本來唸住weekend 去愛丁堡既German Market，不過見天氣唔多好，感冒又啱啱先好返...所以唔係好想去街，費事一陣感冒又來料就死嘞!!!
於是的起心肝留喺屋企執屋，多得老公幫我手，先可以咁快手換哂季 + 執乾淨哂屋企~ 除咗執咗3個大垃圾膠袋衫褲送埋去charity 之外，仲搞掂埋棵聖誕樹添!
我唸T家可能係全英國最遲擺聖誕樹出來既......不過根據老公所講，聖誕樹其實應該12月13日先擺出來既 - 即聖誕前12日; 而拆聖誕樹，就應該喺聖誕後12日~ 如果係真的話，咁我地都只係遲咗1日啫!
我比較鍾意傳統果隻聖誕樹! 因為自己鍾意點佈置都可以~ 不過今年既聖誕樹暫時唔係好靚......好空虛啊~~~~~
但尋日set up 聖誕樹時，我懶...用腳去踩個插頭入去拖把......我拖鞋底即時有微微火光一閃!!!! 就係咁...依咋小天使燈就報銷咗嘞~~~~
老公話應該係粒fuse 燒咗~ 不過屋企搵唔到其他啱電壓既fuse...唯有等老公今晚買返來啦......希望老公可以救返小天使燈啦! 佢只係得3歲架咋~~~
我啱啱先發現 - 老公偷工減料掛少咗好多波波出來!!! 令已經冷清既聖誕樹更空虛!!!! (咪以為收埋我就搵唔到!!!!)
希望聖誕樹可以快d熱鬧起來~~~~
靚女, 你個棵聖誔樹好靚啊, 但地下的禮物是真還是假的呀?
回覆刪除[版主回覆12/15/2008 23:01:00]上面冇咁靚果棵係今年架 - 壞燈 + 暫時得2份禮物; 下面果棵係舊年架~
哈哈~~~~ d禮物緊係真架啦! 假既包來做咩呀? 每年聖誕老公都會買好多份禮物比我，不過咁多份當中只得一份係堅野~其他就係小野傻野e.g. 公仔, 玩具......平安夜晚一過咗12點，老公就會同我一齊拆禮物，好有抽獎feel 架!!!
小天使燈, 好靚呀....我屋企無放喇..地方淺窄... 年年我都係 攪靚公司個棵就算~ 今年公司有新樹..我都未得閒POST 相...忙
回覆刪除[版主回覆12/16/2008 20:45:00]小天使燈已經証實打咗柴...... 已經去咗垃圾桶~~~
我見街有d得幾吋高既迷你聖誕樹果喎~ 好得意好cute 架! 細細棵可以放枱頭，完全唔阻訂~ 香港有冇得賣呀? 買返棵返屋企來應節嘛!
你老公仔真是好抵讚, 好有情趣。難怪你地一齊咁多年, 別人都以為你們還在熱戀階段。祝你聖誕快樂, 同老公仔永永遠遠都咁甜甜蜜蜜!
回覆刪除[版主回覆12/16/2008 20:53:00]哈哈~~~ 多謝! 不過今年經濟唔好，我又暫時冇乜想要，我都叫佢唔好買咁多野嘞! 而且我地都約好咗 - 堅果份唔好買住，等聖誕過後大減價時，唸到想要乜先買! (反正我只送一份比老公! )
多謝妳既祝福~ 我都祝妳地一家三口有個甜蜜溫馨既聖誕!
小天使整唔整得返呀?
回覆刪除今年會有幾多份小禮物收呀?銀色嗰條係咪攬枕?
[版主回覆12/16/2008 20:59:00]小天使已經救唔返嘞...... 唸住暫時忍手，等到聖誕之後大減價至買新，因為唸住買埋棵新聖誕樹~
每年我都唔知有幾多份禮物架! 幾多份都冇所謂啦~ 老公話銀色果條唔係我架...佢話係99架! 我見包咗放喺房就懶醒放喺樹底.........
嗰組小天使燈真係好靚,有好温暖嘅感覺,都係遲少少先掛上去啫,唔駛太介懷啦,今次用完唔好收得咁埋la,唔係出年又要揾餐死!
回覆刪除[版主回覆12/16/2008 21:00:00]已經唔洗掛嘞! 因為小天使救唔返..... 不過而家唔買返住，等過咗聖誕減價先買! 留返出年擺~~~~
唔係呀,都已經好靚喇喎!!分分鐘靚過出面有d鋪頭tim呀!!!Merry X'mas 阿傻!!
回覆刪除[版主回覆12/16/2008 21:06:00]阿蕉妳要求咁低架!
Merry Xmas 呀! 祝你地一家四口有個開心難忘既聖誕~
我都好鐘意聖誕節...成條街都好靚, 第一年結婚都有擺聖誕樹, 不過之後就無再擺過...因為...無位擺呀.....heheehe
回覆刪除[版主回覆12/19/2008 20:22:00]聖誕節我普普通通啦...最唔鍾意聖誕前後老公好忙!! 依度天氣又凍~~~~
買棵迷你聖誕樹應吓節嘛! 又cute 又唔阻訂!
靚豬屋企セ裝飾都無.........你好我好多架啦~
回覆刪除[版主回覆12/20/2008 18:18:00]點解呀? 貼少少裝飾掛d閃燈應吓節嘛!