3. 生蠔汆水約30秒即撈起，過冷河抹乾 (過冷河可防止生蠔收縮)，撲上適量生粉備用。
4. 燒熱油鑊下免治豬肉炒至至8成熟，灒少許砵酒炒勻後盛起。
5. 再燒熱油鑊，爆香薑3片、乾蔥頭3粒(切半)和洋蔥絲1/2個。
6. 加入生蠔煎至金黃，用生抽、老抽、糖和雞粉調味，免治豬肉回鑊炒勻至熟。
7. 加入青蔥段和砵酒兜勻，上蓋焗2分鐘上碟即成。
睇完妳個blog，妳好叻！識煮/做咁多美味的食物，我都要跟妳好好學習呀！
回覆刪除[版主回覆07/29/2009 23:58:00]過獎嘞~ 我其實都係向其他人學習架咋! 咪當大家交流吓囉~
我想問你用 "麵粉"可黏著蠔肉上的雜質,用生粉ok嗎..?
回覆刪除[版主回覆07/30/2009 15:11:00]麵粉生粉都可以!
這個餸 ... I Like it ..
回覆刪除[版主回覆07/30/2009 18:56:00]依個真係好惹味架! 最衰屋企唔夠蠔，我先加肉碎咋! 我覺淨蠔應該仲好食~~~
睇到都覺得惹味啦～～
回覆刪除[版主回覆08/01/2009 00:34:00]係呀~ 個汁好好送飯架!
我俾老公睇你幅相佢都話好正咁喎, 因為我老公都好鐘意食呢味餸架! 我都鐘意呀!
回覆刪除[版主回覆08/03/2009 04:09:00]原本我唔加肉碎架，不過屋企唔夠蠔，所以先加埋肉碎~ 不過加咗又幾好味喎! 妳 + 妳老公都鍾意既話，咁妳都試吓整啦!