白酒忌廉煮藍青口 (Mussels in White Wine Cream Sauce)

市面上售賣既藍青口，部份係來自人工繁殖既"青口田"，外殼比較少寄生物; 而且喺包裝出售前已將外殼處理乾淨!

不過如果係自己喺海邊撿拾既野生藍青口，多數都會長滿好多寄生喺青口外殼既"藤壺"~ 煮青口前要先將藤壺清理好:

- 先開一盆鹽水，放入撿拾回來的青口;

- 用較剪將青口外殼上的藤壺剪去;

- 用瓜菜布或刷子擦乾淨青口外殼;

- 用清水沖洗乾淨，撈起即可煮食。

 1. 預備已清洗乾淨的藍青口。

 2. 預備適量切碎的歐芹(parsley)、shallots (一種比乒乓再細少少的洋蔥; 可用普通洋蔥代替~)、蒜蓉 + 香葉 (用手撕碎~)

 3. 燒熱少許橄欖油後，將牛油1小塊煮溶，加入蒜蓉和shallot 炒香。

 4. 倒入藍青口，加入白酒、香葉和魚湯兜勻煮滾，蓋上蓋轉小火煮5分鐘。

5. 開蓋後將沒有打開的青口揀出棄掉，加入重忌廉兜勻煮至滾，用海鹽和磨碎黑胡椒調味，灑上新鮮切碎parsley 即成。