今日係損友們大日子 - "蘇格蘭華人足球7人杯"~ 
除咗因為損友們有份參賽之外，仲因為損友們係搞手之一，佢地早2星期已通知我 + 老公一定要出席支持!!
今次足球賽成個活動由泗和行集團贊助; 總共有24隊來自蘇格蘭不同城市既足球隊參與e.g. Edinburgh, Aberdeen, Perth, Fife......當中仲有隊員係特登由Liverpool 渣車上來參賽! (Liverpool???
)
)
雖然足球並唔係我 + 老公果杯茶，不過老友們叫到又點可以托手踭呢?
去到比賽地點時，先發現原來我cousin 都有份比賽! 不過cousin 果隊一早已out 咗......
賽事完咗之後，喺昆仲軒有個頒獎禮，仲訂咗10張枱慶功~ 我地當然有份去啦! 
頒獎前仲有抽獎，先抽賓客既獎......
第一個竟然抽中我!!!!! 當時我掛住畫點心紙order 野食，老公提我我先知道抽中咗我......
由於我 + 老公坐搞手既"主家席"，加上第一份就抽中我......損友們即時起哄大叫"造馬"! 哈哈~~~~
今日餐lunch 仲係用比賽獎金找數，豆零都唔洗比呀! 真係又食又拎!!!
哇卡卡卡卡~~~~
哇卡卡卡卡~~~~
恭喜!恭喜! 咁你會唔會去洗剪吹呀?
回覆刪除[版主回覆07/20/2009 15:17:00]多謝~ 不過我唸我會比老公剪，因為我一向唔喺英國剪頭髮架! 西人好難剪得合心水......
一向都認定你係幸運兒, 今次又一例証。
回覆刪除[版主回覆07/20/2009 15:23:00]其實我一向都冇乜抽獎運架~ 如果我冇記錯的話，今次應該係第一次抽獎抽中!
不過都係志在搞氣氛既啫~ 抽唔抽得中，個個都一樣開心!
我睇左你個 blog, 咁耐，真係好羨慕你，又有咁多人痛鍚，又咁好運
回覆刪除[版主回覆07/20/2009 15:29:00]我都覺得自己好幸運，好多人鍚我~ 我都一樣好鍚佢地架! 不過唔洗羨慕我，每個人都應該珍惜眼前人嘛~~~
你咁好彩既，食青口就食到珍珠，大獎又比你抽到，幾時中埋六合彩呀
回覆刪除[版主回覆07/20/2009 16:00:00]哈哈~~~ 可能我老友真係造馬呢!
又真係好好彩呢
回覆刪除[版主回覆07/21/2009 15:41:00]第一次咁好彩咋~
Hahaaa~~~ I love how they just "wrote out" your prize!!!!! How did ur cake go btw??? Or hv u not got round to it yet?
回覆刪除[版主回覆07/21/2009 15:47:00]"jst wrote out the prize" - it's not that unusual in the UK!
i was a bit fed up with cakes at the moment, having a wee "cake break" just now, probably will try it again later this week.
其實你天生都幾幸運喎!嫁咗好老公,上次燒烤又食到成口真珠,今次仲中埋獎,你可唔可流些少運氣過我呀?哈哈!
回覆刪除[版主回覆07/21/2009 23:28:00]其實我並唔相信"天生幸運"依樣野! 只係有時我地冇留意到身邊其實有好多小野都值得我地開心啫~~~~
咁好彩抽到大奬, 個到剪頭髮係唔係好貴架? 乜你俾你老公剪架, 你老公有學過剪頭髮咁厲害。
回覆刪除[版主回覆07/23/2009 17:40:00]依間就咁洗剪吹都要幾百蚊港紙架!
唔係~ 我喺英國係唔剪頭髮架，因為西方人唔識剪中國人頭髮! 而且我好奄尖 - 我同V媽媽都係要用同一個髮型師，所以我返香港先剪頭髮!
我話比老公剪既意思 - 係將抽到既獎比老公用呀!