巨無霸薄餅 & 蕃茄銀芽碎牛湯
點解依個組合咁古怪既呢? 因為係我個古怪老公既主意!
星期六晚整薄餅仲有些少材料用剩，而且整pizza 好好玩~~~ 所以決定趁熟手再整多次! 本來我想整海鮮pizza，不過老公話都係想要雞肉
...但我又唔想整同上次一模一樣喎，於是叫老公揀多一樣有少少創意既材料......佢竟然揀咗煙肉!!
(都好~ 煙肉減價! 哈哈~~~ 
)
其實果d白波波係mozzarella cheese 來架! 返到屋企先發現我唔記得買芝士.......所以老公拿拿淋落返去近少少既Asda 買，不過Asda 冇Tesco 果種現成薄餅混合芝士，所以要mozzarella + cheddar 分開來買......
至於個湯......本來我買材料係打算今朝整湯飯比自己做午餐，點知老公見到d材料，佢又話要飲埋一份~ 所以就出現咗滾湯配pizza 依個9唔搭8既配搭嘞!
巨無霸薄餅食譜click here~
蕃茄銀芽碎牛湯食譜click here~
你個pizza整得好靚啊. 個湯看上去顏色都好配. 等我有機會都要跟你食譜做pizza & 湯. 在外國買餸都冇香港咁新鮮 & 咁多款, 所以我好多時都唔知煮咩.
回覆刪除[版主回覆07/22/2009 17:04:00]多謝~ 樣樣都加d落pizza 多d顏色就靚架啦!
就係因為外國買餸冇香港咁新鮮 + 多款，所以我地先要花多d心思唸多d新口味!
中西合璧，玩fusion
回覆刪除[版主回覆07/22/2009 16:40:00]係呀~ 係呀~ 我一向都覺得Fusion = 9唔搭8!
pizza你都識整....你真係好勁....
回覆刪除[版主回覆07/22/2009 16:30:00]唔勁~ 好易整架咋，最緊要係個批底之嘛! 之後加材料去焗咁就搞掂嘞....幾容易!
好耐無買芽菜煮餸了..因為現在啲芽菜好鬼幼身...吾好食...你果邊啲芽菜怕吾怕又係咁?
回覆刪除[版主回覆07/22/2009 16:25:00]我依度d芽菜仔成日都好靚架! 肥嘟嘟脆卜卜~~~
如果妳怕幼身，不如試吓自己用綠豆發吖?
波波芝士好得意喎, 不過溶咗就感覺上好似卡通片中發毛咁。
回覆刪除[版主回覆07/23/2009 17:32:00]唔係~ pizza 上面果d毛毛，係我焗完個pizza 後灑咗d parmesan cheese 粉上去呀!