聖誕燒火雞; 芽甘藍 + 紅蘿蔔; 周打蜆肉湯 & 香草蒜茸包
大家聖誕節過得如何呀????
英國既聖誕節同香港既聖誕節好唔同~ 香港聖誕節正日街頭會人頭湧湧，相當熱鬧，食肆坐滿食聖誕大餐慶祝既客人; 相反，英國聖誕節正日，所有店舖 + 絕大部份餐廳都唔會開，成條街好冷清，如同死城一樣! 因為聖誕節在英國來講，係一家人留喺屋企享受family time 既節日~~~~~
自從結咗婚後，聖誕節我都喺英國渡過~ 雖然得我 + 老公兩丁友，但每年我都會喺聖誕正日煮聖誕餐，會燒隻火雞來應節! 英國傳統上既火雞聖誕餐應該係食午餐; 不過T家既聖誕餐一向都係晚餐來既!
不過我已經連續2年冇燒過火雞...因為我奄尖既怪癖 - 我唔鍾意一早買定煮食既材料，因為我覺得唔夠新鮮! 就係因為咁，之前2年我都係等到最後一刻 - 平安夜先去買火雞.....但火雞已一早比人買哂!!!
要改食燒牛肉或燒火腿.......
今年我醒嘞! 我早咗1日咁大把 - 23號就買定隻火雞!
個周打蜆肉湯我用咗V媽媽教既懶人方法去煮，老公一向好鍾意飲! 不過今次唔記得影相，所以今次唔出食譜住! 下次再煮先啦~~~~
雖然只得我 + 老公2個人，不過話哂大節流流，我一向又奄尖慣，所以除咗食物之外，我連餐具都好講究~ 刀叉匙羹係一套我平時收埋唔用，只會大時大節 + 請客時先攞出來用既靚野來架!
聖誕燒火雞Classic Roast Turkey 食譜click here~
香草蒜茸包食譜click here~
the color of your roast is perfect! Any special techniques?
回覆刪除[版主回覆12/28/2008 04:59:00]before putting the turkey into the oven, put the herb butter between the skin and the meat of the turkey. then gently massage the butter (from the outside of the skin), around the meat so it is well and evenly covered. this will keep the meat juicy and the skin crispy~~~
for more information, pls read the recipe!
我都好怕食椰菜仔
回覆刪除[版主回覆12/28/2008 05:00:00]香港都有得賣架? 我以前喺香港未見過.......
我好鍾意食架! 年年依個時候我都食好多!
我好怕食火雞 因為我平時連雞胸位都唔食既 不過............ 我可以幫你食晒d雞皮 好香脆呀
回覆刪除[版主回覆12/28/2008 05:08:00]我平時都唔食雞胸，我連整豉油雞都係用雞脾既! 不過火雞既脾同普通雞既脾完全唔同! 火雞脾好tough，煮既時間亦較長~
我唸大部份人唔鍾意食火雞既原因係因為胸肉鞋而乾! 火雞胸冇可能會滑架嘞~~~ 不過用我依個方法焗，肉一定唔乾，充滿肉汁 + 脆皮!!
人哋反而好有興趣個"周打魚湯"吖嘛,但妳偏偏係呢個時候傷人個心嘅 ,不過妳呢隻火雞幾多磅呀,我望落去好似好細隻咁,因為啱啱香港啲飲食節目(蘇絲黃)介紹點整火雞,佢個朋友整果隻好似係13-14磅重,但都話係偏細喎 ,不過我一向都唔好火雞,反而想試整"燒春雞",我估難道指數應該低好多
回覆刪除[版主回覆12/28/2008 05:18:00]我依個係周打蜆肉湯喎~ 而且仲係用罐頭蜆!
我之所以唔出食譜住，除咗因為冇影到相，仲因為周打魚湯做法多少少步驟! 等我整周打魚湯時，先一次過出食譜啦~~~
我隻唔係全火雞來，係冇火雞腿既turkey crown! 我地得2個人食之嘛! 我依隻係中size，因為冇腿所以大約5磅左右啦~~~ 火雞既腿肉同普通雞既肉質好唔同，所以燒連腿火雞，多數會腿同身分開用唔同方法來燒! (細隻就可以全隻燒.....) 燒春雞我都有食譜呀!
http://hk.myblog.yahoo.com/veronicams_tsim/article?mid=4090
基本上我覺得蘇絲黃煮野食得啖笑! 佢煮野方法一向異於常人.....
你真係好鬼掂...10個叻比你
回覆刪除[版主回覆12/28/2008 05:21:00]Thank you~~~ 熟能生巧啫!
嘩! 好正的聖誕餐!!!!
回覆刪除我記得以前係英國, 年年都有得食. 但係就唔喜愛吃那個小椰菜. 因為個芯有小小苦咪.
Anyway, 好精彩的一餐! 正!
[版主回覆12/30/2008 20:04:00]多謝!
我反而好鍾意食brussels sprouts 喎! 我平時都有1包急凍既brussels sprouts 放喺冰格架~
嘩! 好正的聖誕餐!!!!
回覆刪除我記得以前係英國, 年年都有得食. 但係就唔喜愛吃那個小椰菜. 因為個芯有小小苦咪.
Anyway, 好精彩的一餐! 正!
我當年在英國讀書，去了一對公公婆婆的家home stay，過了一個很地道的英式聖誕，你這篇網誌又令我想起那些日子。
回覆刪除[版主回覆12/30/2008 20:08:00]地道英式聖誕係咪好鬼悶呢??
All the best for 2009 啊~~~
回覆刪除[版主回覆12/30/2008 20:09:00]Thanks very much!
最緊要身體健康 + 日日開心~~~ 大家咁話!
嗰隻小椰菜[我係咁叫佢!]真係幾好食架,不過唔係度度都有得買,煮起上嚟又有啲難度,所以都好少煮,但係我食咗都冇放臭屁喎,點解有人會呢??!!
回覆刪除靚女,唔駛問你聖誕梗係過得好happy 啦,我就到由冬至到而家都仲係一副病!!
[版主回覆12/30/2008 20:15:00]brussels sprouts 好怪 - 有d人好鍾意; 有d人好憎! 永冇中間線...我唸放屁都係一樣 - 因人而異!
煮起上來有難度??? 一般煮法放入水滾10分鐘，取出隔水加牛油加黑胡椒 + 鹽撈勻...之喎! 好簡單呀~~ 妳點煮呀?
老公由聖誕起連放4日假，除咗boxing day 出去行街行足成日乜都買唔到之外，其他幾日都係留喺屋企! 妳病好返未呀? 我病完就輪到妳呀! 小心身體啊~~~~
(Empty)
回覆刪除[版主回覆12/30/2008 20:15:00]Thanks very much!
又大一歲喇,係到祝妳同妳hon hon永遠都咁恩愛,最最最好就係快啲生個b出嚟,咁就完美喇
回覆刪除唔好意思,我眼就睇住"周打蜆肉湯"打手就打"周打魚湯",唉.......我成日都係咁樣架 ,不過都唔該晒妳個"燒春雞"食譜
係呀,我都覺得真係學足蘇絲黃煮餸的話,個人都唔知要吸收多幾多調味料+色素
[版主回覆12/30/2008 20:19:00]多謝!
得嘞~ 過咗新年等隻狗仔走咗，我再煮周打魚湯, OK? 爭妳個薯仔食譜都係等狗仔走咗先! 有拖冇欠~~~
果日同V媽媽傾電話，V媽媽都話阿蘇煮野食直情係嚇鬼!!! 煮乜鬼都落麻油........
回覆刪除靚女,哩排事忙,唔好意思,有啲行貨,祝你生日快樂!!
[版主回覆12/30/2008 20:20:00]哇! 妳依個可以一次過祝哂我3年生日快樂喎!
thanks very much~~~
聖誕節食自助餐時食過尼款小椰菜...好得意..細細粒咁..都幾好味..
回覆刪除[版主回覆12/30/2008 20:21:00]原來澳門都有得食brussels sprouts~~~
嘩,聖誕火雞餐你都識整呀,真係叻叻呀!!比著我地,一定出去食lu......!!
回覆刪除[版主回覆12/30/2008 20:24:00]thanks!
英國聖誕正日店舖、餐廳超市....麥記都好...乜都唔開架! 冇得出街食......
得啦,妳慢慢enjoy妳嘅生日同新年,果啲唔急嘅就慢慢嚟啦 ~
回覆刪除蘇絲黃係好攪笑架,佢唔比人落蒜容煮餸,但佢啲麻油就好似唔駛錢咁係咁落,咁套用佢一句,新鮮嘅食材,又何須用太多嘅麻油呢
[版主回覆12/30/2008 22:57:00]阿蘇煮餸應該當係搞笑節目咁來睇...而唔係烹飪節目!!!
地道英式聖誕好溫馨！
回覆刪除佢地有另外一家人一同過，公公婆婆２４晚帶我去教堂，２５號由早上開始預備聖誕大餐，中午開始，吃到六時，一齊收看女皇聖誕文告，之後在大廳的火爐邊，談天及玩遊戲，交換聖誕禮物，玩到凌晨２點
[版主回覆12/31/2008 10:22:00]真係好地道吓喎!